تكييف اللوجان

[batmancib]

السلام عليكم
انا معايا لوجان 2012 عامله 2400 كيلو لما كنت بشغل التكييف وانا بجرى مكنش بيبقى فبيه مشكله بس انهارده شغلته و هديت ومشيت على التانى او الاول بلاقى العربيه بتترجرج بطريقه غريبه ؟ انا كنت قريت ان فى ناس عندها نفس المشكله وقالوا انها بسبب ضغط الفريون هل لو شغلت لتكييف كتير ممكن بعد فتره تتحل والا لازم اوديها التوكيل عشان يفرغوا الفريون ويشحنوا من جديد؟

وحاجه تانيه بعد اذنكم بحس ان الفرامل ضعيفه هل ممكن اروح التوكيل يشدها شويه لانى لما بهدى قبل اى مطب لازم اضغط فرامل جامد كأنى قربت اوقف العربيه خالص اساسا

فى انتظار ردودكم ان شاء الله

سلام عليكم

[blackhorse123]

اخى الكريم مشكله التكييف ايوه فعلا لازم تروح التوكيل علشان ممكن المشكله بتيجى وتروح

مشكله الفرامل هى كده فرامل اللوجان ده العادى ومع التعود عليها هتعرف امتى تضغط براحه وامتى هتضغط جامد

انا كان عندى نفس المشاكل التكييف اتصلح مع التوكيل والفرامل اتعود عليها وكل ما تمشى العربيه اكتر وكل ما تدوس فرامل اكتر الفرامل هتتظبط وحدها ................ لا تقلق

[akerima]

نصيحة ما تقللش الفيريون لو التكييف مش ماثر علي ماتور العربية (الماتور مابيبرجلش) - والرجه او الهزه او الفايبريشن اللي انت حاسس بيه دا السرعه التانيه بتاعة مروحة التبريد بس عشان لسة العربية جديدة لما المروحة بتشتغل علي السرعة التانيه بتسبب الفيبريشن دا

مش حتحس بيها تماما بعد ال 20000كيلو

[akerima]

نسيت كمان اقولك ان الفرامل بيتعملها رجلاش في التيل الخلفي لما تروح التوكيل باذن الله في اي وقت بتبقي افضل كتير

[amriar]

هو ليه في مشكله الفريون ولا التكييف دي كتير كدا ؟؟؟ حد عارف السبب وهل بعد ما تتصلح في التوكيل مش ها ترجع تاني المشكله دي ؟ وهل موجوده في عربيات تانيه ولا اللوجان بس.. انا ماشي من غير تكييف اليومين الحر دول لغايه ما اروح التوكيل اضبطها و عايز اقولكم بدات اتخنق من العربيه الزيرو اللي جايه عشان التكييف اصلا

[a_nbm]

الفريون بيكون جاي من المصنع مشحون زياده عشان التخزين
لازم التوكيل يظبطه

[batmancib]

اشكر الجميع على الرد وفعلا مش عارف ليه مشكله التكييف دى عند كل الناس تقرييبا اللى معاها لوجن ولازم تظبيط العربيه كويسه جدا بس فيها شويه عيوب تقفيل مش فاهم ليه مرعوش ربنا فيها وريحونا من الاشتغالات الكتير دى

[adel_edrees]

أنا عندى نفس المشكلة و روحت للتوكيل مرتين لحد دلوقتى و مش لاقى ليها ل

[شارلي شابلن]

التكيف هو الشكوي الرئيسيه من اللوجان خصوصا وهي لسه زيرو المفروض التوكيل يكون اخد باله من النقطه دي

[dr_mustafa_ali]

المشكلة عندي ورحت التوكيل وقالوا انهم عملوا ضبط للتكييف وزي ما هيه