اللوجان الاوتوماتيك

[midohector]

السلام عليكم الاعضاء الكرام

من ساعة ا عيني وقعت علي العربيه الجديدة و شغلة دماغي , انا يا جماعه معايا اوبترا اوتو 2010 مش ستيبترونيك , و بصراحه كده ان العربيه واطيه عن الارص مش مريحني لحد دلوقتي و بفكر اغير العربيه فعلا بواحدة جديدة و اللي بفكر فيه علا اني ابدل الاوبترا بلوجان

و فرق السعر مش هيكوهن كبير اعتقد محتاج رأيكوا ضروري

[rasmy28]

السلام عليكم الاعضاء الكرام

من ساعة ا عيني وقعت علي العربيه الجديدة و شغلة دماغي , انا يا جماعه معايا اوبترا اوتو 2010 مش ستيبترونيك , و بصراحه كده ان العربيه واطيه عن الارص مش مريحني لحد دلوقتي و بفكر اغير العربيه فعلا بواحدة جديدة و اللي بفكر فيه علا اني ابدل الاوبترا بلوجان

و فرق السعر مش هيكوهن كبير اعتقد محتاج رأيكوا ضروري

الله اكبر فينكم ياكرهى الوجان تشوف العربيه دلوقتى ناس بتنزل من اوبترا عليها

شوف حضرتك الوجان بالنسبالك هتميز بشوية حجات

اولا ان لما هتبيع الاوبترا كسر زيروا هتقدر تجيب الوجان بسهوله مش هتدفع فلوس او لو دفعة هيبقى مبلغغ اقليل

ثانيا ان العربيه فعلا عاليه جدا جدا عن الارض الله اكبر عليها وعفشتها ناعمه وجميله جده وده الفرق الهتحسه عن اى عربيه تانيه

لكن لو حضرتك متردد او خايف وبردك الاوبترا عربيه جميله واغلى كتير ومنتشره ومسكه سعر وقطع غيرها رخيصه فا ممكن تستنى شويه لما الوجان يبان ليها عيوب ولا لاه تشوف تقرير الاعضاء عنها هنا علشان تغير وانته مطمن

طبعا فى العلو كنت هنصحك ب سانديروا ستيب واى لكن لاسف مش منزلين منها اتوماتيك دى باه ارتفاعها عن الارض 20 سم فى حين الوجان 15.5 سم تقريبا

وربنا يوفقك لكل خير
تحياتى
محمد رسمي

[ragy]

بص يا فندم

الاوبترا تتفوقعلى اللوجان في
الشكل الخارجي من وجهه نظري يعني
انتشار قطع غيار الاوبترا ( اللوجان منتشره في التوفيقيه وشارع دمشق والحرفيين)
ال abs اذا كان اللي معاك فيها يعني

اللوجان تتفوق على الاوبترا في
استهلاك البنزين اللوجان اقل
عاليه عن الارض
عافشه انعم
التوكيل افضل بكتيييير من شفروليه
اسعار التوكيل أرخص نسبيا من شفروليه شوف الموضوع ده http://www.nilemotors.net/Nile/270224-a-2.html
الفتيس ستيبترونيك
مساحه الشنطه

ده بالاضافه
لوساده هوائيه للسائق
رحابه ووسع الصالون
ثبات العربيه على السرعات العاليه
تحكم في مستوى الاضائه
تحكم مستوى في الدركسيون
مالتي ميديا في الدركسيون

واستنا تقرير الاستاذ جبريل بليل يقولنا معلموات اكتر

[ahmedeg1]

يا باشا استنى شويه لما نشوف تقرير بعد اول 5000 الاف من لاستخدام و بعد كده قرر
انا معايا لوجان 2012مانوال زى لفل الحمد لله و كانت قبلها معايا شيفورليه لانوس موديل 2010 بعتها و كانت عامله 30000 كم علشان لوجى و أهى دلوقتى عامل بيها 8500كم و الحمد لله معنديش مشاكل

[samyyousef]

كلام جميل

[arakysolom]

انا اختلف مع حضرتك كليا في هذا القرار الاوبترا علي الرغم من انها كانت معايا المانيوال و مكنتش عجباني بس برده تختلف كليا عن اللوجان سواء في الثبات او سعر اعادة البيع او الانتشار و بعدين عربية معاك من الزيرو تبيعها ليه طالما مفيهاش مشاكل ؟؟؟
متغلطش غلطتي و توهم نفسك بان العربية عايز تغيرها لأن لو الشعور ده مسكك حتبيع عربيتك و تدوخ علي عربية تانية و المبلغ اللي حتجيبهولك مش حيجيب حاجة زي توقعاتك
يعني مثلا عربيتك حتجيب حوالي 82000 جنيه ايه اللي في نفس فئة الاوبترا بالسعر ده ؟؟
اقل حاجة في فئة الاوبترا اوتو الاسكالا و الصني و ده سعرهم فوق 90000 جنيه
اللوجان عربية حلوه و لكن ثباتها لا يقارن بالاوبترا و ده كلام من واحد مجرب الاوبترا جبت بيها 195 و هي ثابتة جدا و مبتحسش بالطريق فيها و المنحنيات حتي 140 اما اللوجان مع اخو زوجتي و بيقولي ان ثباتها مش قد كده و لكن هي عربية كويسة
وده رأي شخصي

[midohector]

طيب نستني نشوف ايه اللي هيحصل و نقرر بعدين

[ragy]

طيب نستني نشوف ايه اللي هيحصل و نقرر بعدين

+11111111111

[mahmoud_anwar]

هي الوجان الاتو ماتيك دي عاملة كام ياجماعه لي اننا هنجبها انهارضه خالي قدم علي المانيول عاملة المانيول عامله 71 الف الااوماتيك عاملة كام وايه الاختلاف مابينهم هل الاتنين الدركسيون مالتي ميديا

[midohector]

انا اختلف مع حضرتك كليا في هذا القرار الاوبترا علي الرغم من انها كانت معايا المانيوال و مكنتش عجباني بس برده تختلف كليا عن اللوجان سواء في الثبات او سعر اعادة البيع او الانتشار و بعدين عربية معاك من الزيرو تبيعها ليه طالما مفيهاش مشاكل ؟؟؟
متغلطش غلطتي و توهم نفسك بان العربية عايز تغيرها لأن لو الشعور ده مسكك حتبيع عربيتك و تدوخ علي عربية تانية و المبلغ اللي حتجيبهولك مش حيجيب حاجة زي توقعاتك
يعني مثلا عربيتك حتجيب حوالي 82000 جنيه ايه اللي في نفس فئة الاوبترا بالسعر ده ؟؟
اقل حاجة في فئة الاوبترا اوتو الاسكالا و الصني و ده سعرهم فوق 90000 جنيه
اللوجان عربية حلوه و لكن ثباتها لا يقارن بالاوبترا و ده كلام من واحد مجرب الاوبترا جبت بيها 195 و هي ثابتة جدا و مبتحسش بالطريق فيها و المنحنيات حتي 140 اما اللوجان مع اخو زوجتي و بيقولي ان ثباتها مش قد كده و لكن هي عربية كويسة
وده رأي شخصي

انا هستني فعلا اعرف ايه اخر التقرير بتاع اول 000 5 كم و بعد كده اقرر الفكرة ان انا عايز اغير من اجل التغيير الاوبتار جملية بس البنزين شغاله نار فياكل البنزين و بعدين استيبترونك و وسايد هوا و دلع كتير يعني

[a_nbm]

طبعا فى العلو كنت هنصحك ب سانديروا ستيب واى لكن لاسف مش منزلين منها اتوماتيك

كنت في توكيل العبور يوم 8-2-2012 وكانت موجوده في المعرض

[rasmy28]

هي الوجان الاتو ماتيك دي عاملة كام ياجماعه لي اننا هنجبها انهارضه خالي قدم علي المانيول عاملة المانيول عامله 71 الف الااوماتيك عاملة كام وايه الاختلاف مابينهم هل الاتنين الدركسيون مالتي ميديا

الاوتماتيك 79 الف نفس المانويل بلاك لين فى كل حاجه فا فيها ملتى فنكشن زي المانول اعلى فئه بالزبط + جير ستيب ترونك (اوتماتيك + مانول )
والماتور اتغير بقه 110 حصان بدل 90 و 16 صباب بدل 8 و 2 كامه بدل واحد

[rasmy28]

كنت في توكيل العبور يوم 8-2-2012 وكانت موجوده في المعرض

حضرتك قصدك رينوا سانديورا العاديه مش الستيب واى لان السانديروا العاديه نزل منها اتوماتيك اعلى فئه الهى بلاك لين بتاع 83 الف

[jojojo]

يا جماعه انا شايف اللوجان غليت جدا رغم ان العربيه تم الاتفاق عليها في معاهده اغادير وكانت اول منزلت ب56 الف اول فئه مانيوال بعد كده بدأوا يضحكوا علينا وغلوها ل67 بعد كده نزلونا موديل اسمه بلاك لين مفيهوش اي اضافات غير الطاره المالتي او غرزه في الفرش الصالون وبقت ب71 الف ودلوقتي منزلنا فئه الاتوماتيك بسعر 79 الف اوحيانا 80 الف يعني بصراحه العربيه غاليه اوفر يا جماعه ولسه هتغلي عشان التوكيل مستغل اقبال الناس عليها رغم انها تقفيل مغربي يعني مش فرنسي ولايوجد عليها جمارك وفقا لاتفاقيه اغادير وكمان مستغلين اقبال الناس علي العربيه الاتوماتيك وبيعطشوا السوق عشان العربيه تغلي وطبعا يكسبوا اكتر يا جماعه احنا في بلدنا ديه بيتنصب علينا في كل حاجه حتي في شراء العربيه الزيرو في جميع التوكيلات سواء غبور او شيفروليه او رينو او نيسان او تويوتا او غيره ديه بس امثله للاسف الشعب الوحيد اللي بيتنصب عليه دون ان يدري وبيبقي شاري العربيه باوفر بريس وفرحان بيها وهي اصلا بامكانياتها متستهلش نص سعرها العربيه اللوجان في الخليج ب28 الف ريال ومحدش بيركبها ومترميه في كل حته وتقفيل روماني وفي منها فرنسي بس اقول برضه في الاخر لك الله يا شعب مصر العظيم

[walidzakzok]

يا جماعه انا شايف اللوجان غليت جدا رغم ان العربيه تم الاتفاق عليها في معاهده اغادير وكانت اول منزلت ب56 الف اول فئه مانيوال بعد كده بدأوا يضحكوا علينا وغلوها ل67 بعد كده نزلونا موديل اسمه بلاك لين مفيهوش اي اضافات غير الطاره المالتي او غرزه في الفرش الصالون وبقت ب71 الف ودلوقتي منزلنا فئه الاتوماتيك بسعر 79 الف اوحيانا 80 الف يعني بصراحه العربيه غاليه اوفر يا جماعه ولسه هتغلي عشان التوكيل مستغل اقبال الناس عليها رغم انها تقفيل مغربي يعني مش فرنسي ولايوجد عليها جمارك وفقا لاتفاقيه اغادير وكمان مستغلين اقبال الناس علي العربيه الاتوماتيك وبيعطشوا السوق عشان العربيه تغلي وطبعا يكسبوا اكتر يا جماعه احنا في بلدنا ديه بيتنصب علينا في كل حاجه حتي في شراء العربيه الزيرو في جميع التوكيلات سواء غبور او شيفروليه او رينو او نيسان او تويوتا او غيره ديه بس امثله للاسف الشعب الوحيد اللي بيتنصب عليه دون ان يدري وبيبقي شاري العربيه باوفر بريس وفرحان بيها وهي اصلا بامكانياتها متستهلش نص سعرها العربيه اللوجان في الخليج ب28 الف ريال ومحدش بيركبها ومترميه في كل حته وتقفيل روماني وفي منها فرنسي بس اقول برضه في الاخر لك الله يا شعب مصر العظيم

اللوجان مفيش منها فرنساوي هية مغربي وروماني بسز كمان اللي نزلت ب 56 الف دي اللوجان الفاضية ومبقتش تنزل لان محدش اشتراها ...سعر اللوجان فى الخليج حوالي 40 الف ريال انا فى الخليج وعارف تمنها كويس.