الى خبراء اللوجان

[rasboten]

السلام عليكم يا رجاله اللوجان
انا معايا نوبيرا 2008 والحمد لله حاله ممتازه وتمام التمام بس طقت فى دماغى اغير لسانديرو ستيب واى
بس محتار ايهما افضل نوبيرتى ولا ستيب واى لان المواصفات الفنيه فى مصلحه النوبيرا من حيث عزم الموتور والوسع والعربيه كمان ما شاء الله ثبات فوق الوصف عشان كده انا محتار ولو حد ممكن يساعدنى استمر زى مانا ولا اغير يبقى الف شكر واسف للاطاله

[rasboten]

مازلت منتظر اى حد يرد من وحوش الرينو

[nooraanoor]

السلام عليكم يا رجاله اللوجان
انا معايا نوبيرا 2008 والحمد لله حاله ممتازه وتمام التمام بس طقت فى دماغى اغير لسانديرو ستيب واى
بس محتار ايهما افضل نوبيرتى ولا ستيب واى لان المواصفات الفنيه فى مصلحه النوبيرا من حيث عزم الموتور والوسع والعربيه كمان ما شاء الله ثبات فوق الوصف عشان كده انا محتار ولو حد ممكن يساعدنى استمر زى مانا ولا اغير يبقى الف شكر واسف للاطاله

شوف حضرتك إرتفاع العربية عن الأرض وعدم احتكاكها مع المطبات فى صالح السانديريو ، كمان وقف إنتاج النوبيرا من 2009 يعتبر نقطه مش فى صالح العربيه لأنه مع مرور الوقت هتبدأ سعر بيعها يتراجع كتير لأن مالهاش مستقبل زى عربيه لسه بتنتج وموديلاتها متجدده لكن بالنسبة لقطع الغيار طبعاً النوبيرا أرخص و أوفر ولو بتستعمل للنوبيرا بنزين 90 أو 92 هتلاقى معدل استهلاك السانديريو أقل أما من ناحية الثبات السانديريو ممكن تكون نفس ثبات النوبيرا أو أكتر وتوكيل الرينو عموما من أفضل التوكيلات فى مصر رغم بعض العيوب.
دا كل إللى ممكن أقولهولك والقرار قرارك طبعاً وإن شاء الله بالتوفيق.

[Egyzizo]

نوبيرتك يا باشا.

[ahmedeg1]

من وجهة نظرى و أنا كنت راكب لانوس
رينو أحسن بس معلوماتى عن اللوجان معرفش إيه قصة الستيب أواى

[rasboten]

الف شكر للجميع على التعاون وجزاكم الله كل خير انا جربت اللوجان بتاعه واحد صاحبى 2012 جميله جدا وهاديه لكن النوبيرا اجمد بمراحل من حيث الثبات بعد 120 واعتقد ان الستيب واى هتبقى زى اللوجان ولو حد له رأى تانى يقول

[mohamed1979]

الف شكر للجميع على التعاون وجزاكم الله كل خير انا جربت اللوجان بتاعه واحد صاحبى 2012 جميله جدا وهاديه لكن النوبيرا اجمد بمراحل من حيث الثبات بعد 120 واعتقد ان الستيب واى هتبقى زى اللوجان ولو حد له رأى تانى يقول

مختلف معاك اللوجان ثباتها احسن متن النوبيرا على السرعات

النوبيرا فوق 120 بحس فيها بالسرعه على عكس اللوجان فوق ال 120 و لا الهواء
على رأى مراتى النوبيرا (النطيطه)

[rasboten]

مختلف معاك اللوجان ثباتها احسن متن النوبيرا على السرعات

النوبيرا فوق 120 بحس فيها بالسرعه على عكس اللوجان فوق ال 120 و لا الهواء
على رأى مراتى النوبيرا (النطيطه)

طب رأى حضرتك هل الامر يستاهل التغيير مع العلم ان النوبيرا حاله الحمد لله ممتازه ومش مزعلانى ولا التغيير ملوش لزمه لان بصراحه الستيب واى عجبانى اوى بس خايف منها لانها لسه منتشرتش

[akerima]

الفرق ما بين النوبيرا والاستيبواي

- فرق كبير جدا حتحس بيه في استهلاك البنزين لصالح الرينو
- الصالون الداخلي اوسع في الرينو عن النوبيرا
- الشنطه في النوبيرا اوسع من الاستيبواي
- لو نوبيرتك اتوماتيك حتحس بماتور الرينو - لو مانول مش حتحس بفرق كبير
- دا غير ان مثلا مشكلة السيور في النوبيرا مش حتلاقيها في الرينو

اخيرا عايز انبهك لحاجة مهمة الاستيبواي مش ازاز كهرباء خلفي ومفهاش مرايات كهرباء السانديرو البلاك لاين فول اوبشن ومالتي في الدريكسيون وارخص منها حوالي 5000ج

[mohamed1979]

طب رأى حضرتك هل الامر يستاهل التغيير مع العلم ان النوبيرا حاله الحمد لله ممتازه ومش مزعلانى ولا التغيير ملوش لزمه لان بصراحه الستيب واى عجبانى اوى بس خايف منها لانها لسه منتشرتش

رأى لو النوبيرا حاله كويسه خليها مفيش فرق كبير بين العربيتن لدرجه التغير
خصوصا ان الأستب واى مفهاش زجاج كهرباء خلفى و لامريات كهرباء و كمبيوتر رحلات و لا دريكسيون يتم تعديله(ازاى عربيه 2012 مفاش الكلام ده)
بس فيها abs (الموديل الوحيد فى اللوجان الموجود به)

رأى ان توكيل رينو بيستهبل بالعربيه دى (سعرها مبالغ فيه)

خلى النوبيرا عربيه ممتازه و فكر ان ممكن تغير العربيه بحاجه اعلى من الفئه دى

[rasboten]

جزاكم الله كل خير وشكرا على الايضاح

[zkralla]

بالرغم من ان فى بعض الفروق لصالح اللوجان زى استهلاك البنزين و الارتفاع عن الارض واستمرار الانتاج
بس انا شايف طالما عربيتك مريحاك يبقى مفيش داعى للتغيير خاصتا ان واضح من كلامك انك مقتنع بالعريبة الى انت راكبها قوى .

[rasboten]

بالرغم من ان فى بعض الفروق لصالح اللوجان زى استهلاك البنزين و الارتفاع عن الارض واستمرار الانتاج
بس انا شايف طالما عربيتك مريحاك يبقى مفيش داعى للتغيير خاصتا ان واضح من كلامك انك مقتنع بالعريبة الى انت راكبها قوى .

بصراحه هى عربيه نضيفه انا كان معايا بولو 98 قبلها طلعت عينى شد زى الزفت وضيقه وقطع غيار نار لكن النوبيرا كويسه ومحترمه واللى دافعنى للتغيير ان الستيب واى عجبنى شكلها اوى على النت وحسيت ان الوقت ده هو وقت الكروس اوفر بمعنى الوسع من جوه بس العربيه تبقى صغيره وسهله الحركه فى الزحمه وكمان عامل الارتفاع عن الارض.
لكن بعد كلام حضرتك والاخوه الاعضاء اللى فاهمين اكتر منى اعتقد انى هستنى كمان سنه ولا سنتين واجيب كارينز لانى برضه مقتنع بيها والله المستعان.

[M_SALLAM]

الوسع الداخلى اكيد فى صالح النوبارا .
قوة الموتور فى صالح النوبارا و متنساش ان موتور النوبارا 2 كامة 106 حصان 16 صباب و لكن يعتبر حريقة بنزين عكس اللوجان كامة واحدة 8 صباب 90 حصان و لكن موفر جــــــــدا فى البنزين و مناسب لحجم العربية بس دة ميمنعش ان موتور النوبارا انعم و تجميعه اسرع و اقوى .
نيجى بقى للعفشة اكيد السانديرو اعلى لأنها تعتبر عربية 2*4 و احسن من عفشة النوبارا اللى بتحك فى اقل مطب حتى لو مش مركب حد فيها انما لو مركب حد فيها يبقى الله يكون فى عونك بصراحة بس برضو عفشة النوبارا انعم من اللوجان .
من حيث الأبشنز السانديرو طبعا .
من حيث وسائل الأمان اكيد السانديرو 2 اير باج و فرامل abs
من حيث قوة الفرامل السانديرو تكسب و للعلم انا معايا لوجان 2011 و اخويا معاه لوجان 2004 و عارف فرامل النوبارا عاملة ازاى دة غير مشكلة الطنابير و المقساط اللى بتتكسر بسرعة .
من حيث التكيف فالأتنين واحد تقريبا .
من حيث الصاج برضو الأتنين واحد تقريبا .
من حيث نعومة الاباور النوبارا تكسب بس تقل بور اللوجان بيدلها ثبات رهيب جدا .
من حيث الثبات فدى الحاجة الوحيدة اللى لغاية دلوقتى مش قادر احكم عليا ساعات عاقلى يقولى اللوجان و ساعات النوبارا مش قادر احكم خالص .
من حيث توافر قطع الغيار و رخصها اكيد النوبارا .
من حيث الراحة فى القيادة و راحة الركاب اللوجان و خصوصا فى كرسى السواق .
من حيث خامات الصالون و الشكل اللوجالن تكسب و كمان فى راحة الكراسى .
بس برضو متنساش ان النوبارا كورى تقفيل مصر و السانديرو فرنساوى تقفيل مغربى .
بــــــــــــص من الأخر انا واحد من الناس ركب الأتنين و برتاح للوجان اكتر و لكن لو عربيتك مريحاك يبقى ملهوش لازمة التغير .

[rasboten]

الوسع الداخلى اكيد فى صالح النوبارا .
قوة الموتور فى صالح النوبارا و متنساش ان موتور النوبارا 2 كامة 106 حصان 16 صباب و لكن يعتبر حريقة بنزين عكس اللوجان كامة واحدة 8 صباب 90 حصان و لكن موفر جــــــــدا فى البنزين و مناسب لحجم العربية بس دة ميمنعش ان موتور النوبارا انعم و تجميعه اسرع و اقوى .
نيجى بقى للعفشة اكيد السانديرو اعلى لأنها تعتبر عربية 2*4 و احسن من عفشة النوبارا اللى بتحك فى اقل مطب حتى لو مش مركب حد فيها انما لو مركب حد فيها يبقى الله يكون فى عونك بصراحة بس برضو عفشة النوبارا انعم من اللوجان .
من حيث الأبشنز السانديرو طبعا .
من حيث وسائل الأمان اكيد السانديرو 2 اير باج و فرامل abs
من حيث قوة الفرامل السانديرو تكسب و للعلم انا معايا لوجان 2011 و اخويا معاه لوجان 2004 و عارف فرامل النوبارا عاملة ازاى دة غير مشكلة الطنابير و المقساط اللى بتتكسر بسرعة .
من حيث التكيف فالأتنين واحد تقريبا .
من حيث الصاج برضو الأتنين واحد تقريبا .
من حيث نعومة الاباور النوبارا تكسب بس تقل بور اللوجان بيدلها ثبات رهيب جدا .
من حيث الثبات فدى الحاجة الوحيدة اللى لغاية دلوقتى مش قادر احكم عليا ساعات عاقلى يقولى اللوجان و ساعات النوبارا مش قادر احكم خالص .
من حيث توافر قطع الغيار و رخصها اكيد النوبارا .
من حيث الراحة فى القيادة و راحة الركاب اللوجان و خصوصا فى كرسى السواق .
من حيث خامات الصالون و الشكل اللوجالن تكسب و كمان فى راحة الكراسى .
بس برضو متنساش ان النوبارا كورى تقفيل مصر و السانديرو فرنساوى تقفيل مغربى .
بــــــــــــص من الأخر انا واحد من الناس ركب الأتنين و برتاح للوجان اكتر و لكن لو عربيتك مريحاك يبقى ملهوش لازمة التغير .

الله يبارك لحضرتك على المقارنه الجميله دى بس انا مختلف مع حضرتك فى حاجه من حيث الاوبشن النوبيرا تكسب لانها كامله 4 ازاز كهربا ومرايات كهربا عكس الستيب واى لكن الامان طبعا الستيب واى تكسب 100 مره من حيث الفرامل والايرباج