كوريك اللوجان

[mo_x5]

و انا على الصحراوى امبارح للاسف الكاوتش اتخرم نتيجه انى دوست على حاجه مش عارف هى ايه بالظبط ....
المهم جيت اغير الكاوتش و استخدم الكوريك ﻷول مرة ...بس اكتشفت ان استخدام الكوريك ده سىء جدا ...مش بيلف دورة كامله و خدت وقت كتير عقبال ما رفعت و نزلت العربيه


مش عارف العيب فيه انا اللى مش عارف استخدمه و ﻻ هو كده ؟

[Egyzizo]

هو ليه طريقة معينة فى استخدامه ، بس برضه بدائى.
أنا ريحت دماغى وجبت كوريك تمساح بـ 90 جنيه من ساعة ما جبت العربية والكوريك بتاعها ما اتفكش من مكانه حتى.

[wassim_nasser]

لفه كوريك اللوجان محتاجة تعود بس لا اكتر ولا اقل .. انت بتلفه لفة رأسية زي البيانولا بعدين لفة أفقية عشان تجيبه من اوله و هكذا و تفضل علي كدة بالتبادل لفة رأسية لفة افقية لفة رأسية لفة افقية و هاتلاقية بيرفع معاك عادي و هاتلمه بنفس الطريقة .. انا اول ماجبت العربية عودت نفسى علي استعماله وبقى عادي

[mo_x5]

شكرا على المعلومه .....و هو فعلا زى ما حضرتك قولت انا كنت بلفه نص لفه فى كل مرة
من الواضح كده ان الواحد هيحتاج يجيب كوريك تمساح علشان السرعه و السهوله فى الاستخدام

[blackhorse123]

لا هو كوريك اللوجان متعب بس شغال تمام