أسعار رينو لوجــــان

[ahmed_hassieb]

السيارة رينو لوجان سيتم تسويقها فى مصر رسمياً اعتباراً من غداً

ويوجد منها طرازان :

الاول Authentique هاف اوبشن --> 69900 جنيه

الثانى Expression فول اوبشن --> 74900 جنيه

والاثنين 1600cc 8v

90 حصان

الفروق بين الاثنين فى الاتى :

الفول اوبشن :
اير باج / مصابيح ضباب / شاشة متعددة الوظائف / سنترلوك بريموت
زجاج كهربائى اربع ابواب / تحكم فى ارتفاع كرسى السائق / اطارات 15 بوصة

الهاف اوبشن :
لا يوجد ما سبق ( 2 زجاج كهرباء امامى فقط / اطارات 14 بوصة )

وسيقام احتفال بمدينة 6 اكتوبر غداً لبداية الحملة التسويقية لها بمصر ..

[KHALED012500]

كنت عايز اسأل سؤال واحد بس

اللوجان اللى نازله مصر هى بردو صناعه مغربى ؟

واللى كانت نازله قبل كده كانت صناعه ايه ؟

وشكرااااااااااااا ليكم

[limo]

مش العربيه مع مهندسين رينو بتوع خدمه الطريق ؟؟
اصلى ركبتها مع المهندس يوم ما كانت عربيتى عطلانه هيه تقفيلها عادى وضيقه شويه
هيه مفيهاش لا تكيف لا بور ؟؟
حتى لو فيها تكيف وباور انا حاسس انها غاليه
كويس عليها اوى 60 الف
على فكره وانا بعمل صيانه شوفت منها كتير فى الصيانه

[TAG_Turbo0]

سعرها مغالى فيه كتير
يعنى لو يخلو الفول أوبشن هى الى فى حدود 70 ألف
أعتقد هتعمل مبيعات جبارة

[Bubbles]

عربيه شكلها حلو و حتعمل شغل زي الرينو رينبو أول مانزلت
بس ياترى في منها اتوماتيك؟

[Ahmad Allawy]

هي العربية دي في رأيي مفس شكل الكليو الشكل القديم
مع بعض التعديلات اللي موحشة شكلها شوية..
بس هي الي حد كبير شكلها في الصور مقبولة.. فيها طعم الكليو برضه..
اما فيما يخص السعر و الكلام ده..
انا شايف ان العربية دي سعرها المفروض انه يقل شوية..
يعني فعلا اخرها 65 الف للكاملة جميع الكماليات..
هتضرب الفيرنا في مقتل.. و اللانوس خلاص خرجت برة المنافسة.. عشان قرب انتهاء انتاجها..
وكفاية انها نازله مع توكيل محترم جدا زي توكيل رينو.. الناس بتشكر فيه جدا..
انا ش شايفها وحشة للدرجة..بس قيمة العربية اقل من سعرها..
شكلهم هينزلوها معغ شوية طمع في مكسب اكتر..
والنتيجة انها هتختفي و مش هتحقق مبيعات.. الناس شايفةا لفيرنا و اللانوس ماليين الشوارع و قطع غيار رخيصة.. و اللي مش فاهم قوي في العربيات هيقولك ماهي العربيات دي منتشرة عشان كويسة..
و بالتالي هتفشل في مصر.. وده السيناريو اللي انا متوقعه ليها.. عشان اللي نزلها ملعبهاش صح..

[Mzeid]

العربية نازلة ب 70.000 جنيه
غالية جداَ حرام عليها المبلغ دة ..

[bassam nagy]

انا شوفت منها ملاكى بس التوكيل لسة معملش عنها اى اعلان

[ahmed_hassieb]

رينو لوجان .. صناعة رومانيا

[user]

العربية شكلها ضعيف شبه الاسبرانزا السيدان ال 1300 و تمنها غالى عليها وكفايا ان مفيش تكييف و لا باور
المفروض عشان تنافس تبقا بسعر الاسبرانزا 1300 الهوا 55000

[Ahmad Allawy]

مين اللي قال انها مفيهاش تكييف ولا باور..؟؟
انا سألت في المعرض اللي في كارفور الاسكندرية..
تقريبا الطارق علي ما اذكر..
قاللي ان الفاضية منها تمنها تقريبا 70 الف..ودي اللي هي تكييف و باور بس..
و الكاملة تقريبا 75.. ودي فيها زجاج كهربا امامي و حاجات تانيةمش فاكرها..

انا معاك انها المفروض سعرها مكانش المفروض يعدي ال60 الف للنسخة الكاملة..

[Sharky]

حضرتك العربية فيها تكييف و باور
يا جماعة إتأكدوا من المعلومة

[hahahahahaha]

هي العربيه مفيهاش ولا مكيف ولا بور ولاأيه

[itsonlyme]

هي العربيه مفيهاش ولا مكيف ولا بور ولاأيه

طبعا فيها الإثنين.
دي الفاضية فيها سنتر لوك, مش هيكون فيها باور وتكييف؟!

[khaledf]

هل الاسعار دى هتنزل مع تطبيق اتفاقية اغادير العام القادم باعتبار اللوجان تصنيع مغربى