فرق بسيط جدا فى الصاج

[Combobox]

السلام على من اتبع الهدى

انا عندى سؤال ممكن يكون غريب شوية

انا لاحظت فرق فى الصاج يعنى الفرق اللى بين الشنطة من الجانب الايمن و الرفرف مختلف قليلا عن الشنطة من الجانب الايسر و الرفرف يعنى حوالى فرق 2 3 ملى .. و نفس الكلام عند الباب من الشمال الفرق بينة وبين الرفرف برضو اوسع حاجة بسيطة جدا من الباب اليمين...

السؤال هل دا عادى فى تقفيل كل العربيات ولا ايه؟

وشكرا

[ahmedeg1]

راجع التوكيل
طبعا ده مش عادى

[Combobox]

لو سممحتم يا شباب ... المفروض ان كلنا معانا عربيات لوجان فى المنتدى ممكن لو سمحتم اعرف كل واحد منكم عنده اللى عندى دا ولا لا؟؟ علشان لما اروح التوكيل لو اتقالى ان دا عادى ابفى اعرف ارد..

شكرا

[Combobox]

ارجو الافادة.

[blackhorse123]

هشوف العربيه وارد عليك ان شاء الله

[a7madahly]

ممكن تصور المكان دا بالظبط عشان ننزل برضه نشوفه زيك وميبقاش فى اى خلاف فى الرأى

[profrivo]

انا شايف ان دا عادى جدا و موجود فى كل العربيات من الفئه دى .. وممكن حضرتك تنزل بنفسك اى معرض عربيات لوجان و هتشوف ان فى فروق بسيطة فى الصاج.. هى طبعا مش ملاحظة بس واضح ان حضرتك بتركز اوى.

بالنسبة للاستاذ اللى بيقول لا طبعا مش عادى... انا هطلب منه بس ينزل يبص على عربيته و ينزل كذا معرض و هو هيعرف ان دا شئ عادى ... واللى عربيتة مش فيها كدا يحمد ربنا ويبوس ايده وش و ضهر.

تقبلوا مرورى

[sherifboo]

من اول مرة شفتها في التوكيل وهي فعلا كده تحس ان في فرق بسيط مابين الرفارف و الجسم بتاع العربية كأن في عربية تانية ريحت على الاكصدامات ... لا داعي للقلق ..السيارة زي الفل ..

[ahmedeg1]

انا شايف ان دا عادى جدا و موجود فى كل العربيات من الفئه دى .. وممكن حضرتك تنزل بنفسك اى معرض عربيات لوجان و هتشوف ان فى فروق بسيطة فى الصاج.. هى طبعا مش ملاحظة بس واضح ان حضرتك بتركز اوى.

بالنسبة للاستاذ اللى بيقول لا طبعا مش عادى... انا هطلب منه بس ينزل يبص على عربيته و ينزل كذا معرض و هو هيعرف ان دا شئ عادى ... واللى عربيتة مش فيها كدا يحمد ربنا ويبوس ايده وش و ضهر.

تقبلوا مرورى

الفروق اكيد موجوده بس اللى مش طبيعى انهم يبقوا مش متساويين
و الاخ صاحب المشاركه بيتكلم عن عدم التساوى
حضرتك العربيات دى بتتقفل بخطوط انتاج اليا يعنى ما فيش نسبة خطأ

[profrivo]

الفروق اكيد موجوده بس اللى مش طبيعى انهم يبقوا مش متساويين
و الاخ صاحب المشاركه بيتكلم عن عدم التساوى
حضرتك العربيات دى بتتقفل بخطوط انتاج اليا يعنى ما فيش نسبة خطأ

لا حضرتك انا اقصد بالفروق يعنى differences بين ال gap اللى فى كل ناحية.

حضرتك لو بصيت على عربيتك ممكن تلاحظ دا.

[Combobox]

شكرا الاخ profrivo انا فعلا كنت فى التوكيل و شفت عربية من اللى فى العرض هناك ولقيت فيها نفس اللى عندى...

اشكرك مره اخرى على الرد واشكر كل من ردوا...

[totyfox]

الصور هى اللى هتحدد" نرجو التصوير"

[thegoodhacker]

من الواضح ان العربيات اللي بيتم تقفيلها خارج بلدها بتعاني من عيوب التصنيع والتقفيل ... برضه لسة والدي استلم عربية شيفروليه لانوس زيرو من التوكيل وفيها برضه المشاكل اللي انت بتقول عليها وانا عن نفسي اخدت بالي ساعة الاستلام وقلتله علي العيوب دي علشان يرفض استلام العربية وهو قالي لا عادي واستلم العربية علي كده ...... برضه احد الزملاء هنا في المنتدي استلم عربية فيرنا زيرو من التوكيل وبرضه حاسس ان فيه فروق بين الكبوت والرفرف مش مرتاحلها غير الزملاء اللي بيشتكوا من اصوات التزييق في عربيات فيرنا زيرو ..... للأسف الصح فعلا اننا نشتري عربية تقفيل بلدها علشان فعلا ناخد عربية ما تلاقيش فيها غلطة .......

[gebreel]

فروق الشنطة اخدت بالي منها بس الباب مش عارف هبقى اشوفها