الازاز اللى وره جاله سرطان

[Galilioz]

نزلت انهارده بليل من الشغل لقيت الازاز اللى وره جايله سرطان ومفرقع
عمتن انا لسه فى الضمان لان العربيه بقالها سنه ونص معايا ومواظب على حضور الصيانة فى التوكيل
السؤال دلوقتى انا لو رحت للتوكيل اعمل الازاز هيعملوه على انه جوه الضمان من غير فلوس وله هيقولى ده بره الضمان ويظبطونى بمبلغ ؟؟؟؟؟؟

[Galilioz]

ايه ياشباب محدش اتكسر ازاز عربيته قبل كده

[frhateg]

روح لهم و خلي العربيه و الأزاز فيها متنظفهاش علي اساس انهم يعرفوا ان الأزاز مسرطن مش مكسور من طوبه او حاجه وقعت عليه . وحاول معاهم .

[Galilioz]

روح لهم و خلي العربيه و الأزاز فيها متنظفهاش علي اساس انهم يعرفوا ان الأزاز مسرطن مش مكسور من طوبه او حاجه وقعت عليه . وحاول معاهم .

هو المفروض ايه سرطان الازاز ده بيكون ضمن الضمان وله لا ؟؟؟
ولو مش ضمن الضمان اعمله بره احسن بدل ما اتظبط بمبلغ فى التوكيل لو عملته بره اعمله فين ؟؟؟؟

[zkralla]

السرطان جوه الضمان لكن الفكره اتك زى ما قالك اخونا الفاضل انك تثبت ان القزاز حصله سرطان بانك تحاول تروح بالقزاز زى ما هو بدون ما تنضف باقى الزجاج عشان يكون واضح انه سرطان مش بسبب طوبه او زلطه او حد خبطه

[Galilioz]

السرطان جوه الضمان لكن الفكره اتك زى ما قالك اخونا الفاضل انك تثبت ان القزاز حصله سرطان بانك تحاول تروح بالقزاز زى ما هو بدون ما تنضف باقى الزجاج عشان يكون واضح انه سرطان مش بسبب طوبه او زلطه او حد خبطه

انا عملت كده فعلا العربية مغطيها زى ما هي بس الازاز اغلبه وقع جوه العربيه من الهواء طبعا بعد ما اتحركت بيه بس واضح جدا انه سرطان

[a_nbm]

الموقف ده حصل مع واحد صاحبي بعد استلام العربيه ب 3 ايام
وراح التوكيل وغيروه ببلاش
بس المهندس اللي هناك قاله الزجاج بره الضمان
لكن هغيرولك تعاطفا معاك ولان العربيه مكملتش اسبوع وكنا داخلين ع العيد

[zkralla]

الموقف ده حصل مع واحد صاحبي بعد استلام العربيه ب 3 ايام
وراح التوكيل وغيروه ببلاش
بس المهندس اللي هناك قاله الزجاج بره الضمان
لكن هغيرولك تعاطفا معاك ولان العربيه مكملتش اسبوع وكنا داخلين ع العيد

بس انا فاكر ان كان فيه حد فى المنتدى من فترة حصل للقزاز سرطان وغيروه فى التوكيل بدون نقاش وكان شارى العربية وقعدت معاه فترة ... بس بصراحه مش فاكر مين

[ahfares]

السرطان فى الضمان متنضقش وكمان صورة

[Dr.Karim Emam]

أنا الازاز اللي ورا جاله سرطان من حوالي سنة ونصف و كنت عامل تقريبا 25000 و المهندس كان عاوز يلبسني تمنه على اساس انه مستكتر ال25000 بس انا قلتله امال انا بأعمل الصيانات عندكم ليه؟و فين ضمان ال100000 كيلو؟ و الحمدلله اتغير ببلاش.

المهم تحاول تلزق بقيت الازاز اللي ماسك في الحلق ببلاستر عشان يبان انه سرطان

دي صور الازاز ساعة لما جاله سرطان

[zkralla]

بس انا فاكر ان كان فيه حد فى المنتدى من فترة حصل للقزاز سرطان وغيروه فى التوكيل بدون نقاش وكان شارى العربية وقعدت معاه فترة ... بس بصراحه مش فاكر مين

أنا الازاز اللي ورا جاله سرطان من حوالي سنة ونصف و كنت عامل تقريبا 25000 و المهندس كان عاوز يلبسني تمنه على اساس انه مستكتر ال25000 بس انا قلتله امال انا بأعمل الصيانات عندكم ليه؟و فين ضمان ال100000 كيلو؟ و الحمدلله اتغير ببلاش.

المهم تحاول تلزق بقيت الازاز اللي ماسك في الحلق ببلاستر عشان يبان انه سرطان

دي صور الازاز ساعة لما جاله سرطان

فعلا انا قصدت حضرتك وفاكر انك عملت موضوع عن تغيير الازاز

[agent_m30]

http://www.nilemotors.net/Nile/125934-a.html

ده الموضوع بتاعى بكل التفاصيل

[Galilioz]

انا روحت تانى يوم للتوكيل فرع المقطم الصبح ودخلت طبعا للورشه جوه وقابلنى المهندس ووريته العربيه وقولتله الازاز اللى وره جالها سرطان سالنى كام سوال وهما :-
1- العربيه عامله كام كيلو ؟؟؟
قولتله حوالى 16 الف ونص
2- انت مواظب على الصيانه عندنا ؟؟؟
قولتله اكيد عملت كل الصيانات هنا
3- انت مشتريها امتى ؟؟؟
قولتله 5-2010
قالى اه يعنى سنه ونص
قولتله اه
قالى تمام ضمان الازاز سنه بس اكتر من سنه تبقى بره الضمان
قولتله ازاى سنه الضمان تلت سنين على العربيه كلها مش هنقسمها على راحتكم يعنى ممكن بكره اجى اقولك فيه مشكلة فى الماتور تقولى ضمان الماتور سنه بس
قالى لا فيه حاجات ضمانها سنه واحده زى المساعدين وقالى كذه مثل مش فاكرهم
وقعدت اتكلم معاه كتير بدون فايده
قولتله طيب تمنه كام لو عملته
قالى تقريبا 1100 غير مصنعيه 400 غير الضريبه
المهم قالى طيب اسال فى قطع الغيار للتاكيد سالت قالى ان تمنه 724 شامل الضريبة
بس قالى خلاص تمام وهنزلك المصنعيه وتبقى 330 بس
قولتله انا مش بتكلم فى كده ورغيت معاه شويه قالى اخرك روح خدمه العملاء مقدرش اعملك حاجه
نزلت لخدمة العملاء واتكلمت معاهم بعد كلام كتير رسيت معاهم ان المصنعيه 200ج وقالولى عندهم ازاز جريش ب265 غير الضريبة
قعدت معاهم لحد ما غيرت الازاز دفعت 512 بعد الضريبة شامله التركيب واستنيت العربية حوالى 6 ساعات
ملحوظه مهمه فى كذه واحد وانا بتكلم معاهم قالولى الازاز ملهوش ضمان وبعد لما عرفوا ان العربيه بقالها سنه ونص بدئوا يقولوا لا الضمان سنه المهم الضمان سنه او مفيش ضمان للازاز السبب واحد ان الشركة متتحملش تكاليف الازاز
اللى عايز اقوله فى الاخر ان فيه ملحوظه من خلال تعاملاتى مع الصيانه كذه مره معاهم وهى ان مالكى السياره اللوجان بالنسبة ليهم درجه عشره بيعاملوهم انهم مالكى عربيه تعبانه اقل عربيه عندهم وده من خلال تعاملتهم معاك بتبان اسلوب بيه الكثير من التناكه ولا كائنك بتشحت منهم

[frhateg]

طيب ليه تدفع 512 جنيه و الدكتور كريم مغيره ببلاش في فرع اسكندريه و عامل 25000 كيلو . الجماعه دول عايزين تعلي صوتك معاهم علشان تأخذ حقك و تهددهم . يللا ربنا يعوض عليك .

[Dr.Karim Emam]

طيب ليه تدفع 512 جنيه و الدكتور كريم مغيره ببلاش في فرع اسكندريه و عامل 25000 كيلو . الجماعه دول عايزين تعلي صوتك معاهم علشان تأخذ حقك و تهددهم . يللا ربنا يعوض عليك .

بس أنا ماكنتش عديت السنة الأولي لسه