محتارة فى الاختيار

[ruby1974]

سلام عليكم
من فضلكم انا محتارة فى نوع السيارة اللى حشتريها ، انا محددة كذا حاجة بس كلهم محيرنى ؟؟
1- دايهاتسون تريوس موديل 2000
2- سوزوكى فيتارا موديل 2000( 2 باب)
3- رينو سانديرو ستيب واى موديل السنة دى2012

انا حلم حياتى وكمان شخصيتى بتحب 4x4 ولكن مستعمل و ده حيكون انا وحظى خايفة اتخدع فيهم
وعشان كده ساعات بفكر فى الزيرو زى الرينو الستيب واى

فمن فضلكم انا عاوزة حد يفيدنى يقول الافضل ايه ليا من حيث النعومة والهدوء ومتقلبش بيا بس انا يدوب اقصى سرعة عندى 100 مبحبش ازود وقطع الغيار متوفرة والتوفير فى البنزين و سحب العربية مع تشغيل التكييف .. محتارة جدا

[wassim_nasser]

عن ثقة الزيرو لو 128 اجدع من المارسيدس المستعمل .. اتوكلي و هاتي السانديرو .. واسعة .. ثابته .. عالية .. تكييف حلو وموفره ف البنزين

[akerima]

هي بس السانديرو او الاستيبواي مش 4X4

بس لو عايز نصيحتي مش حختلف عن wassim_nasser الزيرو احسن من المستعمل ولو 128 طبعا الزيرو احسن بكتير وخصوصا ان السانديرو ماشاء الله حلوة جدا في كل حاجة من اول استهلاك البنزين لغاية الثبات علي السرعات وفي منها دلوقت الاتوماتيك

[mohamed1979]

عن ثقة الزيرو لو 128 اجدع من المارسيدس المستعمل .. اتوكلي و هاتي السانديرو .. واسعة .. ثابته .. عالية .. تكييف حلو وموفره ف البنزين

هي بس السانديرو او الاستيبواي مش 4x4

بس لو عايز نصيحتي مش حختلف عن wassim_nasser الزيرو احسن من المستعمل ولو 128 طبعا الزيرو احسن بكتير وخصوصا ان السانديرو ماشاء الله حلوة جدا في كل حاجة من اول استهلاك البنزين لغاية الثبات علي السرعات وفي منها دلوقت الاتوماتيك

+111111
و كفايه انها زيرو يعنى 3 او 4 سنين على ما تفكر تغير كاوتش مفيش غير زيت و بنزين و حسب استهلاكك للعربيه و تبقى ان اول واحد يركب العربيه

[dr_mustafa_ali]

zerooooo

[mido7337]

اهم نقطة عايز اوضحها هى ان الرينو السانديرو اتيب واى مش 4x4

[megologan]

اليابانى احسن طبعا عن تجربه حتى لو عضم فى قفه

[ahmedamr]

سيبك خالص من التريوس دة ال 2010 منها ولا لية اى لازمة الفيتارا احسن منها بكتير