بتستعجل الغيار

[lion98]

إخواتي و أصدقائي الأعزاء أعضاء أجمل و أشيك قسم مع كل تقديري لكل أقسام منتدانا المحترم. مش ها أطول عليكم بس بجد محتاج خبرة حضراتكم جميعا خصوصا ملاك العربية القدامى و أصحاب الخبرة الكبيرة فيها . موضوع بسيط بس محيرني . من ساعة ما العربية كملت 8 الاف لاحظت حاجة غريبة . العربية كل ما الRPM بيقرب من 3 (تقريبا 2750) بلاحظ صوت الموتور علي شوية . مش لدرجة مزعجة بس ما كنتش بلاحظه من بداية استلامي للعربية . و العربية زي ما تكون تستعجلني أنقل على الغيار الأعلى . مثلا أنا متعود بأدي الغيار الثالث على سرعة 40كم/س و الرايع على 60كم/س و الخامس على 80كم/س . دي طريقة سواقتي (جايز تكون غلط) من ساعة ما اتعلمت و على كل العربيات من 128 إلى اللادا للشاهين للأكسنت للجولف و انتهاء بالوجان . سواقتي هادي مش بتاع قرص إلا نادرا و معظم شغلي من 8 سنوات داخل البلد (المنيا) و مش باطلع كتير براها . يا ترى حد حصل معاه الموضوع ده . و إمتى (بعد كام كيلو) و هل ده أمر طبيعي و مألوف في اللوجان ولا خاص بسيارتي لوحدها و لا في موديل 2011 . و هل نفس الشكوى في 2012 . أتمنى الرد و الإفادة للكل . ما اخبيش عليكم الموضوع معكنن علي شوية بس نقول إيه ؟ الحلو ما يكملشي . مع خالص شكري و تقديري لكل أصدقائي اللي كان ليهم بعد ربنا سبحانه و تعالى الفضل في تعرفي على هذه السيارة الرائعة و قراري بامتلاكها و لله الحمد

[amrelzawawy]

لا طبيعى عشان اعلى عزم للعربيه على rpm واطى اللى هو 3000 لكن فى العربيات التانيه بيكون على 3500 او 4000

[amrelzawawy]

حتى لو تلاحظ الصوت بيوطى بعد ما تعدىrpm ال3000

[Moh_Ibrahim]

إخواتي و أصدقائي الأعزاء أعضاء أجمل و أشيك قسم مع كل تقديري لكل أقسام منتدانا المحترم. مش ها أطول عليكم بس بجد محتاج خبرة حضراتكم جميعا خصوصا ملاك العربية القدامى و أصحاب الخبرة الكبيرة فيها . موضوع بسيط بس محيرني . من ساعة ما العربية كملت 8 الاف لاحظت حاجة غريبة . العربية كل ما الrpm بيقرب من 3 (تقريبا 2750) بلاحظ صوت الموتور علي شوية . مش لدرجة مزعجة بس ما كنتش بلاحظه من بداية استلامي للعربية . و العربية زي ما تكون تستعجلني أنقل على الغيار الأعلى . مثلا أنا متعود بأدي الغيار الثالث على سرعة 40كم/س و الرايع على 60كم/س و الخامس على 80كم/س . دي طريقة سواقتي (جايز تكون غلط) من ساعة ما اتعلمت و على كل العربيات من 128 إلى اللادا للشاهين للأكسنت للجولف و انتهاء بالوجان . سواقتي هادي مش بتاع قرص إلا نادرا و معظم شغلي من 8 سنوات داخل البلد (المنيا) و مش باطلع كتير براها . يا ترى حد حصل معاه الموضوع ده . و إمتى (بعد كام كيلو) و هل ده أمر طبيعي و مألوف في اللوجان ولا خاص بسيارتي لوحدها و لا في موديل 2011 . و هل نفس الشكوى في 2012 . أتمنى الرد و الإفادة للكل . ما اخبيش عليكم الموضوع معكنن علي شوية بس نقول إيه ؟ الحلو ما يكملشي . مع خالص شكري و تقديري لكل أصدقائي اللي كان ليهم بعد ربنا سبحانه و تعالى الفضل في تعرفي على هذه السيارة الرائعة و قراري بامتلاكها و لله الحمد

انشاء الله بعد تغيير الزيت عند 10000 الصوت هيهدى
وجرب تحط بنزين 90 بيهدى صوت الموتور شويه

[akerima]

باذن الله بعد صيانة ال 10000 الصوت حيبقي عادي ومش حاتحس بية وبعد ماتعدي ال 15000 حتبقي كل حاجة طبيعية جدا