بالله عليكو ساعدونى فى حيرتى؟

[elsobhy]

الاخوة الاعزاء
انا سعيد جدا لانضمامى للمجموعة الرائعة دى واخاكو حديث العهد باللوجان وحصل معى فصل مضايقنى قوى مفتاح اللوجان ذو الانذار فقد منى الا من طرية لبدل فاقد معقول لان بصراحة المفتاح فى التوكيل ب 750 جنيه(فقط) وشكرا لكم مقدما

[a_nbm]

http://www.nilemotors.net/Nile/258936-a.html

http://www.nilemotors.net/Nile/220244-a.html

[wassim_nasser]

اعتقد ان افضل و أأمن طريقة هو التوكيل بالرغم من غلو سعر المفتاح بس هو انت يعنى هاتعمله كل يوم؟ .. طب هو مش ممكن تركب انذار و تتحكم ف السنتر عن طريق ريموت الإنذار؟

[akerima]

اسعار مفتاح اللوجان داخل وخارج التوكيل

داخل التوكيل

مفتاح عادي مشفر 300ج
مفتاح ريموت مشفر 650ج

خارج التوكيل

مفتاح عادي مشفر 250ج
مفتاح ريموت مشفر 600ج

المفتاح العادي بدون شفرة في اي حتة ب 25ج

[m_bakr]

سؤال: إزاى المفتاح المشفر بيتعمل خارج التوكيل؟؟؟

[gebreel]

غريبة ان الفرق بين جوة و بره 50 جنيه بس

[zkralla]

غريبة ان الفرق بين جوة و بره 50 جنيه بس

اصل تجار الرينو لسه عايشين الوهم وبيجسبوا انهم ممكن يغلوا الاسعار زى زمان ايام ما كانت عربيات الرينو مش منشره وللاسف التوكيل بيساعدهم احيانا فى بعض اسعار قطع الغيار المبالغ فيه
بس انتشار العربية هيخليهم يضاربوا بعض والسعر هينزل ان شاء الله مع انتشار العربية اكتر واستهلاكها ( اقصد العربية منتشره دلوقتى اه بس لسه ما بقاش ليها استهلاك عالى فى قطع الغيار وطلب كبير على الشراء لان معظم العربيات جديدة )
تصدق حضرتك انا ساءلت على المساعد بره التوكيل لقيه عند ميشيل حليم ب 550 جنيه ومش فاكر عند مين تانى ب 500 جينه ومش عاوز ينزل قرش مع انه فى التوكيل ب 440 شامل الضرييه .... يعنى مين هيشترى من محل بره اوغلى من التوكيل

[zkralla]

كمان حتى التجار بتوع الحاجات الى مش خاصة باللوجان مجرد ما تنزل حاجه رينو بيخلوها غاليه عن العادى ( زى المفتاح كده الى فى الموضوع ده )
يعنى مثلا واحد بتاع طاسات فى التوفيقية بيبيع طاسات لكل العربيات والماركات لقيت عنده طقم طاسات الدايو ب 40 جنيه ونفس الشركه عامله طاسات اللوجان ب 90 جنيه مع ان الخامة واحده والمصنع واحد

[gebreel]

هههههههههههههه متامر واهبل

بجد موضوع المساعد ده صباح الضحك بجد و طبعا بالمنظر ده اعمله في التوكيل اضمن خصوصا اني مش هخلي حد يعرف شفرة مفتاحي حتى لو ب 1000 جنيه

[akerima]

يا جماعة لازم الاول ناخد بالنا ان فيه مفاتيح اغلي من كده بكتير يعني علي ما اتذكر ان مفتاح البروتون بالريموت في التوكيل ب 1000ج يعني الرينو يعتبر رخيص بالنسبة للسعر دا

[shoka]

لازم تعملو فى التوكيل
لانه التوكيل هايغيرلك شفرة العربية بشفرة جديدة مش موضع مفتاح
ممكن حد لاقدر الله يكون لاقى المفتاح وعارف انه بتاع عربيتك ويفتحا وياخدها
لازم تروحلهم وتقولهم ان المفتاح ضاع وانك عايز تغير الشفرة وطلع مفتاح على الشفرة الجديدة وكمان يبرمجلك المفتاح الاحطياتى على الشفرة الجديدة

[elsobhy]

شكرا لكم اخوتى اللوجانيون الاعزاء الحمد لله عملت المفتاح وللاستفادة العامة اتكلف حوالى 900 جنية وعلى فكره فيه فروق بين الاسعار فى التوكيلات المختلفة

[Egyzizo]

أنا على فكرة راكن المفتاح الريموت فى البيت وماشى بالمفتاح العادى ، وباستعمل السنتر بريموت الانذار.

[blackhorse123]

ما ينفعش تعمل المفتاح غير عند التوكيل علشان شفره العربيه

[elsobhy]

ارجو الايضاح

أنا على فكرة راكن المفتاح الريموت فى البيت وماشى بالمفتاح العادى ، وباستعمل السنتر بريموت الانذار.

عزيزى العضو الكريم معلش انا مش فاهم يعنى ايه باستعمل السنتر بريموت كنترول؟ هو الريموت مش مع المفتاح ولا فى طريقة تانية ارجو الايضاح ولكم جزيل الشكر