دراعات المساحات

[drsemba]

ياجماعة مساحات العربية ريش ودرعات اتسرقو وسقلت فى كل محلات التوفيقية وش لاقى غير الريش بس ومش لاقى الدراعات الحديد وبيقولو مش بتنزل وسالت فى التوكيل قالو الريشة الواحدة ب 110 والدراع الحديد الواحد ب 195 جنيه افيدونى افادكم الله

[ali_333]

ربنا يعوض عليك..وحاول تغطي العربية دايما

بالنسبة للريش انا جبتهم من بنزينة كالتكس من محل اللي في البنزينة ب 25 جنيه الريشتين وركبتهم عادي في الدراع

بالنسبة للدراع اعتقد اي دراع ممكن تشتريها وتركبها بس اسأل برضه والاعضاء يفيدوك ان شاء الله اكتر

[gebreel]

حصل فيا نفس القصة من حوالي سنة و دخت السبع دوخات علشان مدخلش في 600 جنيه

الخلاصة انزل عند بتوع صقر قريش هاتلك دراعين حديد استيراد هيبقوا بحوالي 200 او 250 جنيه الكلام ده من سنة و هما بيبقوا عارفين سعر التوكيل و انت و شطارتك في الفصال

[amriar]

هو السؤال هنا .. ازاى اروح صقر قريش دى .. فين بالضبط علي الخريطه .. انا بسمع عنها كتير عايز اعرف هى فين و الحرفيين

[gebreel]

حضرتك دي في المعادي على طريق الاوتوستوراد

حضرتك قلي انت جاي منين و انا اوصفلك ان شاء الله