هل الملاحظات دى عادية؟؟

[gamela]

السلام عليكم
الفرامل عندى اول ماادوس عليها العربية بتاخد فترة عقبال ماتقف استجابة الفرامل بطيئة يعنى لازم من فترة ابتدى اهدى العربية موديل 2010 عاملة 5600 كيلو الرقم صح العربية مش بتتحرك ياما والموضوع ده ظهر اول ماوصلت لل 5000 كيلو و مفيش صوت صفارة عند الدوس على الفرامل وكل الصيانات المطلوبة معمولة فى التوكيل
هل ده تيل فرامل؟؟
بلاحظ سخونة جامدة لدرجة انcd بيبق سخن جداً وهو طالع من الكاست وانا مركبة العازل فى التوكيل ودرجة الحرارة عندى اربع شرط
بلاحظ صوت العربية بيق عالى وفى رجة مع بداية تشغيل التكييف وبعدين بتروح
السنتر شغال كويس فتح وقفل فى كل الابواب بس فى باب الاوكرة من برة مش بيفتح يفتح من جواه وساعات بلاقه شغال عادى
هل الملاحظات دى عادية فى العربية؟؟
مع الشكر

[amr.elsayed]

السلام عليكم
الفرامل عندى اول ماادوس عليها العربية بتاخد فترة عقبال ماتقف استجابة الفرامل بطيئة يعنى لازم من فترة ابتدى اهدى العربية موديل 2010 عاملة 5600 كيلو الرقم صح العربية مش بتتحرك ياما والموضوع ده ظهر اول ماوصلت لل 5000 كيلو و مفيش صوت صفارة عند الدوس على الفرامل وكل الصيانات المطلوبة معمولة فى التوكيل
هل ده تيل فرامل؟؟

وعليكم السلام ورحمة الله وبركاته
لا اعتقد انه تيل فرامل دة ان شاء الله يكون لسة بخيره وجديد لان 5000 كيلو دة قليل جدا انه حتى ياثر على التيل
بالنسبة لمشكلة حضرتك هى حالة من اتنين اما ان حضرتك محتاجة تتعودى عليها اكتر او فعلا محتاجة ظبط
موضوع التعود مع انه صعب شوية لانك معاكى العربية من فترة كبيرة لكن دواسة اللوجان معروف
ان بيكون فيها بوش بمعنى فى جزء فى الدواسة تاثيره ضعيف اوى ودة انا بستخدمه شوية
المهم ان حضرتك تتعودى ان اول دواسة الفرامل بدايتها بعد ربع شوط الدواسة
دة بالنسبة للتعود وانا مستبعده
.........
بالنسبة للسبب التانى وهو الاحتمال الاكبر ان فعلا الفرامل محتاجة ظبط
حضرتك حتروحى التوكيل وحتقوليلهم الاتى
حتشتكى من ضعف الفرامل ... وحتقولى حاجة مهمة انك عايزة تعملى رجلاش لفرامل اليد
وتعرفيه انك جربتى عربية لوجان تانية وان الفرامل فيها كانت اقوى ولما سالتى صاحبها قالك انهم فى التوكيل
عملوا رجلاش لفرامل اليد .. كل دة حتقوليه لمهندس الاستقبال وهم حيظبطولك كل حاجة ان شاء الله
.............................................

بلاحظ سخونة جامدة لدرجة انcd بيبق سخن جداً وهو طالع من الكاست وانا مركبة العازل فى التوكيل ودرجة الحرارة عندى اربع شرط

طبعا دى مشكلة عامة فى معظم اللوجان وبتفرق الحقيقة بين شخص والتانى فى الاحساس بيها
ومعظم السيدات بيحسوا بيها .... طبعا احنا عارفين المكان اللى بيطلع منه السخونية وهو مواسير التكييف الساخن
طبعا هنا الاعضاء مشكورين عملوا حل انهم يعزلوا الماسورة ذات نفسها ويلفوا عليها خرطوم عازل
للحرارة و حدور لحضرتك على الموضوع وممكن حد ثقة يركبه خارج التوكيل
عايز اقول ان مافيش خطورة على الكاسيت من الحرارة دى لانها مش درجة عالية كبيرها مع الوقت ممكن تاثر
على السيديهات التعبانة اللى موجودة فى السوق بالذات السيديهات الصينى لكن لو سيدى اصلى او اوريجينال صعب يبوظ من شوية الحرارة دول

بلاحظ صوت العربية بيق عالى وفى رجة مع بداية تشغيل التكييف وبعدين بتروح

هى الجزئية دى موجودة بالذات لما مروحة التكييف تكون شغالة والكمبريسور و بالذات اكتر لما مروحة الريديتير تشتغل مع كل دول
كل الحجات دى لما بتشتغل مع بعض بتحسى برجة فى العربية ودة طبيعى
لكن انا الموضوع قل عندى بشكل كبير لما غيرت البطارية وغيرتها ببطارية ذات امبير اعلى من البطارية الفبريكة
الحقيقة انا ما عنديش تفسير او علاقة بين الرجة والبطارية لكن دة فعلا حسيت بيه وواجب عليا ان انبه للنقطة دى
ممكن حضرتك تروحى لحد بتاع بطاريات يكون ثقة يقيس كفاءة البطارية بالجهاز ويشوف القراية بتاعتها كام لو اعلى من 9 تبقى كويسة لو اقل تبقى قربت تشيع ومحتاجة تتغير
طبعا عدد كيلوات حضرتك قليل لكن لاحظى انها بطارية الفبريكة وممكن تكون بتتركن فترات طويلة ودة ممكن ياثر على البطارية بالسلب
وانصح حضرتك انك تكشفى عليها علشان لو لا قدر الله طلعت مش كويسة يبقى تتغير افضل من انها لا قدر الله تقف منك فى الطريق
ودة حصل معايا يدوب ركنت وجيت ادور تانى ما دارتش وطبعا عملتلها توصيلة واشتريت بطارية تانية فا طبعا حضرتك بلاش تتعرضى لموقف زى دة

السنتر شغال كويس فتح وقفل فى كل الابواب بس فى باب الاوكرة من برة مش بيفتح يفتح من جواه وساعات بلاقه شغال عادى
هل الملاحظات دى عادية فى العربية؟؟
مع الشكر

دة اكيد باب من الابواب الخلفية لان فيه لوك اطفال بيكون عبارة عن لسان صغيرطالع من الباب ودة ساعات اللى بيركب العربية
بيخبط فيه يقوم قافله وهو مش واخد باله يفضل فترة كدة لحد ما حد وهو خارج من العربية يخبط فيه يفتحه
وواضح انه اللسان دة عن حضرتك سايب شوية .. انا لو منك حعمله تخشينة باى حاجة لو لاقيته سايب
او لو لاقيته انه بيتحرك بسهولة لما اى حد بيخبط فيه وحاولى لما حد يجى يركب العربية انه يفتح الباب للاخر
وربنا يبارك لحضرتك فيها ويكفيكى شرها ويعطيكى خيرها

[gamela]

انا متشكرة لحضرتك جداً على ردك على المشاركة وانا كنت اخر مرة طلبت من التوكيل انه يعملى رجلاش لفرامل اليد وفعلاً عملها لانى سوقت فعلاًعربية لوجان تانية لقيت صاحبها عامل لها رجلاش ربنا يباركله فيها ويديه خيرها
المشكلة عندى فى فرامل الدواسة ان شاء الله حاروح للتوكيل فى اقرب فرصة

بالنسبة للباب للاسف الباب اللى من قدام هو اللى فيه التعليق من اوكرة الباب
ولتانية مرة بشكر حضرتك جداً والف مبروك على منسق قسم اللوجان لانك كفء لها
شكراً

[amr.elsayed]

على فكرة رجلاش فرامل اليد بيقوى الفرامل الخلفية ودة بينعكس على اداء الفرامل ككل
.........
وانا اسف افتكرت انك بتشتكى من الباب الخلفى وان شاء الله بسيطة واى حد بتاع ابواب يظبطها بسهولة
وطبعا مع التوكيل يكون افضل علشان وجع القلب بتاع الصنايعية
........
والعفو يا فندم وتحت امرك فى اى استفسار وربنا يحفظلك سيارتك

[S O P H O S]

بصراحة استاذ عمرو قال كل شئ
مفياش حاجة تتقال بعد كلامه
ربنا يباركله
وان شاء الله المشاكل تتحل علي خير ..

[alex_life1989]

موضوع الباب ده عندى برده
بس لما قولتلهم قالولى مفيش حاجة ده العادى

[ahmed_m_ashraf]

أستاذ عمرو، الله يباركلك
ومبروك علينا مشرف قسم اللوجان

[amr.elsayed]

أستاذ عمرو، الله يباركلك
ومبروك علينا مشرف قسم اللوجان

الله يخليك وشكرا لزوقك .. بس توضيح انا مش المشرف انا منسق القسم والمشرفين محدش بيعرفهم

[ahmed_m_ashraf]

الله يخليك وشكرا لزوقك .. بس توضيح انا مش المشرف انا منسق القسم والمشرفين محدش بيعرفهم

.أنا لو من الإداره أخليك أستاذ ورئيس قسم على الإجابة المترتبة دي :-)
شكرا على التوضيح

بس أنا مليش دعوى بقى، عايزين نرتب مقابلة لسكندرانية اللوجان، هي الأقسام التانية أحسن مننا في حاجة؟ هههههه
صباحك زي العسل

[amr.elsayed]

.أنا لو من الإداره أخليك أستاذ ورئيس قسم على الإجابة المترتبة دي :-)
شكرا على التوضيح

بس أنا مليش دعوى بقى، عايزين نرتب مقابلة لسكندرانية اللوجان، هي الأقسام التانية أحسن مننا في حاجة؟ هههههه
صباحك زي العسل

اتقل كله جاى دة احنا حنسوى الهوايل

[matrix_it]

انا نفسى فى مقابلة