كومبرسور التكييف بيفصل

[mo_x5]

انهارده لاحظت حاجه غريبه اوى ...كومبرسور التكييف بيقعد يفصل كل ثانيتين تقريبه و يشتغل تانى

حد من الاعضاء عنده فكره المشكله دى ممكن تكون ايه (السينسور مثلا او الكومبرسور نفسه او الكهربا اللى واصله ليه )؟ و لا دى مش مشكله اصلا
و طبعا مع كل فصله ال ار بى ام بيقعد يعلى و يتنزل كل ثانيتين و ده بيسبب برجله فى العربيه و انا ماشى

عربيتى لوجان اتوماتيك عامله 4500 كيلو.

[lord777]

انت طبيعى رايح صيانة 5000 روح دلوقت و قولهم على المشكلة بسرعة قبل ما تكبر

[mohamed1979]

مفيش مشكله ان شاء الله
الموضوع ببساطه ان الفريون محتاج يتظبط فى التوكيل و الموضوع مبياخدش اكتر من 10 دقائق
الموضوع ده بيحصل فى الحر الشديد اوى

[mo_x5]

انا متشكر ليكم جدا على ردودكم
انا فعلا هقولهم عليها فى التوكيل علشان انا كده كده رايح قريب علشان الصيانه ....

استاذ (mohamed1979) حضرتك تقصد انه محتاج شحن فريون ؟ مع العلم ان التبريد كويس جدا ...بس طبعا انا خايف من كتر الفصل و التشغيل فى الوقت القصير ده ان الكومبرسور يتحرق.

[ahmednm21]

نفس المشكلة

حصل معايا نفس الموضوع ورحت التوكيل وقالى ده شحنت التكيف عايزهه تتظبط علشان بتبقى عالية فهو ده الى بيخليها تفصل -- المهم بعد معملتها بكام يوم لاقيت العربيه اسواء من الاول بقيت لما باجى اهدى فى مكان زحمه بالزات وخاصة فى عز الظهر يعنى فى الحر احس انها هاتنط وتخبض فى العربية الى قدامى فلسه عايز اروح تانى التوكيل اشوف هاببولى ايه فى العربيه بس ظروف الشغل ... كنت رايح بمشكلة صغيره بقت كبيره ... على فكره ده توكيل العبور

فنصيحه أكد عليهم علشان يظبطوه صح من اول مره

[mohamed1979]

انا متشكر ليكم جدا على ردودكم
انا فعلا هقولهم عليها فى التوكيل علشان انا كده كده رايح قريب علشان الصيانه ....

استاذ (mohamed1979) حضرتك تقصد انه محتاج شحن فريون ؟ مع العلم ان التبريد كويس جدا ...بس طبعا انا خايف من كتر الفصل و التشغيل فى الوقت القصير ده ان الكومبرسور يتحرق.

لأ طبعا الفريون موجود بس كتير فمع الحراره الشديده بيتمدد فى المواسير بيحتاج ان يققل الضغط داخل الدوره بنسبه صغيره و بيشتغل الكمبرسور بصوره طبيعيه

مؤقتا قلل مؤشر الحراره درجتين حتلاقى الموضوع اتظبط

[mo_x5]

حصل معايا نفس الموضوع ورحت التوكيل وقالى ده شحنت التكيف عايزهه تتظبط علشان بتبقى عالية فهو ده الى بيخليها تفصل -- المهم بعد معملتها بكام يوم لاقيت العربيه اسواء من الاول بقيت لما باجى اهدى فى مكان زحمه بالزات وخاصة فى عز الظهر يعنى فى الحر احس انها هاتنط وتخبض فى العربية الى قدامى فلسه عايز اروح تانى التوكيل اشوف هاببولى ايه فى العربيه بس ظروف الشغل ... كنت رايح بمشكلة صغيره بقت كبيره ... على فكره ده توكيل العبور

فنصيحه أكد عليهم علشان يظبطوه صح من اول مره

انا فعلا هو ده اللى بيحصل معايا ...فى الزحمه بحس ان العربيه بتنط و ده نتيجه ان الكومبرسور بيشتغل فا ال ار بى ام بيعلى و بالتالى العربيه اكنها هتمشى

[mo_x5]

لأ طبعا الفريون موجود بس كتير فمع الحراره الشديده بيتمدد فى المواسير بيحتاج ان يققل الضغط داخل الدوره بنسبه صغيره و بيشتغل الكمبرسور بصوره طبيعيه

مؤقتا قلل مؤشر الحراره درجتين حتلاقى الموضوع اتظبط

شكرا للافاده ...هقولهم على الموضوع ده فى الصيانه الجايه ان شاء الله و هبلغكم ايه اللى حصل