هاااااااام جدا للسادة خبراء اللوجان

[tarek21468]

لسادة ملاك و خبراء اللوجان الكرام
انا معايا لوجان 2012 بلاك لاين مانيوال عاملة حوالي 900 كم دلوقتي
مشكلتي انة علي السرعة المنخفصة يعني علي الاول و الثاني غالبا لازم ادوس علي الدبرياج و الا العربية ترجرج بشدة
انا خايف تكون مشكلة في الموتور و لا دة الطبيعي ؟؟
و شاكر افضال من سيقوم بالرد

[blackhorse123]

اللى اعرفه انك لازم تدوس على الدبرياج ما دام سرعه العربيه بقيت بطيئه

علشان العربيه ما تطفيش منك ولا ترجرج

انا اعتقد ان ده عادى

وفى اخوه اعلم منى فى هذا الموضوع ان شاء الله هيردوا عليك

[dr_mustafa_ali]

طبيعي ديه عربية مانيوال مش اوتوماتك ... لو ما دستش ديبرياج هترجرج ثواني وبعدين الار بي ام يعلى لوحده وتمشي عادي من غير حتى ما تدوس على بنزين

[amrelzawawy]

انا فى راى عشان الار بى ام للعربيه متظبط على عدد لفات 60 اللى هو قبل رقم واحد ده منخفض شويه عن باقى العربيات الثانيه فلو الدبرياج مش مظبوط عالى شويه تعمل رجرجه منك انا كانت عندى فى طلعة الاول وظبطتها فى التوكيل بالدبرياج وطوه شويه ....حطها عندك فى ملاحظاتك بعد ما تكمل الالف رحلهم من غير حجز ولا يحزنون زى ما عملت بس بدرى قلهم اللى لقيته ...انا عن نفسى عملت كده من سنتين

[hzem]

صح لازم تدوس علي الأخر علشان العربية ماتفصلش لاني نقطة فصل الدبرياج منخفضة في العربية و ده لازم تدوس لأخر علشان تفصل الغيار

[lord777]

بتحط بنزين نوعيه ايه
80 و لا 90
80 بيعمل كده