ضغط العجل ٤٠

[amirboulos]

يا شباب انا من ساعه ما استلمت العربيه مظبطش ضغط العجل دا من ٣ شهور وانا بحط بنزين قلت ابص علي ضغط العجل بالمره ...فوجئت انه ٤٠ - ٤١ ورا وقدام ...والمفروض ان ضغط العجل اللي قدام يبقي ٢٩ واللي ورا ٣٢ ....يا ريت اللي لسه مستلم يخلي باله ويظبط ضغط العجل

[ahmed_m_ashraf]

تسلم ياباشا .. ضبط ضغط العجل أول ماتستلم من الأساسيات, زي تفويلة البنزين كده.

[lord777]

طبيعى جدا عشان كده المفروض كل فترة نراجع ضغوط الكاوتش

[Ahmed A Rahman]

دانت قعدت 3 شهور ماشي على حجارة

استحملت ازاي ؟؟؟؟

[ehab011]

طبيعى جدا عشان كده المفروض كل فترة نراجع ضغوط الكاوتش

طيب هو انا مفروض اراجع عليها كل قد ايه ؟؟؟؟
شكراً

[ahmed_m_ashraf]

طيب هو انا مفروض اراجع عليها كل قد ايه ؟؟؟؟
شكراً

أنا عن نفسي براجع في الحالات اآتيه:
- قبل أي سفرية ولو مسافة مش كبير, يعني مدام طالع طريق سريع لازم أراجع على الأربع فرد.
- لما أحس إن الدركسيون تقل أو ألاحظ إن فيه فرده أو أكتر مريحة.
- لما بكون عند بتاع الكاوتش لأي سبب بخليه يراجع على الأربع فرد.

بعد تجربة النيتروجين, أظن الموضوع هيكون أسهل لأن الإحتمال بيكون النقص وليس الزيادة, زي مكان مع الهواء العادي وتعاقب فصول السنة.

[Neo206]

مشكور على النصيحة