حقيقة اللوجان 2

[eng_hatmido]

السلام عليكم ورحمة الله

لم يكن لي اي مقصد غير اني افهم واحاول اقتنع بالرد علي شكوكي (لاني بجد كنت معجب بالعربية من كلامكوا عنها) وكان مسترعي انتباهي اسعار قطع الغيار التي اعتقد انها تقبل التخفيض الكبير لكن بعض الاعضاء قابلوا الموضوع بسخرية ..خصوصا عندما استفزني ردود البعض من اني اكون بسأل سؤال محدد يترد عليا بكلام معناه العربية زي الفل ومريحاني ... مع اني مقولتش انها عجلة او انها كارو مثلا ... المشكلة يا سادة اني طبقا لتفكيري المتواضع بحب اعقلها واتوكل ... ولا يلدغ المؤمن من جحر مرتين والجحر اللي انا اقصده هو ندرة وغلو قطع الغيار ... وكنت بتكلم معاكوا بنقد حتي ارد علي شكوكي برد من ناس مجربة عشان مكونش بقنع نفسي ولا خاب من استشار .... خاصة ان عربيتي الاولي تسرعت فيها ووثقت باحد الاصدقاء وتم خداعي في عربية نادرة قطع الغيار ومتبهدلة (مستعملة) الا ان تخلصت منها تماماااااااا (حمدا لله)

وانا لاني بجد بدور اقنع نفسي روحت زيارة لمعرضي المصرية للسيارات و اوتو سمير ريان واتفرجت علي اللوجان وقعدت جواها وشوفت كمان الساجا والاسبيرانزا 516 ولاني حابب اللوجان قلبي استريح اكتر ليها ... لكن مازالت خايف من اللف والدوران بتاع قطع الغيار وغلوها وغلو مصنعيتها ...علما باني كنت بروح ورشة المتحدة علي الاوتوستراد بتاعة تويتا وكان اي دبوس الاقي مصنعية اقل حاجة لو شغل ساعتين 250 جنيه غير بقشيش والذي منه ...وكنت اتمني الاقي مساعدة من المجربين وراحوا التوكيل وجابوا لستة قطع الغيار واسعارها ... بس لقيت تريقة وصمت تام وتتويه لدرجة تعاطف بعض الاعضاء الكرام معي وطلبهم ان حد يرد عليا ...
اسف اني طولت ... بس لو سكت مبقاش محترم المنتدي وتعاملاته

[eng_hatmido]

وده لينك لموضوعي الاول

http://www.nilemotors.net/Nile/264622-a.html

[amr.elsayed]

هو حضرتك عايز تعرف ايه ؟؟؟ معلش انا بقالى فترة مش متابع اوى
مافيش شك ان فيه بعض قطع الغيار غالية لكن مافيش ندرة فيها ولا حاجة
لو حتلف وتدور يبقى انت بتدور على قطعة صينى مش اصلى
ولو خايف من ان يحصل حادث لا قدر الله آمن عليها علشان ترتاح
عايز اقولك ان فيه ناس كتير بتعمل صياناتها خارج التوكيل من غير مشاكل
لان دى كلها حاجات بسيطة مافيهاش مشكلة

[amr.elsayed]

اهااااا انا فهمت لما اخدت جولة فى الموضوع الاولانى بس انت بردو يا هندسة داخل جامد اوى
دة غير عنوان الموضوع اللى يوحى بالهجوم .. عموما ماتزعلش وحقك عليا
لكن لازم تعرف ان الناس هنا طيبين جدا جدا وكل واحد بيحاول يساعد على اد ما يعرف
دة غير ان تجارب الاعضاء قليلة بسبب ان 90 % من اللوجان مازالت فى الضمان ومافيش مشاكل جوهرية
كلها تيل فرامل او كاسيت بيقطع او حد قابله عيب تقفيل ومعظم الحلول بتكون فى الضمان
المشاكل الكبيرة بتكون فى الحوادث الكبير لا قدر الله ودى بقى اى عربية حديثة حتخليك تصرف مبلغ محترم
لان ساعتها الواحد بيبقى عايز العربية ترجع احسن من الاول .. وما تزعلش ويا ريت نفتح صفحة جديدة

[amriar]

أخى العزيز ..

السياره كما كل السيارات لها عيوب و مميزات و يجب ان تلاقى السياره احتياجاتك انت و رضاؤك انت .. فإن كانت مشكله قطع الغيار تقلل من اهميه السياره بسكل عام او تشكك فيها يغلب علي الارتياح العام.. فاختار سياره تكون مطمئن لها ..

فقط إعلم انك لن تحصل علي كل ما تريد في سياره واحده

[eng_hatmido]

انا قولت كل مخاوفي هو اللف والدوران والاستغلال في اسعار قطع الغيار ... انا انسان عملي لا بيهمني شكل العربية ولا لونها .... انا كنت راكب عربية لونها احمر رغم اني بكره في حياتي حاجتين الاستغلال واللون الاحمر .... بس كنت جايب العربية كأول عربية ليا ومن مصدر ثقة طبعا واتقالي قطع غيارها عند اي حد بتاع تويتا هتلاقيها اسعار عادية ..طبعا مشكتش لحظة في صاحبي ... فحاليا بحاول كون مستوعب الدرس كويس ... وفعلا قررت اني ادور بنفسي علي كل اللي انا خايف منه ... لان لقيت ان فعلا ... ما حك جلدك مثل ظفرك ... بس اي حاجة هوصلها هنشرها لاني محبش حد يدوخ دوختي في اي حاجة انا عارفها ... (تربية والدي الله يرحمه )... ولكل الناس الي ظنت فيا اني داخل اهاجم اللوجان لمصلحة ما .. الله وكيلي وهو المحتسب

[Abdm]

بص حضرتك كل عربية وليها مميزات وعيوب وممكن العيوب ما تكونش عيوب ذى مثلا عدم الآنتشار قوى . أو أرتفاع أسعار قطع الغيار أو صناعتها وجودتها أو توكيلها ما يكونوش كويسين . فذى ما الآخوة قالوا حاضرتك لازم أولا تقتنع بالعربية أولا أنها جيدة .ثانيا لازم تحبها علشان تتغاضى عن أى مسائل ومشكلات من الممكن أن تتعرض لها مستقبلا .
حضرتك لازم توازن بين كل المتطلبات اللى أنت عايزها تكون موجودة فى العربية مع ظروفك اللى تناسبك .

لو شايف تعارض بين ظروفك والمتطلبات اللى أنت عايزها فى عربية معينة يبقى شوف عربية تانية تناسبك
لكن لازم تعرف أن مافيش عربية كاملة من مجاميعة . هتقولى أذاى هقولك

يأما هتلاقى فيها هى أو ركوبتها حاجة مش مريحة قوى قصاد سعرها الرخيص والمغرى وكمان أنتشارها قوى .

أو هتلاقيها ممتازة ومريحة قصاد سعرها العالى وكمان عدم أنتشارها قوى

أو ممكن تكون تجمع كل المميزات الحلوة لكن سعرها عالى قوى فوق أمكانياتك

الخلاصة : لو عايز عربية معينة لازم تعرف أنك مش هتاخذ كل حاجة لازم حاجة قصاد حاجة

والله الموفق والمستعان

[akerima]

في الموضوع الاولاني كان ردي عليك كالتالي

العربية من احسن العربيات الموجودة دلوقت بالسعر دا - قطع الغيار بقت متوفرة برة التوكيل وباقل من نص سعرها جوة التوكيل

دا غير ان التوكيل من انضف توكيلات مصر في المعاملة وجودة الاداء

وماتقلقش موديل 2012 مفهوش اي مشاكل من اللي كانت موجوده في الموديلات اللي قبلة ومغيرين الكاسيت اللي في رايي كان اكبر عيب في العربية



وكان متهيالي ان دا احسن رد ممكن يتقال علي موضوع قطع الغيار

طيب عشان بس حبيبي واستاذي رينجو مشارك في التوبيك - نصلي علي النبي ونبتدي من جديد

عن تجربة كان في زميل عامل حاذث بعربيتة وكان محتاج عافشة امامية كاملة - يعني جوز مساعدين ومقصين وقنطرة وتيش اسكاترا وشوية اصلاحات من تحت عشان عربيتة كان عدي بيها من فوق جزيرة والموضوع دا اتكلف كلة - طبعا - برة التوكيل اقل قليلا من 2000ج

واحنا من الاسكندرية وعندنا قطع الغيار اغلي من القاهرة بشوية طبعا لان التوفيقية هي الاصل ومعندناش في الاسكندرية غير 2 او 3 هما اللي بيبيعوا قطع غيارها

التوكيل كان بيتكلم في فوق ال 5000ج لو هما اللي حيصلحوها - وعشان كده بقول ان قطع الغيار برة التوكيل اقل من نص تكلفتها جوة التوكيل ومتوفرة بانواعها بره التوكيل دلوقت ومن كذا حتة يعني حتلاقي الصيني والتركي وكلة بتمنة

ارجو ان يكون الرد دا نال رضاك - انا عموما معايا العربية دلوقت من سنتين تقريبا واللي كان ليه الفضل بعد ربنا في قرار شراها كان رينجو وكان برضو اول واحد يرد علي موضوع كتبتة بسال علي العربية والحمد لله ربنا اكرمني بيها ولسة مخاويها بسانديرو من قيمة 4 شهور

يعني من الاخر لو كانت اللوجان مقلقة ولا مطلعة عيني مكنتش فكرت في السانديرو

وفي النهاية ربنا يهديك للي فية الخير

[yousse_mohamed]

بص صلى صلاة استخاره وروح للانتا مستريحله.ومفيش سياره من غير عيوب.والله الموفق انشاء الله.

[ayman1204]

قطع الغيار ( الموضوع انتهى من زمان ) انسي الكلام دا
احنا سردنا كل المحلات والميكانيكة اللى بيصلحوا برة التوكيل
ورخصت كتير عن زمان
انا فاكر من حوالى سنة جبت الفانوس ب 300 جنية تقريبا
دلوقتى بقى يعمل 200 جنية والصناعه التركى
دور انت بقى لو عاوز الارخص هات الصينى وشوف تمنه كام

[eng_hatmido]

امبارح انسان محترم بعتلي رسالة ع الفيس بوك لما لقاني كاتب ع صفحة رينو اني عايز اشتريها
كان نص الرسالة بالفرانكوا الممنوع هنا علي ما اعتقد ...بس عشان اكون نقلت الرسالة نصيا دون تحريف كانت كالاتي

Eslam Maher Eldaly
bos ya basha nase7a meny mateshtresh logan ,, ana ma3ya el 3arbya deh tala3et 3eny men sokhona gowa el salon le 3adm wegod 3azl le framel we teeel le sout motor 3aly ,, nase7a le wagah elaah

انا مش عارف ارد غير اني قولتله مروحتش التوكيل ليه ...قالي غلبوني عشر مرات علي ما ركبوا العازل ... ومشكلة الفرامل لسه مردوش عليه بعد ما عمل شكوي وكلم 16202

[eng_hatmido]

رد وقالي
la2 homa haykalmony
bos ha2olak 3la 7aga law enta 3ayz 3arbya tehlek feha ,, hat verna maslan el logan 3ayza mo3mla bel shoka wel sekan azay maby2olo
aw lanos

[amr.elsayed]

امبارح انسان محترم بعتلي رسالة ع الفيس بوك لما لقاني كاتب ع صفحة رينو اني عايز اشتريها
كان نص الرسالة بالفرانكوا الممنوع هنا علي ما اعتقد ...بس عشان اكون نقلت الرسالة نصيا دون تحريف كانت كالاتي

eslam maher eldaly
bos ya basha nase7a meny mateshtresh logan ,, ana ma3ya el 3arbya deh tala3et 3eny men sokhona gowa el salon le 3adm wegod 3azl le framel we teeel le sout motor 3aly ,, nase7a le wagah elaah

انا مش عارف ارد غير اني قولتله مروحتش التوكيل ليه ...قالي غلبوني عشر مرات علي ما ركبوا العازل ... ومشكلة الفرامل لسه مردوش عليه بعد ما عمل شكوي وكلم 16202

ازيك يا هندسة وكل سنة وانت طيب
................................
طبعا وجه نظره تحترم و هو حر فى رايه
لكن هل من المنطق انى اروح التوكيل 10 مرات علشان حتة عازل ب 5 جنيه طيب مش موجود فى التوكيل اركبه انا وخلاص .. مش قضية كبيرة
.................................
هى ايه مشكلة الفرامل عنده ؟؟؟
انا حاليا عامل 33000 كيلو بتيل الفرامل الاصلى .. وفى صيانة ال 30000 كيلو طلبت تغييره كنوع من الوقاية قالولى التيل لسة فيه ونكشف عليه فى الصيانة الجاية .. تحب نغيره دلوقتى؟؟ ردى كان طبعا لأ
...................................
علو صوت الماتور دى احد عيوب العربية لكن مش حتحس بيه اوى لو بتنقل قبل 3000 ار بى ام

[amr.elsayed]

رد وقالي
la2 homa haykalmony
bos ha2olak 3la 7aga law enta 3ayz 3arbya tehlek feha ,, hat verna maslan el logan 3ayza mo3mla bel shoka wel sekan azay maby2olo
aw lanos

انا راى مخالف ليه فى النقطة ديه
1- هو مايستانش لحد ما التوكيل يكلموا .. هو يروح يشترى حته عازل ويحطها على الفاتحة اللى جنب دواسة البنزين او يرمهالهم فى التوكيل وهما يركبوها
2- لو عايز عربية تهلك فيها عندك من اول الاكتافيا وانت طالع بقى بى ام ومرسيدس
لكن لوجان ولا فيرنا ولا لانوس ولا افيو ولا اكسنت ولا الينترا ولا صنى ولا جين 2 ..... الخ الخ
كلها عربيات لازم ليها عناية وزى ما حتصونها حتصونك وكلها ليها عيوبها ومميزاتها
واى عربية حتهينها حتهينك والعكس صحيح

[eng_hatmido]

الله يفتح عليك ..... فعلا انا مطمن للعربية عشان فيه ناس زي حضرتك معاهم العربية وبيشكروا فيها

ان شاء الله بدون مقاطعة بعد الاحداث ما تهدي تاني هتوكل علي الله واروح اشتريها بس هاخد لفة في محلات قطع الغيار الاول