المرايا كالعادة

[drwaelhassan]

إزيكو يا شباب - النهاردة الحمد لله المرايا اليمين خبطت فى عربية نقل - المهم هى سابت من مكانها خالص و الزجاج الحمد لله ما اكسرش.
المهم لما رحت الشغل و احد صحبى فك المرايا لقى فيها حتة بلاستيك اتكسرت و السوستة بتاعت المرايا اللى بتمسك الدراع إتفكت عشان كانت بتلبس فى حتة البلاستيك اللى اتكسرت . المهم حاولنا كتير اننا نوصل السوستة بأى مكان تانى منفعش عشان طول السوستة، بعد كدة طولنا السوستة شوية و شبكناها فى مكان تانى و مسكت الحمد لله و ثبتت بس بقى فيه فراغ نتيجة الطول فمبخليش المرايا توصل و تمسك فى أخر الذراع زى الأول و مش ماسكة قوى.

رحت لواحد فى صقر قريش قالى سيبهالى يومين عشان لازم نخرط الحتة اللى اتكسرت بس شكله مكنش فاهم حاجة.

الحمد لله جربت الكهرباء شغالة مفهاش مشكلة.

رأيكم إيه أسيبها كدة و لا أركب واحدة جديدة ؟ و هى ثمنها كام و مين اللى بيركبها؟؟؟

[blackhorse123]

الموضوع ده كان بيتكلم عن مرايات اللوجان ممكن تستفاد منه

http://www.nilemotors.net/Nile/284592-a.html

[Egyzizo]

طالما البديل تشترى واحدة جديدة ، يبقى مش هتخسر حاجة لما تسيبه يجرب.

[akerima]

تصليح المرايا من اسهل ما يمكن حاول تدور علي واحد بيصلح مرايات يكون نضيف

للاسف لو كنت من اسكندرية كنت دليتك علي واحد كويس

[halem0000]

تصليح المرايا من اسهل ما يمكن حاول تدور علي واحد بيصلح مرايات يكون نضيف

للاسف لو كنت من اسكندرية كنت دليتك علي واحد كويس

باشا أنا بلدياتك من إسكندريه ياريت تدلني عليه ينوبك ثواب

[drwaelhassan]

متشكرين يا شباب على ردكم

[akerima]

باشا أنا بلدياتك من إسكندريه ياريت تدلني عليه ينوبك ثواب

في الازريطه جنب الناس بتاعة المرسيدس - انا للاسف مش عارف اسمة ايه بس حتلاقية في الشارع اللي مابين حوده جندل والشارع بتاع مزروعة

[emadm]

انا كان عندى نفس المشكله لا خرط ولا حاجه هى زى ما قلت توصل السوسته وبعدين انت وبتخل مجموعه المرايه خد بالك ليها عدله هى دى اللى عامله الفرق تلاقى المجموعه مش داخله وبايته صح

[El.Hossieny]

يا رجالة انا عندي نفس المشكلة بتاعت صاحب الموضوع بالظبط .... و كنت عايز اعرف عشان افك المراية اشوف ايه اللي اتكسر جوه بالظبط ...لازم افك فرش الباب الداخلي ؟ و هل ممكن افكه بنفسي

[drwaelhassan]

انا كان عندى نفس المشكله لا خرط ولا حاجه هى زى ما قلت توصل السوسته وبعدين انت وبتخل مجموعه المرايه خد بالك ليها عدله هى دى اللى عامله الفرق تلاقى المجموعه مش داخله وبايته صح

المشكلة ان فى حتة بلاستيك اتكسرت اللى كانت بتشبك فيها السوستة فوصلتها بحتة تانية أطول فكان لازم أطول السوستة شوية فعملت الفرق ده.

[drwaelhassan]

يا رجالة انا عندي نفس المشكلة بتاعت صاحب الموضوع بالظبط .... و كنت عايز اعرف عشان افك المراية اشوف ايه اللي اتكسر جوه بالظبط ...لازم افك فرش الباب الداخلي ؟ و هل ممكن افكه بنفسي

لو نفس المشكلة - شيل بس زجاج المرايا بس براحة عشان مايتكسرش و عشان وصلات الكهرباء اللى فيه بس مرة تانى براحة جدا.
بعد كدة شيل وصلتين الكهرباء من الزجاج عشان توسع عليك و تشوف و تتحكم فى المرايا كلها - هتلاقى فى سوستة مفروض بتتعلق فى خطاف من ناحية العربية و بقطعة بلاستيكة فى أخر المرايا من الناحية التانية يبقى حظك حلو لو مافيش حاجة اتكسرت هتوصلها بس عايزة عضلات جامدة عشان محتاجة شد - انا للأسف معرفتيش أشدها جامد فطولت السوستة شوية فعملت فرق.
بعد كدة ترجع وصلتين الكهرباء و تجرب كهرباء المرايا و تثبت الزجاج و ربنا معاك.

[nono533223]

السلام عليكم انا كان عندي نفس المشكلة و صلحتها عند سيد فيبر في الازاريطة بيصب الحتة البلاستك و يركب سلك بدل اللي اتقطع