الحقونى المراية اليمين طارت

[AirForces]

سلام عليكم

الواحد والله قرف الطريق واقف وزحمة وانا واقف ما بتحركش جه سواق نقل يغير الحارة وهو بيكسر خد المراية اليمين كلها معاه

دلوقتى ضهر المرايا طار والقاعدة بتاعتها اللى فى الباب اتكسرت إيه العمل دلوقتى اعملها فى التوكيل وهتتكلف كام ولو المرايا بتتباع بره الاقيها عند مين فى التوفيقية او شارع دمشق ولو جبتها من بره مين يركبهالى وهل كدا هخرج من الضمان ولا إيه .. المرايا بتاعة الفل اوبشن الكهربا

معلش هتعبكم معايا

[kojyad]

انا لسة سائل عليها في شارع دمشق وكانت موجوده اليمين والشمال بس والله مش فاكر بكام
المهم انا كنت بطمن ان الراجل ده عنده قطع الغيار الصعبة وسألته على الفوانيس لقتهم برده
والفوج لايت موجود وكان اسعاره 70 جنيه الواحد و 150 جنيه و 250 جنيه حسب النوع
صيني او تيواني او الاصلي وسألت في التوكيل عامل 500 جنيه بالضريبة والمصنعية
الراجل ده في شارع دمشق لما تخش الشارع الى قبل حرية مول يمين وبعدين شمال من عند البنزينة
خليك ماشي شوية في مشق وعدي التقاطع , هتلاقيه على اليمين , وفي واحد بعده بحوالي 4 او 5 محلات
اسأل فيهم هما رينو بس , وربنا يوفقق
وبلاش التوكيل ده من رأيي ( خليها تصدي وموديلها يعدي ) احنا لازم نقاطع التوكيل في قطع الغيار عشان
فرق الاسعار ده ,

[AirForces]

الف شكر على رد حضرتك
انا اتصلت بكذا محل وكلهم قالولى عندهم المراية الكهربا تايوانى والأسعار اختلفت من 150 ل 190 جنيه وهى نفس المراية على حسب وصفهم بس للأسف المراية دى كلها فيبر مصمطة مفيهاش الجزء اللى بيترش بلون العربية
بس اعتقد فى انه فى اعضاء جابوها بالجزء اللى بيترش دا لو حد يعرف مكان بيبعها زى بتاعة التوكيل ياريت يقولى

[ahmedbakr50]

أنا كانت اليمين طارت برده من رمضان قبل إلى فات
وجبتها من شارع دمشق بـ 320 جنيه كهرباء تايوانى من خالد عمران على ما أفتكر ودلوقتى شكلها رخصت
وكان الجزأ المرشوش بلون العربية موجود لوحده عشان ترشه وبعد كده تركبه كبس
بس الجزأ ده فى المرايا القديمة كان الوحيد إلى سليم ففكيته وركبته فى الجديده
حضرتك ممكنم تجيب عنوانه من موضوع مثبت بإسم اماكن واسعار قطع غيار رينو لوجان

[Col. Eng. Khaled]

ت . خالد عمران 22583355 شارع دمشق ، قبل موقف الأتوبيس - مصر الجديدة

ت . ميشيل حليم 22579666 شارع جسر السويس عمارات الميريلاند (عمارة 2) ، روكسي - مصر الجديدة

تركيب المراية ما تشغلش بالك بيه كلمني لما تجيبها إن شاء الله .

إن شاء الله بالتوفيق .

[AirForces]

أنا كانت اليمين طارت برده من رمضان قبل إلى فات
وجبتها من شارع دمشق بـ 320 جنيه كهرباء تايوانى من خالد عمران على ما أفتكر ودلوقتى شكلها رخصت
وكان الجزأ المرشوش بلون العربية موجود لوحده عشان ترشه وبعد كده تركبه كبس
بس الجزأ ده فى المرايا القديمة كان الوحيد إلى سليم ففكيته وركبته فى الجديده
حضرتك ممكنم تجيب عنوانه من موضوع مثبت بإسم اماكن واسعار قطع غيار رينو لوجان

الف شكر يا هندسة هكلمه إن شاء الله واشوف عنده :)

ت . خالد عمران 22583355 شارع دمشق ، قبل موقف الأتوبيس - مصر الجديدة

ت . ميشيل حليم 22579666 شارع جسر السويس عمارات الميريلاند (عمارة 2) ، روكسي - مصر الجديدة

تركيب المراية ما تشغلش بالك بيه كلمني لما تجيبها إن شاء الله .

إن شاء الله بالتوفيق .

سيادة العقيد ربنا ما يحرمنا منك :)