سنديرو ستب واي

[ant_z]

على فكرة انا استلمت من يوم 6/12/2011 والعربية اكثر من رائعة :s_thum1[1]:اللون نبيتي و 2 airbag
وabs بس هو فعلا صوت الماتور عالي شوية بس حسب كلام الرجالة انه هيقل بعد كدةو انا حجزت و
استلمت من الطارق المعرض الجديد اللي فتح في مول العرب 6اكتوبر و 1000 مبروك للرجالة اللي جابتها
واللي لسة هيستلموها بجد مش هتندموا ابداا و اي حد اعرفه يشوفها تعجبه اوي و يارييت بجد نكنون يا رجالة علي اتصال عشان نساعد بعض في اي حاجة لان تقريبا احنا اول ناس نجيب العربية دي و اي مساعدة او استفسار انا في الخدمة و ممكن تبعتولي علي الخاص لاني مش دايما بكون موجود .
.... حاجة غريبة اوي حصلت و انا برخصها اني بعد مراحل الترخيص "السلسة الجميلة" و بعد ما استلمت الرخصة ببص في الظهر لقيت مكتوب رينو لوجان .... طبعا رجعت للراجل في الشباك " يا باشا العربية مش لوجان دي سانديرو ستب واي " قاللي " يعني هي مش رينو " :_alshmokh11: قلتله لأ رينو بس مش هو ده الموديل ...اخد مني الرخصة "بامتعاض" و اختفى شوية ... رجع و اداني الرخصة ..ابص فيها الاقيه شطب لوجان بمزيل "كوريكتور" ... ادايقت و قلتله "انت شطبت الموديل وخلاص انا عايز اغيرها " قاللي " هي كدة يا بيه سليمة و مفهاش مشكلة " ... فلت لنفسي انا هدخل لمدير الوحدة اساله و فعلا رحت قاللي "مفيش مشكلة اصل الموديل اللي بتاع عربية حضرتك لسة منزلش على السيستم" و خرجت من المرور و انا بسأل نفسي هل ده صح و لا كان زحلقة...

لا يا باشا ده عادى جدا انا برضه عندلى سانديرو و كتبلى فى رخصة العربيه انها لوجان فعادى جدا كبر دماغك

[eldeep]

ألف مبروك يا باشا بس أنا عندى استفسار يا ريت حد يجاوب عليه
أنا رحت شوفتها عند الطارق اللى فى مول العرب ووجدت فيه شحم واضح جدا من عند المقصات والعجل من جوه ....فهل ده طبيعى فى عربية حديثة لأن لما بصيت فى ماركات تانية ملاقتش الموضوع ده

[sherifboo]

الله يبارك فيك هو بصراحة انا مركزتش اوي بس متقلقش العربية بجد تحفة انا لسة مكملتش ال 1000 كم بس الى الان مفهاش اي عيوب لو بتفكر فيها توكل على الله و مش هتندم

[m_yosef]

سؤال يا جماعه
هو فيه سانديرو ستب واي اوتو ماتيك ولا زي اللوجان كله مانيوال ؟؟؟

[sherifboo]

كله مانيوال بس في كلام ان في معرض الاهرام اللي جاي هتنزل اوتو و مفيش معلومات عن الاسعار طبعا

[tarek3211]

اخى انا لسه مرخص فى الاسكندريه وكتبو رينو سانديرو