مفصلة باب اللوجان

[akram87]

السلام عليكم يا جماعه , ليه تجربه مع مفصلة الباب الأمامي شمال ....أنا لسه جايب العربيه وعاملة معايا 2000 كيلو في يوم وانا مروح بفتح الباب سمعت صوت طقطقه ....بعد الفحص لقيت مسمار مفصلة الباب في الناحيه اللي ماسكه في جسم العربيه عايز يتربط والمفصله رايحه جايه بتعمل الصوت ده ...بالإضافه ان المسمار ده لو فضل كده حيفك زياده وممكن يتقطم......المسمار راسه بتتربط بـألن نجمه مقاس t40 ربطه بنفسي وتأكدت من ربط جميع المسامير في بقية الأبواب وفعلا كانت كلها عايزة ربط ......طبعا اللي مش عارف ايه الن نجمه هو عباره عن أداه على شكل حرف l نهايتها على شكل نجمه ....سعر الطقم بحاله حوالي 20 - 25 جنيه من عند أي واحد بتاع عدد

يارب أكون أفدتكم يا جماعه شكراااااااا :)

[dr_mustafa_ali]

شكرا على الاضافة

[ahmedeg1]

كانت عندى و ربطها و شحمتها كمان

[akram87]

الله ينور ياباشا.....أنصح حضرتك بالشحم الأبيض

[blackhorse123]

كانت عندى نفس المشكله وعملتها فى التوكيل