تركيب جهاز انذار ولف

[abd_elhalim85]

عايز اركب جهاز انزار ولف و لكن كلمت التوكيل فقالى انه لازم يركب عندهم علشان الضفيرة ممكن تتأثر.

يا ريت حد يقولى رأيه فى جهاز النزار ده
و هل فعلا مينفعش اركبه إلا عند التوكيل؟

متشكر جدا لسرعة الرد لأنى محتاج اركبه بسرعة لأنى بركن فى الشارع و مش مطمن

[fouaa]

جهاز الانذار الولف من افضل الاجهزه الموجوده فالسوق وانا مركبو فعربيتى ال لانسر من 2006 من اول ماشتريتها والحمد لله لحد النهرده شغال بنفس الريموت وزى الفل وعمرو معمل اى مشكله تماما بالنسبه للتركيب حضرتك ممكن تركبو فشارع دمشق الناس هناك بتركب الحاجات دى ليل نهار وفكل انواع العربيات الزيرو ساعات بيرحلهم عربيات اصلا معلقتش نمر ومبيحصلش اى حاجه تماما انت بس ممكن التوكيل يقولك ان الضفيره هتخرج بره الضمان وده طبعا رخامه منهم جدا فانت لو عاوز تركبو بره توكل على الله ومتقلقش وعلى فكره ضمان العربيه بتاعت حضرتك مش بيبقى المده الى هما قايلين عليها لكل اجزاى العربيه بمعنى الماتور ليه مده والعفشه مده والضفيره ليها مده فخليها على الله ومتقلقش

[abd_elhalim85]

الف شكر يا بو حميد على الإفادة،
انا عرفت ان مركز ولف اللى فى سوق القنال الدولى ممكن يركبهولى بردة، يا ريت لو تعرف تفدنى
شكرا مره تانية

[fouaa]

العفو يا فندم والله انا موش عارف المركز الى حضرتك بتقول عليه انا موش بتعامل فالتركيبات دى غير فشارع دمشق بركب هناك من زمان وكويسين جدا

[Ahmed A Rahman]

انا مركب انذار spy 2 way بقالي اكتر من سنة في العربية وشغال زي الفل

ركبته في مركز سبير كار في التجمع فيه جراج كده بتنزل فيه وبيركب فيه بمنتهى النضافة

وولف مجربتوش على اللوجان

[dr_mohamed16]

طب لو التوكيل هو اللى هيركبوا حد عارف يتكلف كام ؟؟؟

[ahmedbakr50]

انا مركب انذار spy 2 way بقالي اكتر من سنة في العربية وشغال زي الفل

ركبته في مركز سبير كار في التجمع فيه جراج كده بتنزل فيه وبيركب فيه بمنتهى النضافة

وولف مجربتوش على اللوجان

ممكن حضرتك تقول جبته بكام وخدو تركيب كام؟؟
وفى التوكيل لما شافوه هل أبدو أى إعتراض؟

[dr_mustafa_ali]

انا كلمت التوكيل قاللي مش بيركبه وقاللي اركبه بره بس اخلي الكهربائي يوصله على البطارية ما يلعبش في الضفيرة

[blackhorse123]

وانا كمان عايز اركبه بس التوكيل قالى ما تلعبش فى العربيه علشان ما تخرجش من الضمان

[dr_mustafa_ali]

طيب والحل؟

[abd_elhalim85]

الأخت اللى ردت عليا فى خدمة العملاء قالتلى ان عربيات رينو كلها أستحالة تتسرق إلا بونش، فقلتلها انا بركنها فى مكان فيه أطفال كتير و عايز أركب انزار علشان كدة مش علشان السرقة و بس، ردت و قالت طب روح لكهربائى و كلمنى وقتها علشان أحولك للمهندس المختص يتابع مع الكهربائى، فقولتلها طب أجيله و هو اللى يركبها، فقالت ممنوع و إلا الضفيرة هتبقى برة الضمان

يا ريت يا جماعة لو حد عنده حل يقول

[blackhorse123]

انا ان شاء الله هركب جهاز انذار فى عربينى الهاف اوبشن 2012 وكمان هركب وحدتين رفع ان شاء الله
وهضرب بكلام التوكيل عرض الحائط

بس انا اتكلمت مع الكهربائى وقالى العربيه اللوجان بيكون فيها حاجت وتصويلات خارجيه علشان اللى يحتاج يركب اى حاجه فيها زى جهاز الانذار والسريينه وخلافه
وقالى هركبلك جهاز الانذار من غير ما نلعب فى ضفيره العربيه خالص
انا مش عارف ازاى بس قالى انا ركبته قبل كده وما تقلقش
التوكيل اهم حاجه عنده الضفيره ما تلعبش فيها ولا تقطع اى سلك فيها

كل الفكره انى انت لو جوه الضمان هتروح التوكيل هيركب جهاز الكمبيوتر مع الكابل اللى فى العربيه اللى فى التابلوه ويفحص العربيه لو وجد خطأ هيعرف انك لعبت فى العربيه وفى الضفيره وهتخرج بره الضمان
لو لم يجد خطأ والاختبار ميه ميه مش هيقولك حاجه حتى لو انت مركب جهاز الانذار

باختصار العمليه عايزه كهربائى محترف
بس انا ان شاء الله هركبه وهقولكم على ايه اللى حصل
وهروح اعمل صيانه العشره الاف كيلو واشوف مهندس التوكيل هيقولى ايه

وربنا يستر بقى ..........

[dr_mustafa_ali]

ان شاء الله خير

[baset]

أنا عايز أفهم إزاي الكهربائي ممكن يركب جهاز الإنذار على البطارية
أنا روحت سألت قاللي مفيش حاجة كدة

[dr_mustafa_ali]

والله هما في خدمه العملا قالولي ياخدله كهربا من البطارية ما يجيش ناحية الضفيرة