حد حصل له الموقف ده قبل كده؟؟؟!!!

[me_dooo]

السلام عليكم
النهاردة حصل لي موقف غريب
الحمد لله استلمت من عند محمد ذكي من اسبوعين
والحمد لله الورق خلص في خلال اسبوع
وبعد ما استلمت الورق رحت المرور ارخص
وكانت الصدمة رقم الموتور في الورق غير رقم الموتور الفعلي
ولكن رقم الشاسيه مطابق
المهم كلمت محمد ذكي قالي هاتلي بصمة الرقم الجديد
وكلمت التوكيل رد على مهندس محترم وقالي ابعتله صور الورق وصوره الرقم الصحيح من على الموتور وقالي انهم هيعدلوا الورق
هل الموضوع ده سهل ولا ايه؟؟؟

[wassim_nasser]

شغل اداريات من عندهم و هايتنجز بسرعة

[gebreel]

متقلقش يا باشا سواء محمد ذكي او رينو ال2 محترمين و غلطة ورق مش اكثر

[Vampir]

الموضوع ده لسه نقله من رد أستاذ محمد نور من جروب عل فيس بوك
أنا لما اشتريت اصلا مدفعتش عربون انا روحت معايا الفلوس كلها واخترت العربيه وكتبت عقد واخدت ايصال استلام وبعد يومين جابلي ورق لاشركه والتخليص وشهادة العربيه كمان وعرض عليه كمان يرخصهالي ويودي واحد من عنده ب 100جنيه وانا محتجتش الموضوع ده بس وقعت في مطب عند الترخيص ان نمر الموتور موش بارزه في اللوجان فالورق بالطريقه المتخلفه بتاعت الشفاف والتظليل القلم الرصاص منفعتش وكان في رمضان قالي وديها التوكيل يكتب هو علي مسؤليته ارقام الموتور ويكتب بمعرفته طب انا اوديها العبور علي كساحه ب 500جنيه؟؟ قولتله انت فاكرها بي ام المهم اخرها قالولي فعلا الفرنساوي الجديد الكتابه موش بارزه ومطبوعه بالكمبيوتر من هنا لهنا وصلنا لحل اجيب ميكانيكي يفك مثلثه فوق فلانشة مخرج الشكمان الشكمان ب3مسامير وشاف الأرقم بعنيه وكتب بحضورهم وجاب رئيس المرور كمان شافها والرقام ظبوطه والميكانيكي ربط المثلثه تاني وطلي 50جنيه اديته 30يعني المسمار الواحد فك وتركيب 10جنيه بس خلاص انا فهمت اللعبه الفحص الجدديد بنائا علي تاشيره الترخيص لازم برضه اعمل كدا بس الموضوع سهل وكمان كان في مرسيدس بترخص 550اس اوعي الوهم والراجل برضه شاله العمه وفك حاجات وصاحبها كان هيتجنن وقاله انا كنت في المانيا مفيش هناك كشف علي ارقام متور هو رقم شاسيه فقط وحتي بقي تحت الأزاز وبينقلوه بسكانر زي بتاع السوبر ماركت حتي لا يمكن التلاعب او الخطأ يعني الملف بالكمبيوتر وبياخد صوره
5 hours ago · Like

[ahmedeg1]

رقم الموتور موجود يمين تحت الفرن مباشرة هتتنى حته زى الصباع و هتلاقيه و بعد ما تخلص اتنيها تانى لجوه

[ayman1204]

ياباشا كلنا اتعمل فينا الموقع دا واحنا بناخد البصمة
موديل 2011 انا فاكر كويس كل المشكلة ان الرقم مش بيبان كويس غير كدة تبقى مشكلة ورق وتتحل بسهولة ان شاء الله

[me_dooo]

السلام عليكم
هو فعلا الرقم مش بيطلع بالبصمة ولكن واضح جدا بالعين او الكاميرا
الاخ بتاع محمد ذكي بيقولي المرور يبعت جواب لمرور الجيزة بالرقم الصح
وبتاع المرور عندنا بيقول لا دي غلطتهم وتتصلح
الاخ بتاع التوكيل قالي مش مهم البصمة ابعتلي صورة بعتهاله وكانت واضحة جدا
وبعدين قالي رجع الروق لمحمد ذكي ورجعتهوله
لقيت الاخ بتاع محمد ذكي بيقولي لازم البصمة وزي ما حضراتكم عارفين ان البصمة مش بتتطلع على ورق
كتبتلهم على الفيسبوك لقيت واحد بيتصل بيا ويقولي هاتي العربية المقطم (المشوار بتاعي حوالي 1000 كم رايح جاي او اكتر- ايوه الف كيلو متر احسن تفتكروا غلطة ولا حاجة) ومن غير ورق نهائيا في ظل الظروف دي صعب جدا وغير انه صعب دي سياسة استهبال - يعني لو كان باقيلهم فلوس كانوا خلصوا الورق زي ...... الشطار وبعدين واحد من التوكيل قالي هنحاول نحل المشكلة وانت عندك
المهم الموضوع داخل في اسبوعين والموضوع له ما تحلش
ياااااااااااااااااااااااا رب
ادعولي يا شباب
شكرا

[dr_mustafa_ali]

كلم حماية المستهلك