مشكلة فى الحرارة

[gebreel]

متابعة للموضوع .... من يومين وطبعا الجو دلوقتى اسقع من قبل كده كمان رجعت الحرارة طبيعية شرطتين ثم اربعة بعد فترة وجيزة ... الحمد لله طبعا .. بس الواحد مش فاهم ؟!

كدة سينسور الحرارة بيهيس اطلعي عليهم و غيريه على طول على حسابهم

سهلة و مفيهاش حاجة مقلقة

[soli86]

الأربع شرط دول الأساسي و = 70 درجه مئوية و المؤشر اعتباري من 40 درجة مئويه كبداية و 10 درجات زياد لكل شرطة بعد كده يعني 70 عند 4 شرط و تسعين لو زاد كمان شرطتين في ظروف حر و زحمة و حمل على الموتور زي المشي لمسافة طويلة على الأول مثلا و ده مفيهوش مشكلة بشرط أن المروحة لما تشتغل ينزل تاني ل 4 شرط تاني و بكده الموتور بين 70 ل 90 درجة حرارة أمنة و زي كتالوج السياره مبيقول ان لا مشكلة تستدعي الفحص طالما لم يصل المؤشر الى أحد الشرط الثلاث الأخيرة .. شرطتين بس دي لو مستمره يبقى تهييس لأن ده معناه ان الموتور حرارته 50 درجة بس و ده غريب شوية .. و الله أعلم

[ahmedeg1]

[QUOTE=mostafabakry;3873998263]درجة الحرارة الطبيعية في اللوجان هي 4 شرط
في الشتاء ممكن تقل ل شرطتين و خصوصا في الصبح بدري او بالليل في السقعة لان العربيية بتكون باردة و لو انت ماشي علي طريق سريع مش داخلي هتلاقي الحارة شرطتين عشان الهزاء بيبرد الموتور


يا باشا مع إحترامى الكامل لكلام حضرتك مش صح ان الحراره تقل حتى لو بتجرى فى السقعة
لازم درجة حرارة الموتور تكون ثابته فى جميع أحوال الطقس سواء برد أو صيف
و لو حصل غير كده يبقى بوابة الثموستات بتاعة المياه معلقه و لازم تكشف عليها لأن ده فى خطر على الموتور

[hobby10]

فعلا هو الموضوع غريب خصوصا ان الموضوع اتظبط تانى فى ايام اسقع من اللى قبلها وبالتالى موضوع حرارة الجو دى مشكوك فيها

[hobby10]

كدة سينسور الحرارة بيهيس اطلعي عليهم و غيريه على طول على حسابهم

سهلة و مفيهاش حاجة مقلقة

ربنا يسهل .. شكرا لمتابعتك

[tamer61]

فعلا حساس الحرارة فيه مشكله و بيتغير في التوكيل عادي جدا و للعلم حصل عندي نفس المشكله بالظبط وغيروه في الضمان من حوالي شهرين و نصف.

[mohamed1979]

المشكله دى من ثرموثتات كوعه المياه

الموضوع ده ابتدت معايا شتاء 2009 الحراره تكون اربع شرط فى الزحمه و اول ما امشى فى حته مفتوحه تكون شرطتين
قلت على المشكله دى فى صيانه ال 10000 و اقنعونى ان مفيش مشكله فى العربيه و حطو العربيه على الكمبيوتر
و كانت كل قرايات العربيه سليمه
و فعلا كبرت دماغى( ومكنتش مقتنع بالكلام) لغايه ما وصلت لصيانه ال 50000 الف و رحت توكيل المقطم و قلت فى عقلى لازم اشوف رد اقتنع بيه
و عملو كل الى اتعمل من سنتين فى صيانه ال 10000
الجديد انهم غيروا حساس الحرارة و طلعت جربت العربيه رجعت الحرارة شرطتين زى ما كانت
المهندس قالى المشكله كده ثرموثتات كوعه المياه
واتغيرت و الحمد لله الحرارة رجعت اربع شرط تانى

[hobby10]

كلام حضراتكم كده معناه انى ضرورى اغير الجزء ده المشكلة بس ان الوضع دلوقتى رجع طبيعى وانا ضمانى قرب يخلص خلاص فممكن هم يقولولى مفيش مشكلة او حتى حليناها وانا مش حكون متاكدة من ده لان العرض اختفى اصلا .... وحتى انا عديت على ميكانيكى رينو وقالى هو كده كان معلق بس مش بايظ وعمرهم ما حيغروه طالما ماشى دلوقتى كويس ومش عارفة انا اعمل ايه بصراحة

كمان لما رحت للراجل بقوله ان البور تقيل شوية راح مادد ايده كده وسط المواسير وطلع ايده عليها شوية زيت بسيطة وقالى حساس البور جايب زيت وعاوز يتغير وقوليلهم عليهم ده تبع الضمان المشكلة بس انى مش عارفة بالظبط حساس البور ده فين بالظبط علشان اشوف الزيت بنفسى لانى بصيت كذا مرة ومش شايفة اى زيت ... يارت تفيدونى لان الموضوع قالقنى وباقى شهرين بس فى ضمانى

[hobby10]

كلام حضراتكم كده معناه انى ضرورى اغير الجزء ده المشكلة بس ان الوضع دلوقتى رجع طبيعى وانا ضمانى قرب يخلص خلاص فممكن هم يقولولى مفيش مشكلة او حتى حليناها وانا مش حكون متاكدة من ده لان العرض اختفى اصلا .... وحتى انا عديت على ميكانيكى رينو وقالى هو كده كان معلق بس مش بايظ وعمرهم ما حيغروه طالما ماشى دلوقتى كويس ومش عارفة انا اعمل ايه بصراحة

كمان لما رحت للراجل بقوله ان البور تقيل شوية راح مادد ايده كده وسط المواسير وطلع ايده عليها شوية زيت بسيطة وقالى حساس البور جايب زيت وعاوز يتغير وقوليلهم عليهم ده تبع الضمان المشكلة بس انى مش عارفة بالظبط حساس البور ده فين بالظبط علشان اشوف الزيت بنفسى لانى بصيت كذا مرة ومش شايفة اى زيت ... يارت تفيدونى لان الموضوع قالقنى وباقى شهرين بس فى ضمانى

فى انتظار نصيحتكم

[mohamed1979]

فى انتظار نصيحتكم

عموما ثرموثتات الحراره سعره مش غالى حتى لو العربيه طلعت من الضمان

انما مشكله الباور معتقدش ان اللوجان ليها حساس باور لأن الباور هيدرولك مش كهرباء
بس مش متأكد من المعلومه دى


الحل حضرتك تروحى التوكيل و تتأكدى من موضوع الباور

[hobby10]

عموما ثرموثتات الحراره سعره مش غالى حتى لو العربيه طلعت من الضمان

انما مشكله الباور معتقدش ان اللوجان ليها حساس باور لأن الباور هيدرولك مش كهرباء
بس مش متأكد من المعلومه دى


الحل حضرتك تروحى التوكيل و تتأكدى من موضوع الباور

شكرا لحضرتك

[amriar]

تابعينا بايه اللي حصل معاكى في التوكيل عشان الكل يستفيد .. و ربنا يكتبلك اللي فيه الخير دايما..

[mo7amed_omara]

انا عندى العربية بعد ربع ساعه تشغيل بتوصل ل 4 شرط ومش بتنزل تانى لغاية ما ارجع البيت

[waleedfadeel]

طبيعى عندى منذ دخول الشتاء ولكن اذا اكتملت الشرط الى 4 لا يمكن تنزل الى 2 الا فى حالة وقوف السيارة لفترة تسمح لها بالبرودة مرة اخرى وهذه المشاوير القصيرة منهى عنها فى كتيب التعليمات للعربية علشان عدم ثبات الحرارة على الاربعة شرط وهى الدرجة المثالية للتشغيل.

[Super_Star_h]

طب ما انا عربيتى كده
ايام الحر بتبقى الحراره 4 شرط
انما الايام المتلجه دى مش بتزيد عن 2 الا لو الطريق زحمه وبقف كتير اوى تقوم الحراره طالعه ل 4 شرط
ولما الطريق يفتح وامشى شويه تقوم نازله ل 2 تانى
يعنى عندكم فى الصيف مثلآ لما اركن العربيه شويه وبعدين ارجعلهاا ادور العربيه الاقى الحراره 2
انما الايام دى اركن العربيه شويه ارجع ملقاش ولا شرطه
الجو بيأثر طبعآ