هجوم غير عادى .......وغير متوقع .....

[wael30003]

طبعا انا هاحكى لكم من اول الحكاية عشان ما حدش يفتكر انى بقول حاجة محصلتش

بس فعلا دى بجد وانا مش يهزر

او بقول حاجة عشان فرقعة اعلامية

بص يا سيدى

كان لى زميل معاه عربية لوجان هاف نبيتى فى الشغل المهم ما اقتنعتش بيها

شفتها كده وعادى زى اى عربية جديدة

وفضل يقولى دى واسعة دى عالية عن الارض دى بيتشيل خمسة تخان

وانا مش فى بالى

المهم كنت هاجيب عربية اسمها جاك صينى لغاية ما دفعت عربون وبدات اجراءات شرائها

وانا بسأل عليها واحد بن حلال فى معرض محمد زكى قال لى حد يشترى عربية صينى

نصيحة ما تشتريش الصينى ولو ببلاش

المهم قال تعالى شوف انا عندى عربية لوجان هاف محجوزة تعال شوفها ومش هتخسر حاجة

المهم رحت واقتنعت بيها

وكان لى جار فى عمارة بعيدة شوية عنى جايب لوجان بترولى

بعدى اشوفها كل يوم وهو بيدور ورايح شغله قلت كويس واحد اهو مشجعنى

المهم رحت كملت الاجراءات واشتريت واستلمت لوجان بلاك لاين 2012 نبيتى

وسبحان الله فى نفس التوقيت جار لى فى نفس الشارع بس اخر الشارع

اشترى لوجان 2012 لدرجة ان انا رخصت قبل العيد الكبير(1/11/2011) ب 4 ايام انا رخصت يوم الثلاثاء وهو رخص يوم
الخميس تجد رقم السيارة قريب قوى من بعضه

كل ده والواحد قال عادى لكن الهجوم الغير محتمل

الاقى العمارة اللى جنبى ولازقة فيا

جار اشترى لوجان نبيتى 2012 ورخص من يومين (25/4/2012)

وفى نفس التوقيت جار تانى فى مربع مجاور اشترى لوجان نبيتى 2012 ولسه ما رخصش العربية ومغطيها مش عارف ليه يمكن خايف عليها من الحسد

وطبعا كله بلاك لاين

بصراحة كل ما الناس تعرف قيمتها بيقبلوا عليها وهو ده الهجوم غير العادى من مالكى اللوجان الجدد والاعزاء

[Mzeid]

الحمد لله العربية كانت عند حسن ظن كل من امتلكها او كان بيفكر فيها بالرغم من بعض المشاكل الشائعة او الحالات الفردية

و الحمد لله العربية ناجحة جدا في مصر و بتنتشر و شايفها منتشرة في اسكندرية اكتر

و لكن ميمنعش ان فيه بعض الناس بيهجموا عليها و مش عاجباهم لأسبابهم الخاصة

[blackhorse123]

الحمد لله العربيه ممتازه وانتشرت بكثره فى وقت قصير جدا

ودولوقتى اللوجان نزلت للشرطه ............ بس محدش يقول انى انا قلت حاجه ههههه

[sherifboo]

هي فعلا انتشارها بيزيد يوم عن يوم و ده يدل ان الفكر المصري بدأ يتغير "شوية" عن امتلاك سيارة اروبي ... الحمدلله

[korkor]

عربيه ممتازه على قد الفلوس المدفوعه فيها

[شارلي شابلن]

هو كله نبيتي نبيتي مفيش لون تاني ولا ايه.. هههههههههه

[Elmokadim]

هو كله نبيتي نبيتي مفيش لون تاني ولا ايه.. هههههههههه

هو الصراحة اللوجان اللي في الشارع المصري تقريبا بنسبة 90% لونين بس نبيتي و سيلفر قليل اوي لما الواحد بيشوف لون تاني وايه السر الله اعلم

[Mzeid]

علشان كدة مكنتش عايز والدي يشتري نبيتي و كنت بفضل الفضي

[tiger_1_egypt]

انا كل ما بسأل عليها مش الاقي النبيتي

[totyfox]

انا جبت الفضى

[عاوز عربية]

انا لوجيتي بترولي :)

[hugan]

واحد جاري شاريها لونها سماوي تقريبا او حاجه بين السماوي والرمادي
اللون ده جامد قوي عليها

[Abdm]

حضرتك أشتريتها مانيوال ولا أتوماتيك ... أنا أتمنى لحضرتك تكون أشترتها أتوماتيك لآنوا هو الآفضل .. والخيرة فيما أختارة الله

والله الموفق والمستعان