سعة التانك

[Moustafa.yonis]

السلام عليكم يا شباب

امبارح اول لما لمبة البنزين نورت وده كان الساعه 12 بالليل رحت البنزينة علشان افول- رحتها قبل كده كذا مرة اسمها توتال في مصطفي النحاس- المهم انا متعود ان لما اللمبة تنور يبقي فيها 5 لتر والراجل بيحط تقريبا 45 لتر ده كل مرة
وانا عارف ان سعة التانك 50 لتر

الفكرة بقي ان الراجل لما وصل ل 45 لتر المسدس بتاعه عمل تيك وفصل
بس لقيت الراجل عمال يزود يزود لحد لما وصل ل 54 لتر
كنت هتجنن
وقلت للراجل هو العداد بايظ قالي لا
الراجل وقف طبعا بس شكله عنده استعداد يكمل

الفكرة دلوقتي
هل العداد بايظ
هل التانك ياخد اكتر من 50 ليتر

الكلام كان بالليل يعني مفيش تمدد للبنزين يعني اقل حجم لليتر هل ده له علاقة

المفروض كده التانك لو العداد سليم والبنزينة مش حرامية يبقي فيه 59 لتر

[ModySheta]

متابع باهتماااااااااااام ....

[georgedada82]

ده بيبقي الزور بتاع التانك غالبا

[Moustafa.yonis]

معقوله زورها كبير كده

يعني تقريبا 10 لتر

انا عارف ان الشرطة الاولي في مؤشر البنزين بتقعد شوية اكتر علشان موضوع الزور
لكن تاخد كل ده ده غريبة
طبعا الفيصل هيكون في ان الشرطة الاولي هتقعد قد ايه

انا بس عايز اعرف علشان لو البنزينة دي فيها مشكلة

[sukkar76]

تقريبا نفس الموضوع حصل لى قبل كده
واعتقد ان التنك سعته الفعليه حوالى 60لتر لان العادى لما احب افول التنك باحط 53 لتر

[Moustafa.yonis]

تقريبا نفس الموضوع حصل لى قبل كده
واعتقد ان التنك سعته الفعليه حوالى 60لتر لان العادى لما احب افول التنك باحط 53 لتر

يبقي الكلام كده منطقي

[MOUSTAFA_SAAD]

لو فولت للزور التانك بياخد اكتر من 50 لتر

[akerima]

بصوا انا حصلت معايا حاجة غريبة امبارح غالبا انا بفول اول لما تبقي العربية 3 شرط عشان احافظ علي طرمبة البنزين وكدة فغالبا بحط ب من 65 ال 70ج بنزين 92 اللي حصل امبارح ان العربية جابت 3 شرط ومشيت بيها شوية كتير بس كانت لسة 3 شرط ورحت فولت من محطة بنزين امارات مصر اللي بعد موقف محرم بيه ودفعت 60ج فقط لا غير دا بتفويل الزور برضة خلي بالكوا

انا متعود افول من بنزينة معينة جنب البيت في جمال عبد الناصر ونادرا ما بفول من بنزينة تانية ودي اول مرة افول من المحطة دي

يبقي الكلام علي اية؟؟؟؟؟؟؟؟؟؟؟

[Moustafa.yonis]

لو كانت التفويلة في الظهر المووضوع بيفرق

اعتقد ان كثافة البنزين بتقل مع الحرارة وبياخد اكبر مساحة للتر
ده حل

برضة لو بتتكلم عن فارق من 5 لو 10 جنية يبقي فيه عوامل كتيره ممكن تؤثر في الفرق ده

درجة الحرارة
نسبة التفويل
ممكن تقل زيك او تزيد زيي
ممكن البنزينة
ممكن حاجات كتيره

[waleedfadeel]

الزور بيعمل حوالى 10 لتر او اكتر عن تجربة شخصيه وده حصل لما كان فيه ازمة بنزين فولت حتى الزور ومشيت حوالى 100 كم او يزيد وفى كل مرة استعلم عن حجم البنزين الموجود داخل التانك عن طريق الكمبيوتر كان بيدينى 50 لتر.

[Xlance2010]

ياريت الخبراء يفيدونا بسعة خزان الوقود الفعلية من كتالوج السيارة علشان ده حيكون الفيصل

اسمى اسفل مشاركتى

[gebreel]

انا مرة العربية اتفولت لحد الزور الشرطة الاولى قعدت معايا 200 كيلو =)

[waleedfadeel]

ياريت الخبراء يفيدونا بسعة خزان الوقود الفعلية من كتالوج السيارة علشان ده حيكون الفيصل

اسمى اسفل مشاركتى

سعة التانك 50 لتر ودى اقصى قراءه ممكن تاخذها من الكمبيوتر عند ملء التانك بالكامل وما زاد من بنزين فى الزور لا يقرأ بواسطة الكمبيوتر وتظل القراءة كما هى 50 لتر لان الكمبيوتر يقرأ مستوى البنزين داخل التانك فقط ولا علاقة له بالزور.

[dr_mohamed16]

انا بقى عملت رقم قياسى ..
والراجل وصل التنك حوالى 65 لتر
انا فى الاول افتكرته بيرش البنزين بره روحت رايح واقف جنبه .. لقيت مفيش حاجة بتنزل برة !!
المهم دفعت الفلوس و مشيت و انا باستعوض ربنا عشان قولت اكيد شكلهم لاعبين فى العداد و بيسرقوا الناس
لكن المفجأة ان فعلا العربية اخدت حوالى 15 لتر زيادة !!!!!!

هى بتعتمد على عامل البنزينة لو واحد عنده صبر بيفضل كده وحدة وحدة لحد ما يجيب اخره :)

[AymanHamdan83]

تانك البنزين سعته فعلاً 50 لتر
لكن الماسوره اللى بتوصل لتنك البنزين مش محسوبه من سعة التانك
وبالتالى لو اتملت بنزين هتخلى السعه الفعليه اكتر من 50