تعالو نعمل توكيل في القاهره

[zemoss]

السلام عليكم

إزيكم يا شباب

عندي فكره ومش عارف هيه صح ولا غلط

إحنا خلاص عرفنا أسعار التوكيل تقريبا وكمان عرفنا ايه اللي بيعمله

والصراحه الاسعار مش بتقل سواء قطع الغيار او الصيانات

ويمكن تكون بتزيد

انا رأيي نستغل المواضيع الموجوده بالمنتدى ونحدد مع بعض الآتي:

1- ميكانيكي
2- عفشجي
3- كهربائي سيارات
4- سمكري وصنايعي للفيبر ( ودول مش مهم أوي )

وده للجيزه واخرى للقاهره ويا ريت يبقى اكتر من واحد.

ونتفق معاهم على كل المطلوب في الصيانات الدوريه.

وبجد هنوفر اكتر من نصف التكلفه في التوكيل

ونحدد برضو محلات قطع الغيار ونشترط عليهم دايما ثبات الاسعار مع طبعا تخفيضها كل فتره

بجد يا شباب ده الحل المثالي لتقليل تكاليف صيانة اللوجان

ارجو الإفاده

[Moustafa.yonis]

+111111111111111

[ModySheta]

فكرة جامدة بس محتاجة تعاون تام و كامل ! يا رب نقدر نعمل كده
متابع و مؤيد ...

[taahmed]

أنا مؤيد بشدة ..

[amriar]

فكره جامده جدا جدا .. بس فين هنا الضمان ضد عيوب الصناعه.. انت ها تخرج برا الضمان مع اول صيانه من النوع دا و بالتالي لو عندك مشكله صناعه في اي حاجه زي علبه الدبرياش مثلا يبقى عليه العوض .. وضيعت فرصتك في انك تاخد حقك..

بس لو نعرف نوفر كل القطع الغاليه باسعار حلوه ها يكون ساعتهاه الحل دا كويس جدا .. المشكله ان في قطع مش موجوده في المحلات برا مش موجوده غير عند التوكيل .. ساعتها ها نحتاس و ها نرجعلهم تانى

محتاجين قايمه كامله بالقطع مهما كانت صغيره ونعرف هي متوفره ولا لا وبكام

[mostafamndy]

فكرة جامدة جدا ... تستحق الدراسة ولكن أرى قصرها على السمكرية ولمن هم خارج الضمان ( مثل اللى كمل 3 سنوات أو 100 ألف كيلو ) حتى نتلاشى عيوب الصناعة فى حالة ظهورها ...

[zemoss]

طب احنا ممكن نطور الفكره كالآتي:-

1- نعمل القايمه بكل قطع غيار العربيه وأسعارها الاول و نعمل قايمه بالنواقص من أسعار التوكيل
2- محدش يروح يصلح أي حاجه بره التوكيل لغاية ما يوصل لرقم معقول من الكيلومترات يكون اطمن فيه على عربيته
3- الشباب اللي مقتنع بالفكره او إطمن على عربيته او خرج بره الضمان أو ضمانه خلص ... نبدأ ننسق مع بعض ونروح مع بعض للصنايعيه .. وتبقى مرحلة تجريبية

مستني ردودكم وشكرا على المشاركات الإيجابية

[mostafabakry]

فكرة جميلة جدا جدا

للاسف انا مش من القاهرة كنت شاركت فيها بدون اي تفكير لاني خلاص كملت 3 سنوات و 73000 كم يعني خلاص هطلع برا الضمان كمان اسبوع

[ahmedawis]

متااااابع

[zemoss]

إن شاء الله ربنا يكرمن ونقدر نعمل موضوع عن كل الصنايعية اللي إحنا محتاجنهم

شكرا ليكم على الإضافة