طرق العناية بالتابلوه

[عاوز عربية]

انا ليسا جايب لوجي الجميلة من اسبوع وطاسة بتاعة العجل واحدة منهم ضاعت نفس يوم ماشتريتها حد يعرف اجيب منين طاسة واحده بس في القاهره؟؟؟؟؟ وكمان عاوز اعرف طرق العناية بالتابلوه وفرش العربية عشان بعيد عنكم التراب مبيهزرش وانا ليسا مشغلتش التكييف عشان معملتش الالف بتوع التليين سامحوني عالاسئله اصل اخوكم جديد عالزيرو ده:b4_033:

[ahmed_m_ashraf]

مبروك ياباشا

معلش مش هافيدك فموضوع الطاسة لأني من إسكندرية
بالنسبة للتابلوه, فيه منظف أرمور أول اوريجينال (ArmorAll Original) ده بينظف وبيدي لمعة طبيعية مش مبالغ فيها, عشان كده إسمه أوريجينال, وده موجود على شكل زجاجة ببخاخ صغيرة أو كبيرة أو على شكل سفنجة مبلله زي بتاعت تلميع الأحذية كده, وإنت براحتك بقى.

بالنسبة للتليين, تقدر تشغل التكييف عادي, بس مش طول الوقت أو لو محمل ناس كتير فى العربية, لاكن مش ممنوع. إنت بس متمشيش أسرع من ١٢٠ أو ١٣٠ كم ومتخليش ال RPM يعدي ال ٣ أو ٣,٥ وده إللى بينصح بيه الوكيل وكمان كتيب الصيانة إللى بيجي مع العربية من المصنع, التليين دلوفتى إختلف عن زمان يابرنس.

[عاوز عربية]

مبروك ياباشا

معلش مش هافيدك فموضوع الطاسة لأني من إسكندرية
بالنسبة للتابلوه, فيه منظف أرمور أول اوريجينال (ArmorAll Original) ده بينظف وبيدي لمعة طبيعية مش مبالغ فيها, عشان كده إسمه أوريجينال, وده موجود على شكل زجاجة ببخاخ صغيرة أو كبيرة أو على شكل سفنجة مبلله زي بتاعت تلميع الأحذية كده, وإنت براحتك بقى.

بالنسبة للتليين, تقدر تشغل التكييف عادي, بس مش طول الوقت أو لو محمل ناس كتير فى العربية, لاكن مش ممنوع. إنت بس متمشيش أسرع من ١٢٠ أو ١٣٠ كم ومتخليش ال RPM يعدي ال ٣ أو ٣,٥ وده إللى بينصح بيه الوكيل وكمان كتيب الصيانة إللى بيجي مع العربية من المصنع, التليين دلوفتى إختلف عن زمان يابرنس.

الف شكر لاهتمامك بس موضوع تشغيل التكييف ده ناس كتيير حذرتني منه قالولي بعد 1000 ك وحتى في الموقع هنا اكثر من حد قال نفس الكلام وقالولي حتى لو التوكيل قالك شغل تكييف متشغلش

[ahmed_m_ashraf]

الكلام ده مضبوط عموما ومعروف ومتوارث عشان كده هتلاقى الكل بيقولهولك. لكن دلوقت فيه مواتير بيتعملها تليين جزئي في المصنع ومنها الرينو عشان كده موضوع اال ١٠٠٠ كم الأولى بيقتصر على تليين العربية ككل, يعني عفشة وفرامل بالإضافة لما تبقى للموتور من تليين. عشان كده كتالوج صيانة العربية بيوصي بتغيير الزيت كل ١٠٠٠٠ كم مش فى أول ١٠٠٠ زي ما ناس كتير متعوده وعارفة.

الكلام ده موجود في كتالوج صيانة العربية الأصفر إللى حضرتك بتشتلمه مع العربية وده مش التوكيل إللى بيطبعة ده إللى بتوصي بيه الشركة الأم على مستوى العالم, والتوكيل بيأكد الكلام ده, ده بس عشان لو في ناس بتشكك فى التوكيل إنه بيقول أى كلام مثلا. مفيش تغيير زيت أول ١٠٠٠ كم, التغيير على ١٠٠٠٠ على طول, السرعة لاتزيد عن ١٣٠ كم ولفات الموتور لا تزيد عن ٣٥٠٠ لفة وده لأول ١٠٠٠ كم فقط, لاحد جاب سيرة التكيف ولا أي شئ آخر.

متقلقش ياباشا, أكيد إحنا مش حنفهم في العربية أكتر من إللى مصنعنها, ولو الموضوع قالقك بلاش تشغلة, بس أنا بقولك عشان اليومين دول حر وحرام تحرم نفسك من التكييف بدون داعي.

[عاوز عربية]

الكلام ده مضبوط عموما ومعروف ومتوارث عشان كده هتلاقى الكل بيقولهولك. لكن دلوقت فيه مواتير بيتعملها تليين جزئي في المصنع ومنها الرينو عشان كده موضوع اال ١٠٠٠ كم الأولى بيقتصر على تليين العربية ككل, يعني عفشة وفرامل بالإضافة لما تبقى للموتور من تليين. عشان كده كتالوج صيانة العربية بيوصي بتغيير الزيت كل ١٠٠٠٠ كم مش فى أول ١٠٠٠ زي ما ناس كتير متعوده وعارفة.

الكلام ده موجود في كتالوج صيانة العربية الأصفر إللى حضرتك بتشتلمه مع العربية وده مش التوكيل إللى بيطبعة ده إللى بتوصي بيه الشركة الأم على مستوى العالم, والتوكيل بيأكد الكلام ده, ده بس عشان لو في ناس بتشكك فى التوكيل إنه بيقول أى كلام مثلا. مفيش تغيير زيت أول ١٠٠٠ كم, التغيير على ١٠٠٠٠ على طول, السرعة لاتزيد عن ١٣٠ كم ولفات الموتور لا تزيد عن ٣٥٠٠ لفة وده لأول ١٠٠٠ كم فقط, لاحد جاب سيرة التكيف ولا أي شئ آخر.

متقلقش ياباشا, أكيد إحنا مش حنفهم في العربية أكتر من إللى مصنعنها, ولو الموضوع قالقك بلاش تشغلة, بس أنا بقولك عشان اليومين دول حر وحرام تحرم نفسك من التكييف بدون داعي.

ألف شكر يا باشا وانا عملت بنصيحتك واديتها تكييف واللي يحصل يحصل بقا في الاول كان ضعيف شويه ومبرجل العربيه بس بعد كده الحمد لله وبسم الله ماشاء الله كله بقا تمام بس صوت الموتور علي شوية بس عادي مش مزعج :w_030::w_030: