التأمين على السياره رينو لوجان 2012

[batmancib]

السلام عليكم


ياريت يا جماعه تقولولى التأمين على العربيه مهم والا تنصحونى بايه وايه افضل شركه تأمين ويكون نسبه التأمين مش كبيره من فيمه السياره انا ان شاء الله ناوى اجيب لوجان 2012 بلاك لاين بامر الله تعالى

فى انتظار ردودكم ونصايحكم ان شاء الله

سلام عليكم

[gebreel]

التأمين في الحاجات البسيطة متعب و ممل و الاسهل انك تعملها بنفسك لكن بينفع لو لا قدر الله جت في حاجة كبيرة

رأيي انو يستاهل حتى لو مستخدمتوش

انا بتعامل مع مصر للتأمين بنسبة 3.5 % و تحمل 10% في حالة الاصلاح في التوكيل

[batmancib]

التأمين في الحاجات البسيطة متعب و ممل و الاسهل انك تعملها بنفسك لكن بينفع لو لا قدر الله جت في حاجة كبيرة

رأيي انو يستاهل حتى لو مستخدمتوش

انا بتعامل مع مصر للتأمين بنسبة 3.5 % و تحمل 10% في حالة الاصلاح في التوكيل

شكرا جدا لرد حضرتك ياريت تقولى ايه رايك لو هشتريها من المصريه للسيارات هل فى اى نصايح من حضرتك لان التوكيل قالى احجز واستلم بعد شهر لكن المصريه العربيه متوفره ان شاء الله وهيتم الاستلام خلال 3 ايام فقط ان شاء الله وترخيص ال 3 سنين هيتكلف كام والافضل ارخصها سنه واحده والا تلاته ؟

اسف جدا على الاطاله فى الاسئله ومتشكر لحضرتك جدا

اشكرك وجزالك الله خيرا ان شاء الله

[gebreel]

شكرا جدا لرد حضرتك ياريت تقولى ايه رايك لو هشتريها من المصريه للسيارات هل فى اى نصايح من حضرتك لان التوكيل قالى احجز واستلم بعد شهر لكن المصريه العربيه متوفره ان شاء الله وهيتم الاستلام خلال 3 ايام فقط ان شاء الله وترخيص ال 3 سنين هيتكلف كام والافضل ارخصها سنه واحده والا تلاته ؟

اسف جدا على الاطاله فى الاسئله ومتشكر لحضرتك جدا

اشكرك وجزالك الله خيرا ان شاء الله

بص يا باشا ابعد عن المصرية لعدة اسباب
1- لما هيعرفوا نك كاش هيحسسوك انك رايح تشحت منهم
2- العربيات بتيجي متساقة و سواقة زبااااااااااااااااااااالة و انا شفتها بعنيا و من قلة الامانة بيبقوا فاصلي حساس السرعة علشان العربية متعدش كيلوات
3- انا شفت في يوم واحد لوجان كبوتها مش بيقفل القفل فيه مشكلة و كان بيحاول يقنعني انها هي كدة الكلام ده في 2009 و في نفس الوقت شفت سيريون الضفيرة بتاعتها ملفوف فيها حتت بشريط لحام اسود حقير مش من بتاع المصنع ولا لفة مصنع


لو عاوز تستلم على طول و من مكان مضمون عليك و على حاجة من 2 يا محمد زكي يا السبع و ال2 اتعاملت معاهم و ال2 محترمين اكثر من بعض

ترخيص ال 3 سنين على ما اذكر بيتكلف حوالي 1300 بكلوا و ممكن اققلك على الخميس او السبت على حسب هرخص امتى

و في رأيي ال 3سنوات انا شخصيا بحبوا علشان بريح دماغي من قرف المرور 3 سنين

[batmancib]

بص يا باشا ابعد عن المصرية لعدة اسباب
1- لما هيعرفوا نك كاش هيحسسوك انك رايح تشحت منهم
2- العربيات بتيجي متساقة و سواقة زبااااااااااااااااااااالة و انا شفتها بعنيا و من قلة الامانة بيبقوا فاصلي حساس السرعة علشان العربية متعدش كيلوات
3- انا شفت في يوم واحد لوجان كبوتها مش بيقفل القفل فيه مشكلة و كان بيحاول يقنعني انها هي كدة الكلام ده في 2009 و في نفس الوقت شفت سيريون الضفيرة بتاعتها ملفوف فيها حتت بشريط لحام اسود حقير مش من بتاع المصنع ولا لفة مصنع


لو عاوز تستلم على طول و من مكان مضمون عليك و على حاجة من 2 يا محمد زكي يا السبع و ال2 اتعاملت معاهم و ال2 محترمين اكثر من بعض

ترخيص ال 3 سنين على ما اذكر بيتكلف حوالي 1300 بكلوا و ممكن اققلك على الخميس او السبت على حسب هرخص امتى

و في رأيي ال 3سنوات انا شخصيا بحبوا علشان بريح دماغي من قرف المرور 3 سنين

ربنا يخليك يا باشا على زوقك وشكرا لتعبك ونصيحتك الغاليه دى وان شاء الله مستيك تقولى الترهيص عامل كام وهل السبع ده ليه فرع فى المنصوره ؟

اشكرك

[gebreel]

ربنا يخليك يا باشا على زوقك وشكرا لتعبك ونصيحتك الغاليه دى وان شاء الله مستيك تقولى الترهيص عامل كام وهل السبع ده ليه فرع فى المنصوره ؟

اشكرك

يا باشا احنا اخوات و المصلحة واحدة و الحمد لله

هبلغك ان شاء الله بقيمة الترخيص لما ارخص باذن الله

بالنسبة لفروع السبع فانا الحقيقة مش عارف ان كان ليه فرع في المنصورة ولا لأ بس ممكن تتصل ب140 دليل و تسألهم

[adel_edrees]

فى كمان شركة عربيات اللى أدام الحامدية الشاذلية ناس محترمين جدا جدا

[ZALABANY]

لو عايز تأمن يبقى تأمين تعاوني لأن التأمين التجاري حرام شرعا

[batmancib]

سلام عليكم
استاذ gebreel والاستاذ adel_edrees اشكركم على الرد والافاده جزاكم الله خيرا

وفعلا يا استااذ جبريل موجود السبع فى المنصوره وان شاء الله اشوفه

[batmancib]

لو عايز تأمن يبقى تأمين تعاوني لأن التأمين التجاري حرام شرعا

حضرتك ممكن تقولى يعنى ايه تأمين تعاونى ؟

[mohamedjamal81]

السادة المحترمين ارجو منكم مشاركتي في امر هام حيث انني اشتريت سيارة لوجان 2012 مانيوال وعلمت أن السيارة الأوتماتيك قد نزلت وقد عرضت سيارتي علي احد المعارض وكنت شريها ب71000 وعرض عليا 55000 فهل من نصيحة مع العلم ان السيارة لم تتعدي 1000 كيلو حتي الأن

[gebreel]

عربيتك متتبعش باقل من 68