استفتاء التابلوة

[mazenzyad]

عربيتى من غير فرو على التابلوة و كل صحابى نصحونى بتغطية التابلوة بالفرو ليحميه من الشمس و خصوصا انا فى اسوان ، و لكن انا شايف ان التابلوه من غير اى غطاء بيبقا شيك .
يا ترى ايه رأى الوحوش ؟؟ عاوز اعمل استفتاء على الموضوع دا .
فى انتظار ردودكم

[فتح الباب]

حضرتك قولت المفيد بدون غطاء يكون شيك

[frhateg]

الفرو ده يتحط في النص نقل انما الملاكي شيك من غيره . ده رأيي .

[mazenzyad]

هههههههههههههههههههه
يا شباب انا عارف ان كده اشيك ، بس خايف على التابلوه من الشمس ، اعمل ايه ؟؟!!!!
متابع الاستفتاء

[nonalaziza]

وقت ما تكون العربيه مركونه ممكن تغطي التابلوة بالعازل الحراري

[mazenzyad]

وقت ما تكون العربيه مركونه ممكن تغطي التابلوة بالعازل الحراري

مش فاهم ايه العازل الحرارى دا ارجو التوضيح

[تامر.محمد]

ممكن تحط شماسة في اي حتة تركن فيها
انا باعمل كده

انما الفرو هايبوظ شكل العربية من جوة

[mazenzyad]

متابع

[dado_256]

باشا فى سبراى بيبقى معطر كده بيترش على التابلوه عشان مينشفش وفى نفس الوقت بيلمع التابلوه وبيخلى ريحه العربيه حلوه وبيخلى التابلوه مينشفش

[mazenzyad]

باشا فى سبراى بيبقى معطر كده بيترش على التابلوه عشان مينشفش وفى نفس الوقت بيلمع التابلوه وبيخلى ريحه العربيه حلوه وبيخلى التابلوه مينشفش

يا ريت اسم السبراى

[nonalaziza]

مش فاهم ايه العازل الحرارى دا ارجو التوضيح

الشماسه زي ما وضح الاستاذ الكريم
بس اللي بتكون فيها ضهر لونه فضي علشان بتكون تقيله

بالنسبه بقي للسبراي دا موجود في كل مكان
انا كنت جايبة نوع من ماي واي كويس جدا اسأل مدام حضرتك عن ماي واي وهي ممكن تجبهولك
وفيحلول كتير علشان التابلوة مش ينشف
منها الاسبراي الموجود مثلا في النزينات والتوفيقيه والاماكن دي
ومنها ما هو اقتصادي جداااااا الا وهو السكوتش برايت بتاعت الاحذيه
دي بقي تحفه بس محتاجه مداومه علي طول ومش مكلفه خااااااااااااااااالص

علي فكرة انا جبت من ماي واي البراي بتاع التابلوة والسبراي بتاع الكراسي وعاجبني بصراحه لانه بيدي ريجه جميله اووووى

[Egyzizo]

تابلوه اللوجان نوع من أنواع البلاستيك القوى مش جلد
فلا تقلق من تأثير الشمس عليه.

[ahmedeg1]

تايلوه اللوجان بلاستيك معالج مش جلد و ميشققش

[AIMANFOUADGAD]

تايلوه اللوجان بلاستيك معالج مش جلد و ميشققش

تمام هو ده الكلام المضبوط....لو عاوز تحافظ على اللمعة بتعتة ......رش stp الاصلى صناعه امريكيه ب 25 ج
ملوش رائحه ..متحطش حاجه تانيه لان قلتهم افضل...لو عاوز رائحة حط جليد جل ممتاز و طويل الاجل

[ahmadmidop]

الخلاصة : حااول بقدر الامكان ماتركنش في حتة شمس وطبعا اسواان البلد كلها شمس يبقى مافيش مشاكل حط شماااااسة وابقى هوي الزجاج حتة صغيرة خاااالص ... بالاضافة للملع وانا ارشحلك armor all