مشكلة صوت غريب

[mido7337]

السلام عليكم و رحمة الله و بركاته
كل عام و حضراتكم بخير بمناسبة عيد تحرير سينا

انا عندى مشكلة غريبة بقالها فترة
المشكلة هى صوت موتور اللوجان بعد ما اتحرك بيها و اقف فى اشارة و امور باسمع صوت تكتكة ملحوظة او كركرة صوتها واضح جدا و مسموع و انا قافل الازاز و باسمعه اكتر لما باركن العربية بعد مشوار .روحت لتوكيل المقطم و وصفت للمنهدس المشكله فسمع الصوت و داس على دواسة الدبرياج و الصوت فضل موجود فقالى الصوت ده عادى و فى كل عربيات اللوجان
بس انا مش مقتنع ان الصوت ده فى كل اللوجان فكنت عايز اعرف اراء حضراتكم هل الصوت ده موجود فعلا فى كل اللوجان ولا دى مشكلة فردية و تنصحونى بإيه لأن الصوت مزعج و محسسنى انى راكب عربية نقل او اوتوبيس نقل عام ؟

شكرا

[mido7337]

العربية موديل 2011 و عاملة 5000 كيلو !

[ahmadmidop]

بص ياباشا هو مبدئيا لو هو صوت تكتكة بعد لما تكون في مشوار وتبطل العربية وتركن ده بيكون صوت من الفرن وده عااااادي ... لاكن ماعتقدش انه بيتسمع والعربية شغالة ... لو الصوت وحضرتك ماشي بالعربية ممكن يكون بنزين مغشوش فالعربية بتكركر مثلا

[batmancib]

سلام عليكم

الصوت فعلا موجود عندى بس بيبقى لما بكون راجع من مشوار وركنت العربيه بسمعه لدقيقه او اقل وبيروح فعادى يعنى عمرى ما ركزت معاه

[akram87]

يا جماعه الموضوع بسيط والرد عليه كلام أستاذ احمد أنا عندي نفس الصوت وده السبب ( سخونة الفرن ) لا أكثر ولا أقل

[mido7337]

لا انا قصدى صوت فى الموتور الصوت التانى اللى حضراتكم بتتكلموا عنه ده انا عارفه لما ابطل بسبب سخونة الفرن بس مش ده اللى انا باتكلم عنه

[mido7337]

فين ملاك اللوجان ارجو الافادة

[sherifboo]

السلام عليكم و رحمة الله و بركاته
كل عام و حضراتكم بخير بمناسبة عيد تحرير سينا

انا عندى مشكلة غريبة بقالها فترة
المشكلة هى صوت موتور اللوجان بعد ما اتحرك بيها و اقف فى اشارة و امور باسمع صوت تكتكة ملحوظة او كركرة صوتها واضح جدا و مسموع و انا قافل الازاز و باسمعه اكتر لما باركن العربية بعد مشوار .روحت لتوكيل المقطم و وصفت للمنهدس المشكله فسمع الصوت و داس على دواسة الدبرياج و الصوت فضل موجود فقالى الصوت ده عادى و فى كل عربيات اللوجان
بس انا مش مقتنع ان الصوت ده فى كل اللوجان فكنت عايز اعرف اراء حضراتكم هل الصوت ده موجود فعلا فى كل اللوجان ولا دى مشكلة فردية و تنصحونى بإيه لأن الصوت مزعج و محسسنى انى راكب عربية نقل او اوتوبيس نقل عام ؟

شكرا

شوف حضرتك ... انا كمان عندي الصوت ده بيقى زي صوت (كر كر كر ) وبيتسمع بوضوح بعد اي مشوار بالعربية قلت اكلم التوكيل حولني لفرع العبور و رد عليا مهندس اسمه محي و وصفتله الموضوع قاللي عادي و دي حاجة في كل اللوجان قلتله انا عربيتي ستب واي قاللي ماهي نفس الموتور و قفلت معاه بس قلبي مش مطمن ومستني صيانة ال 5000 لو الموضوع لسة موجود مش همشي من هناك الا و الصوت ده مش موجود لاته فعلا صوت مستفز جدااااااااا بس النقطة ان عند حضرتك الصوت مابيروحش مع الدوس على الدبرياج في حين انه عندي بيروح مع الدوسة على الدبرياج......يا ريت حد من الوحوش يساعدنا هل فعلا ده طبيعي اللي بيحصل عندي و اللي عند الاخ الكريم هنا ولا في حاجة غلط سواء عندي او عنده ...

[ahmedeg1]

فعلا الصوت ده موجود و بيروح لما تدوش دبرياج
اللى عاوز اسأله بقى للجماعه اللى ركبه مجموعة البريك
هل الصوت ده لسه عندهم و لا لأ

[akerima]

الصوت اللي بيروح لما تدوس علي الدبرياج دا صوت بلية الدبرياج وساعات بتبقي خشنة شوية فبتعمل صوت لكن الصوت اللي عند صاحب الموضوع مابيروحش لما تدوس دبرياج فدا مش بلية بس انصحك انك تمشي بالعربية وماتحطش في دماغك لان فيه حاجات كتير بتظبط مع نفسها بعد لما تعمل ال 10000 كيلو ودا بجد عن تجربة

[sherifboo]

الصوت اللي بيروح لما تدوس علي الدبرياج دا صوت بلية الدبرياج وساعات بتبقي خشنة شوية فبتعمل صوت لكن الصوت اللي عند صاحب الموضوع مابيروحش لما تدوس دبرياج فدا مش بلية بس انصحك انك تمشي بالعربية وماتحطش في دماغك لان فيه حاجات كتير بتظبط مع نفسها بعد لما تعمل ال 10000 كيلو ودا بجد عن تجربة

معنى الخشونة دي مشكلة. و لا ده طبيعي وشكرا يا باشا

[mohamedghaly]

الموضوع ده عند عربيت جوز اختى بالظبط كان فى التوكيل النهارده والمهندس قاله ان فيه مشكله فى الفتيس والنهارده غيرلوا زيت الفتيس وقاله جرب العربيه ولو ظهرت تانى تعلالى بس الصوت راح

[mido7337]

يا ريت يا جماعة حد يقولى اروح انهى فرع توكيل عشان الموضوع ده
بس بلاش المقطم لأنى زهقت منهم و من اسلوبهم فى الاقناع المستفذ

[mido7337]

يا جماعة الصوت مش بيروح مع الدبرياج و بدأت اقلق

[lawerxx10]

والله يا جماعه انا عندى صوت وكان بيظهر فى فتره الشتاء اكتر اول ما ادور العربيه ولما ادوس دبرياج يتختفى ولما ارفع رجلى يرجع تانى مهندس فى التوكيل قالي غير زيت الفتيس غيرتو وما حصلش تغيير لحد ما افتانى احد الاصدقاء واعتقد ان كلامه فى محله بأن الصوت ده من سست الديسك لأن الصوت بيروح اول ما اعشق العربيه وامشى بيها ما بيكونش فى اى صوت.. والله اعلم ورسوله