غطاء العربية حماية ام ضرر

[amirboulos]

يا شباب كنت عايز اخد رائيكم في موضوع غطاء العربية ده ...انا معايا لوجان 2012 طبعا بغطيها علشان التراب واذي اطفال الشارع ..بس بلاحظ ان الغطاء بينزل تراب علي العربية ولما بشيله بحس ان التراب مع تقل الغطا وهو بيتلم من علي العربيه مع الوقت هيأثر علي الدهان وهيطفي اللون ...فكرت اجيب الغطا الوتر بروف اللي ليه ناحيه قطيفه من جوه ...مش عارف...ايه رائيكم مع العلم اني لازم اغطيها هل الغطا ده افضل ولا في خامات تاني احسن ولا اعمل ايه ؟؟

[hzem]

فصل غطاء بلاستيك تقيل من حوه مشمع علشان المطر و التراب

[hossam_elwani]

الووتر بروف افضل ولكن كلهم بيلمو تراب انسى......

[keeko]

هو الغطاء العادي بكام دلوقتي؟؟

[amr.elsayed]

احسن حاجة تحافظ على دهان العربية الوتر بروف الخفيف علشان بيحميها من الشمس ومن الاطفال وحتى التراب
اللى بيدخل تحت الغطا بيبقى التراب الناعم .. لو العربية اتعملت بالريشة حتبقى بتلمع
عيبه الوحيد انه بيتقطع بسرعة بالذات لو بتركن فى منطقة حيوية

[sherifboo]

احسن حاجة تحافظ على دهان العربية الوتر بروف الخفيف علشان بيحميها من الشمس ومن الاطفال وحتى التراب
اللى بيدخل تحت الغطا بيبقى التراب الناعم .. لو العربية اتعملت بالريشة حتبقى بتلمع
عيبه الوحيد انه بيتقطع بسرعة بالذات لو بتركن فى منطقة حيوية

ودة ده رنج سعره كام اخي الكريم

[amr.elsayed]

هو فيه منه اسعار كتير عند بتوع الغطيان .... وانا لما جيبته كان معانا فى قسم رينو عضو اسمه هانى شاتو الله يمسيه بالخير
وكان جايب لنا عرض من شركة اسمها توب كافر وكان سعره 150 جنيه بس هو دلوقتى اغلى طبعا
بس بامانة كان غطا تحفة وفيه حزام بيلف من تحت العربية علشان ميطيرش
دة غير انه متفصل على العربية والمرايات بالظبط وفيه سوست فى الاجناب علشان لو عايز تفتح باب ماتشيلش الغطا كله
وبيجى فى شنطة انا ممكن ادفع فيها ال 150 بصراحة هو جميل جدا ويستاهل سعره ربنا يكرمه بقى هانى كان ظبطنا فى الموضوع دة وجابلنا العرض دة
على فكرة هم ليهم سايت على النت ممكن تعمل عليهم سيرش فى جوجل وتتصل بيهم تسال على سعر الغطا كام حاليا
.....................
لكن لو مستغلى سعره ممكن تلاقى حاجات شبهه برة بس طبعا مش زيه وبيبدأ سعره من 60 جنيه وانت طالع على حسب الخامة والتفصيل

[sherifboo]

هو فيه منه اسعار كتير عند بتوع الغطيان .... وانا لما جيبته كان معانا فى قسم رينو عضو اسمه هانى شاتو الله يمسيه بالخير
وكان جايب لنا عرض من شركة اسمها توب كافر وكان سعره 150 جنيه بس هو دلوقتى اغلى طبعا
بس بامانة كان غطا تحفة وفيه حزام بيلف من تحت العربية علشان ميطيرش
دة غير انه متفصل على العربية والمرايات بالظبط وفيه سوست فى الاجناب علشان لو عايز تفتح باب ماتشيلش الغطا كله
وبيجى فى شنطة انا ممكن ادفع فيها ال 150 بصراحة هو جميل جدا ويستاهل سعره ربنا يكرمه بقى هانى كان ظبطنا فى الموضوع دة وجابلنا العرض دة
على فكرة هم ليهم سايت على النت ممكن تعمل عليهم سيرش فى جوجل وتتصل بيهم تسال على سعر الغطا كام حاليا
.....................
لكن لو مستغلى سعره ممكن تلاقى حاجات شبهه برة بس طبعا مش زيه وبيبدأ سعره من 60 جنيه وانت طالع على حسب الخامة والتفصيل

10000 شكر لحضرتك بس انا معايا stepway وميتهيألي كده ان من المستحيل الاقي المقاس المظبوط ..هل ممكن غطا الماتريكس ييجي عليها اصل بحس انهم نفس الابعاد و شكرا ليك مرة تانية

[amr.elsayed]

العفو يا باشا على ايه .. بس نصيحتى لحضرتك انك وانت بتشترى الغطا تكون العربية معاك علشان تقيس الغطا على العربية
لكن لو حاولت تجيبها بالتقدير ممكن يطلع واسع او ضيق فا لازم تكون عند الراجل بالعربية

[georgedada82]

ده السايت وانا بفكر فعلا اطلب واحد
Top Cover Egypt

[S O P H O S]

الغطاء حماية طبعا
وكله هيلم تراب

ولكن تراب افضل من اشياء اخري كثيرة

[ahmad--ezzat]

الغطا ب 120 في كارفور ...وطبعا بيسبب ضرر نفسي لما تنزل وتلاقيه مش موجود :-):-):-)

[amirboulos]

هو طبعا الغطا حماية بس اللي انا اقصده ان فرده ولمه كل يوم علي العربيه بيحك في الدهان وبيأثر علي لمعه العربيه فاللي كنت بسأل عليه هو نوعيه تكون ناعمه علشان تأثيرها يبقي خفيف علي المدي البعيد

[dr.eslam]

الغطا الووتربرووف المبطن جميل ...
والتراب اللي بيعدي منه بسيط
بس نصيحة قبل ما تحطه ع العربية اكتب عليه اي حاجة بالبوية
نمرة العربية مثللا ... لانه بيتسرق ويتباع هوا

[mo_x5]

هو فيه منه اسعار كتير عند بتوع الغطيان .... وانا لما جيبته كان معانا فى قسم رينو عضو اسمه هانى شاتو الله يمسيه بالخير
وكان جايب لنا عرض من شركة اسمها توب كافر وكان سعره 150 جنيه بس هو دلوقتى اغلى طبعا
بس بامانة كان غطا تحفة وفيه حزام بيلف من تحت العربية علشان ميطيرش
دة غير انه متفصل على العربية والمرايات بالظبط وفيه سوست فى الاجناب علشان لو عايز تفتح باب ماتشيلش الغطا كله
وبيجى فى شنطة انا ممكن ادفع فيها ال 150 بصراحة هو جميل جدا ويستاهل سعره ربنا يكرمه بقى هانى كان ظبطنا فى الموضوع دة وجابلنا العرض دة
على فكرة هم ليهم سايت على النت ممكن تعمل عليهم سيرش فى جوجل وتتصل بيهم تسال على سعر الغطا كام حاليا
.....................
لكن لو مستغلى سعره ممكن تلاقى حاجات شبهه برة بس طبعا مش زيه وبيبدأ سعره من 60 جنيه وانت طالع على حسب الخامة والتفصيل

بما ان حضرتك جربت الغطا ده ممكن اعرف هو مع الوقت بيشقق من الشمس و لا لاء علشان انا اتصلت بيهم و قالو ان فيه منه نوع خفيف ب 250 جنيه و النوع التقيل ب 350 جنيه ...طبعا السعر غالى اوى بس لو هيعيش معايا يبقى الواحد يضحى .....كمان ايه اللى ممكن نعمله علشان نجيب اوفر زى اللى حضرتك قولت عليه قبل كده

و اللى عرفته عن النوع ده انه بيعزل الحراره عن العربيه.