النجدة يارجالة لوجان..بتفصل عند المطبات ايه الحل؟؟؟؟؟؟؟؟؟؟

[ali_333]

بعد اما البطارية االاصلية باظت اشتريت وحدة جديدة وركبتها والعربية بقت تمام

بعدها بكام يوم وانا ماشي عادي عند المطب بهدي السرعة تقوم العربية تفصل اقوم مدورها تاني

واعدي المطب كل اما اهدي عند مطب ولا عشان الزحمة العربية تفصل واقوم مدورها تاني

ده ايه بالظبط؟ طقم كهربا ولا ايه؟

العربية 2010
68 الف كيلو

فاضل شوية عشان صيانة ال 70 الف

[ali_333]

افيدوني ي ي ي ربنا يكرمكم

[Egyzizo]

أنا مش عارف ايه السبب ، بس افتكر انها حصلت مع حد معانا وكانت مشكلة بسيطة.
أكيد هييجى اللى يطمنك.

[ali_333]

ألف شكر ياباشا

الواحد تعب المشاكل حتبدأ تظهر زي العربيات القديمة ولا ايه

[ali_333]

الووووووووووووووووو ياجدعان انتو فين

اين الخبراء

[a_nbm]

حاول تعمل سيرش في المواضيع القديمه اكيد هتلاقي الحل

[a7madahly]

يعنى هيا بتفصل فى المطبات بس؟؟؟ يعنى مش فى السلانسيه او لو هى ولقفه وشغاله؟؟
لو مطبات بس حصلت معاك كام مره؟؟؟

[ahmedsrs]

اعمل ايديل لرننج افتح واقفل الكونتاكت اربع مرات وفى المرة الرابعة دور وزود الاحمال يعنى شغل النور العالى والتكييف لمدة دقيقة

[ali_333]

يعنى هيا بتفصل فى المطبات بس؟؟؟ يعنى مش فى السلانسيه او لو هى ولقفه وشغاله؟؟
لو مطبات بس حصلت معاك كام مره؟؟؟

لو العربية واقفة تمام وكمان بشغل الانوار العالية والتكييف وتمام مفيش حاجة

اما امشي مشوار نص ساعة تبدأ تعمل الحركة ده وتفصل عند تهدئة السرعة

لحد دلوقتي في مشوارين واحيانا متعملش حاجة .بس قلقان لتكون بداية وانا عاوز انزل وسط البلد

وتبقى مشكلة لو فصلت وسط الزحمة وبهدلة

[ali_333]

اعمل ايديل لرننج افتح واقفل الكونتاكت اربع مرات وفى المرة الرابعة دور وزود الاحمال يعنى شغل النور العالى والتكييف لمدة دقيقة

مفيش مشكلة والعربية واقفة طبيعية جدا ومفيش مشاكل

المشكلة اما اهديء السرعة عند مطب مثلا بشيل رجلي من البنزين الاقيها فصلت

لازم افضل دايس عالبنزين عشان العربية متفصلش

[halem0000]

باشا من الآخر عشان متحيرش نفسك إطلع على التوكيل فوراااااااا

[shawkylotfy]

العربية فى الضمان روح التوكيل وهما يتعاملوا فيها

[Egyzizo]

طيب ، طالما ماحدش سعفك ، ممكن أفتى أنا .. أعتقد ان الموضوع له علاقة ببوابات الهوا ، وانها عايزة تنضيف أو تغيير لأن العربية طالما بتبطل لما بتهدى فى المطبات يبقى ده بيحصل لما بتشيل رجلك من على البنزين، فالموضوع له علاقة بالبوابات.

[ali_333]

ألف شكر يارجالة

ماهي البوابات يا ايجي زيزو؟ حاجة متعلقة بالكهربا ولا ايه؟ وكم تكلفة البوابات ده؟

[خالد]

طيب ، طالما ماحدش سعفك ، ممكن أفتى أنا .. أعتقد ان الموضوع له علاقة ببوابات الهوا ، وانها عايزة تنضيف أو تغيير لأن العربية طالما بتبطل لما بتهدى فى المطبات يبقى ده بيحصل لما بتشيل رجلك من على البنزين، فالموضوع له علاقة بالبوابات.

+1111111111111
حصلت معايا فى الماروتى ونضفت البوابات فعلاً وظبطت الكربراتير وبقيت تمام التمام
ربنا يصلحلك الأحوال