استفسار عن الاير باج

[gebreel]

تصدق يا محمود قلقتنى بجد .. وبالرغم من اللي يقولك سخونة التابلوه و صوت الكركبه و صوت الموتور الا انى رميت كل ده ورا ضهري واستمتعت بالعربية و ماوقفتش قدام حاجه الا حكاية الايرباج دي لأنى باهتم بقصة الامان .. اتصلت بالتوكيل وكلمت مهندس اكدلي ان الايرباج هاتفتح ف كل الحالات رابط الحزام أو مش رابط .. كمان قالي ان علامه الحزام بتنور فقط لو فيه مشكله ف الحزام ومالهاش علاقه ان كنت رابطه أو لأ ( ماعرفش ازاي) .. طبعا كل ده ف الفول أوبشن لأن الهاف مافهاش ايرباج ( علي حد كلامه ) ..ربنا يسترها علينا بقى

ده مهندس كفتة ايه اللي قلك الكلام ده

ده بردو زي قصة لمبة الCheck!!!

العالم دي تنرفز و الله مشكلة ايه في الحزام و هتتعرف ازاي من ام البتاعة اللي بيدخل فيها الحزام و هو الحزام فيه كوبيوتر علشان لو افترضنا ان فيه مشكلة تسجل error !!!


بص يا وسيم انا مش عاوزك تقلق و عاوزك تستمتع بالعربية تماما لأن القصة دي مش مقلقة خالص طالما انت متعود تلبس الحزام

اما لو مش متعود فبرضاك او غصب عنك هتتعود و انا وراك وراك =)))

[Ahmed A Rahman]

الموضوع ابسط من اللمبة اللي بتنور في التابلوه



بص تحت الكرسي

الرينو داستر وانا بركب لها الفرش : فيه فيشة ايرباج تحت الكرسي اتفصلت عشان نخلع الكرسي ونركب الفرش

الرينو لوجان : مفيهاش الفيشة دي يعني تعرف تشيل الكرسي عادي رغم ان عربيتي فول اوبشن

يبقى العربية حتعرف ازاي ان الحزام مربوط ؟؟؟؟؟؟؟؟؟؟؟؟

يبقى الايرباج بيفتح في كل الاحوال

على العموم الكلام ده كويس لاني لما عرفت المعلومة دي رجعت اربط الحزام ثاني عشان كان بقالي سنتين مش بربطه

[wassim_nasser]

ماهو انا عشان كده استغربت من كلام المهندس ده .. إذا كانت اللمبه مانورتش عشان انا مش رابط الحزام هاتنور عشان فيه مشكلة ؟!! .. عمرنا ما هاننضف ابدا .. الايرباج ربنا خلقها عشان تبقى امان للبشر واحنا بقدره قادر عملناها مشكلة ..

[wassim_nasser]

بص يا وسيم انا مش عاوزك تقلق و عاوزك تستمتع بالعربية تماما لأن القصة دي مش مقلقة خالص طالما انت متعود تلبس الحزام

اما لو مش متعود فبرضاك او غصب عنك هتتعود و انا وراك وراك =)))

لسة كان واحد صاحبى معاه ميجان وعمل حادثه وفتحت الايرباج و هو مش رابط الحزام خلعت كتفه .. كده كده انا متعود اربط الحزام بس الحكاية دي كدرتنى .. ربنا يسترها علينا .. المهم انت عملت ايه ف الجامعة ؟ نقول مبروك ؟

[gebreel]

لسة كان واحد صاحبى معاه ميجان وعمل حادثه وفتحت الايرباج و هو مش رابط الحزام خلعت كتفه .. كده كده انا متعود اربط الحزام بس الحكاية دي كدرتنى .. ربنا يسترها علينا .. المهم انت عملت ايه ف الجامعة ؟ نقول مبروك ؟

بس الميجان الايرباج مربوطة بالحزام و ده انا متأكد منو

جامعة ايه؟؟ =)

[wassim_nasser]

بس الميجان الايرباج مربوطة بالحزام و ده انا متأكد منو

جامعة ايه؟؟ =)

وظيفه المعيد

[amriar]

بس الميجان الايرباج مربوطة بالحزام و ده انا متأكد منو

طاب لو الميجان فيها كمان نفس المشكله يبقي في الرينو كله ؟؟

وهل دا في المانويال بس و لا الاتوماتيك كمان؟

وهل حد يعرف الموضوع دا في السانديرو الاتوماتيك و الستيب واي ؟؟


الموضوع دا جديد لانج عليا و عايز اعرف برضو الوضع ايه في العربيات التانيه اللي ممكن تكون في نفس الفئه زي اسبرانزا مثلا و جين 2

[gebreel]

وظيفه المعيد

ااااااااااااااه =)) معلش الواحد مسقط خالص

انا هعتذر ان شاء الله

طاب لو الميجان فيها كمان نفس المشكله يبقي في الرينو كله ؟؟

وهل دا في المانويال بس و لا الاتوماتيك كمان؟

وهل حد يعرف الموضوع دا في السانديرو الاتوماتيك و الستيب واي ؟؟


الموضوع دا جديد لانج عليا و عايز اعرف برضو الوضع ايه في العربيات التانيه اللي ممكن تكون في نفس الفئه زي اسبرانزا مثلا و جين 2

لا يباشا الميجان الايرباج مربوطة بالحزام و عموما حاجات الsafety عموما مبتفرقش من مانيوال لاوتو و العكس

[sherifunmis]

منظومة الايرباج اسمها SRS
supplementary restraining system
نظام التقييد التكميلى
يعنى من وجهة نظرى أن منظومة الايرباج تعمل بناء على
منظومة التقييد ( الحزام )
و الكلام ده فى عربية موديل 96
يبقى مهندس التوكيل ده كفته فعلا زى الزميل ما قال
أو كلام المهندس حقيقى و يبقى مش عيب صناعة ...
يبقى مخالفة مواصفات و يترفع على الشركة قضية تخرب بيتهم

[amriar]

ااااااااااااااه =)) معلش الواحد مسقط خالص

انا هعتذر ان شاء الله


لا يباشا الميجان الايرباج مربوطة بالحزام و عموما حاجات الsafety عموما مبتفرقش من مانيوال لاوتو و العكس

هو فين الامان دا يا باشا .. هو لما يكون الوضع كدا يبقي لازم يتصلح علي حسابهم أو يبطلوا ينزلوها

[amriar]

منظومة الايرباج اسمها srs
supplementary restraining system
نظام التقييد التكميلى
يعنى من وجهة نظرى أن منظومة الايرباج تعمل بناء على
منظومة التقييد ( الحزام )
و الكلام ده فى عربية موديل 96
يبقى مهندس التوكيل ده كفته فعلا زى الزميل ما قال
أو كلام المهندس حقيقى و يبقى مش عيب صناعة ...
يبقى مخالفة مواصفات و يترفع على الشركة قضية تخرب بيتهم

+111111111111111

[amriar]

انا قولت اسأل رينو علي الفيس بوك و كانت المحادثه كالاتى



السؤال :

في اللوجان الاير باج مش مربوطه بحزام الامان و دي مشكله رهيبه .. ازاي شركه زي رينو تعمل كدا .. يعني لو حد ناسي يلبس الحزام او الحزام فيه مشكله وعمل حادثه يبقي عليه العوض.. ارجو التوضيح عن عمل الاير باج في غياب سينسور حزام الامان .. دي مشكله فنيه رهيبه و تتطلب التعديل الفوري..

الأجابه :
Renault Egypt:

أ/ عمــر .. شــكرا جزيلا لمشاركتك .. ونـود ان نعلم ســيادتكم بأن رينـــو تهتم فى المرتبة الأولى بأمان عملائها الكرام ، ومن هذا المنطلق يجب ربط نظام الآيـرباج بحـزام الآمان وذلك لحماية السائق وخاصة الفقرات العنقية ، ولكن فى حالة عدم أرتداء حزام الأمان لا يكون هناك أى فائدة للإيرباج غير عدم ارتطام السائق بالتابلوه ولكن سوف تكزن هناك خسائر فادحة أخرى ، والعياذ بالله ، ولذلك وجب ربط الأثنين معا لإعطاء أقصى أمان للراكبين. ولذلك وجب علينا التوتضيح بأن هذا لا يعتبر مشكلة فنية كما تفضلتم بالشرح ، ولكن هذا أقصى أنواع الأمان لعملاء رينــــو الكرام ... شكرا جزيلا. YH

مشاركه
Ahmed El Basha:

يا باشا الأستاذ عمرو قصده إن الإيرباج في اللوجان كده كده هتفتح حتى لو مكنتش رابط الحزام ودي مصيبه كبرى فأين الأمان هنا؟

إجابه
Renault Egypt:

أســتاذ / أحمــد .. فى ردى أعلاه .. أوضح ألزامية ربط حزام الأمان فى جميع الأوقات لأخـذ الفائدة كاملة لعملية الأمان ، فى تعبيرى "يجب ربط نظام الأيرباج بحزام الأمان" أقصد به لابد على قائد السيارة وضع حزام الأمان لتفادى أى كوارث من جراء الحوادث والعياذبالله ..وليستفيد من الأثنين معا ... المصيبة هنـا هـى فى عـدم ألتزام قائد المركبة فى وضع حزام الأمان ... مع الشكر. YH

ردى عليهم:

مازالت المشكله موجوده .. في حاله وجود عطل في حزام الامان فالكارثه محققه و لكن في وجود سينسور يشعر بالحزام ومشاكله من عدمه فيمكنه تعطيل الاير باج .. المشكله انهم غير مربوطين أصلا .. يعني لو انا ملتزم و لابس الحزام و فيه عطل ها يحصل مصيبه برضو .. الرينو داستر فيها السينسور و الحزام مربوط بالأير باج .. دي مشكله فنيه خطيره ولا يستقيم معها رد الشركه لانها تقلل من مستوي امان السياره تمام بل و تجعلها خطر داهم


أنا شايف انهم بيستهبلوا و بيلاوعوا انا ها ابعت لرينو فرنسا

[gebreel]

هو فين الامان دا يا باشا .. هو لما يكون الوضع كدا يبقي لازم يتصلح علي حسابهم أو يبطلوا ينزلوها

بص يا باشا مش دفاع عن رينو و لكن لو حضرتك عندك بايك و لبست جاكت من الجاكت الsafety بتاعت البايك و ملبستش الخوزة و لا قدر الله وقعت من عليه دماغك اتخبطت في الاسفلت يبقى عيب هوندا ولا BMW ؟؟ و تقلهم انا عملت اللي عليا و لبست الجاكيت

اكيد لأ لأنها منظومة مربوطة ببعض

انا واحد بيهتم بالامان و علشان كدة اشتريت الفول اوبشن علشان الايرباج و الموضوع بتاع الحزام ده مش عاملي قلق لأني مبتحركش سنتي بالعربية من غير الحزام

بس لو الزمنا التوكيل انو يربطهم ببعض يبقى فل الفل و زيادة في الامان

[amriar]

بص يا باشا مش دفاع عن رينو و لكن لو حضرتك عندك بايك و لبست جاكت من الجاكت الsafety بتاعت البايك و ملبستش الخوزة و لا قدر الله وقعت من عليه دماغك اتخبطت في الاسفلت يبقى عيب هوندا ولا bmw ؟؟ و تقلهم انا عملت اللي عليا و لبست الجاكيت

اكيد لأ لأنها منظومة مربوطة ببعض

انا واحد بيهتم بالامان و علشان كدة اشتريت الفول اوبشن علشان الايرباج و الموضوع بتاع الحزام ده مش عاملي قلق لأني مبتحركش سنتي بالعربية من غير الحزام

بس لو الزمنا التوكيل انو يربطهم ببعض يبقى فل الفل و زيادة في الامان

عشان يكون الكلام مضبوط يبقي نوحد المعايير ..
هل العادى لما يكون في اير باج انه ما يكونش مربوط و انه يكون مربوط دي تبقي حاجه مميزه ولا العكس ان العادي لما يكون في اير باج انها تكون مربوطه بالحزام و السينسور بتاع الحزام يكون شغال ؟؟

[gebreel]

عشان يكون الكلام مضبوط يبقي نوحد المعايير ..
هل العادى لما يكون في اير باج انه ما يكونش مربوط و انه يكون مربوط دي تبقي حاجه مميزه ولا العكس ان العادي لما يكون في اير باج انها تكون مربوطه بالحزام و السينسور بتاع الحزام يكون شغال ؟؟

العادي زمان لكن دلوقتي اكيد لأ