ياترى حد ركب جنوط للوجان

[walidzakzok]

هل فيه حد ركب جنوط للوجان وايه مقاس الجنط والكاوتش وايه تاثيره على الثبات بعد التركيب وشكرا

[amr.elsayed]

الحقيقة ماعنديش تجربة شخصية فى تجنيط اللوجان لكن فى نقط عريضة واجب مراعتها عند تغيير الجنط
طبعا افضل مقاس هو المقاس الاصلى 15 * 65 * 185 وطبعا الجنط حيكون اربعة خرم
15 - قطر الجنط والكاوتش
65 - ارتفاع الكاوتش
185- عرض الكاوتش
- علشان تزود ثبات العربية ممكن تكبر قطر الجنط لكن ساعتها حتضطر تقلل من ارتفاع الكاوتش بحيث يكون قطر الجنط والكاوتش مساوى للقياسات الاصلية لكاوتش اللوجان
وخلى بالك علشان لو ركبت مقاس اكبر او اقل من القياسات الاصلى حتاثر على قراءة عداد السرعة (لازم تتحسب لو كبرت الجنط حتقلل ارتفاع الكاوتش والعكس صحيح بما يساوى القطر الاصلى)
بالاضافة انه بياثر على العفشة وعمرها الافتراضى بالذات لو الجنط من خامة وحشة ووزنه تقيل حاول تختار نوعيات نضيفة
- كل ما ارتفاع الكاوتش زاد بيكون افضل كراحة مع المطبات والطرق المكسرة لانه بيمتص الصدمة اكتر
- كل ما الجنط كبر وارتفاع الكاوتش قل بيزود ثبات لكن بتقل الراحة وتزيد الاحساس بتضاريس الطريق
ودى بعض مشاركات الاعضاء والمواضيع اللى ممكن تفيد حضرتك

سلامة الإطار
قبل شراء إطار جديد يجب التعرف على مواصفاته والسرعة ودرجة الحرارة المحددة له، والمقاس المناسب والحمولة الموصى بها، وعدم التقيّد بهذه المواصفات سبب رئيسي لحدوث انفجار للإطار أو تلف مفاجئ له حتى وإن كان هذا الإطار جديداً أو باهظ الثمن ومن علامة تجارية معروفة وكان الطريق سليماً والجو بارداً لأن الشروط الأخرى مهمة لتحقيق السلامة للسائق وجميع الركاب، وعادة ما تكون مواصفات الإطار موجودة في كتيب التشغيل المرفق بالسيارة، أو توجد على لوحة صغيرة بجانب باب السائق، أو في داخل غطاء البنزين، كما يمكن الحصول عليها من وكيل السيارة.
ويوجد على كل إطار رمز معيّن للسرعة المناسبة له يجب عدم تجاوزها حسب ما هو مبيّن فيما يلي:
السرعة المحدّدة الرمز
150 كم ساعة P
160 كم ساعة Q
170 كم ساعة R
180 كم ساعة S
190 كم ساعة T
200 كم ساعة U
210 كم ساعة H
240 كم ساعة V
270 كم ساعة W
300 كم ساعة Y
+240 كم ساعة Z

http://www.nilemotors.net/Nile/232923-a.html

http://www.nilemotors.net/Nile/99994-4.html

................
ودة موقع لذيذ جدا تقدر تكتب عليه مقاسات العربية الاصلى والمقاسات الجديدة وتشوف اد ايه نسبة تغير السرعة على عداد العربية وهل دة ملائم ليك ولا لا
Visual Tyre Size Calculator | Kouki Tech
احسن مقاس لاقيته مع جنط اكبر 16 .. كان 16 * 55 * 195 ولاحظ اننا زودنا قطر الجنط وزودنا عرض الكاوتش وقللنا ارتفاع الكاوتش
وانا شايف الحقيقة ان المقاس دة ممتاز لان تزويد حجم الجنط مع زيادة عرض الكاوتش حنكسب منه ثبات بالاضافة اننا ما قللناش اوى من ارتفاع الكاوتش وبالتالى مش حياثر كتير على الراحة

[walidzakzok]

الحقيقة ماعنديش تجربة شخصية فى تجنيط اللوجان لكن فى نقط عريضة واجب مراعتها عند تغيير الجنط
طبعا افضل مقاس هو المقاس الاصلى 15 * 65 * 185 وطبعا الجنط حيكون اربعة خرم
15 - قطر الجنط والكاوتش
65 - ارتفاع الكاوتش
185- عرض الكاوتش
- علشان تزود ثبات العربية ممكن تكبر قطر الجنط لكن ساعتها حتضطر تقلل من ارتفاع الكاوتش بحيث يكون قطر الجنط والكاوتش مساوى للقياسات الاصلية لكاوتش اللوجان
وخلى بالك علشان لو ركبت مقاس اكبر او اقل من القياسات الاصلى حتاثر على قراءة عداد السرعة (لازم تتحسب لو كبرت الجنط حتقلل ارتفاع الكاوتش والعكس صحيح بما يساوى القطر الاصلى)
بالاضافة انه بياثر على العفشة وعمرها الافتراضى بالذات لو الجنط من خامة وحشة ووزنه تقيل حاول تختار نوعيات نضيفة
- كل ما ارتفاع الكاوتش زاد بيكون افضل كراحة مع المطبات والطرق المكسرة لانه بيمتص الصدمة اكتر
- كل ما الجنط كبر وارتفاع الكاوتش قل بيزود ثبات لكن بتقل الراحة وتزيد الاحساس بتضاريس الطريق
ودى بعض مشاركات الاعضاء والمواضيع اللى ممكن تفيد حضرتك

http://www.nilemotors.net/nile/232923-a.html

http://www.nilemotors.net/nile/99994-4.html

................
ودة موقع لذيذ جدا تقدر تكتب عليه مقاسات العربية الاصلى والمقاسات الجديدة وتشوف اد ايه نسبة تغير السرعة على عداد العربية وهل دة ملائم ليك ولا لا
visual tyre size calculator | kouki tech
احسن مقاس لاقيته مع جنط اكبر 16 .. كان 16 * 55 * 195 ولاحظ اننا زودنا قطر الجنط وزودنا عرض الكاوتش وقللنا ارتفاع الكاوتش
وانا شايف الحقيقة ان المقاس دة ممتاز لان تزويد حجم الجنط مع زيادة عرض الكاوتش حنكسب منه ثبات بالاضافة اننا ما قللناش اوى من ارتفاع الكاوتش وبالتالى مش حياثر كتير على الراحة

شرح والا اروع
بس هل فيه حد اقصى لعرض الجنط حسب الكتالوج؟

[ahmed_m_ashraf]

والله لسه سائل على الموضوع ده إمبارح ههههه القلوب عند بعضها

بالنسبة للإسكندرانية, أنا سألت عند صادق إللى على تقاطع جمال عبد الناصر مع محمد نجيب (مش الخواجة) وقولتلة عايز جنط ١٥ للوجان بحيث مغيرش الكاوتش, ولاقيت كذا حاجة تايواني وأندونيسي أسعارهم بتتراوح بين ١٩٠٠ و ٢١٠٠. ولو هتسيبله الجنوط الحديد بطاساتهم هيخصم حوالى ٣٥٠ جنيه ( أنا أفضل الإحتفاظ بيهم).

بس إيه نظام الضمان في الحالة دي؟ هل العفشة تخرج من الضمان على طول؟ هل حد ركب جنوط للوجان (أو حتى أي نوع تاني) وحصل له مشاكل مع العفشة أو الضمان؟

[karimnet]

نصيحة الجنوط الصينى دى خطر و حرام يتدفع فيها فلوس

[ahmed_m_ashraf]

نصيحة الجنوط الصينى دى خطر و حرام يتدفع فيها فلوس

كلامك مضبوط وعشان كده أنا مسألتش على صيني.

[abo_pasem]

والله أنا نفسي أركب جنوط سبور عايزين نمنجه اللوجي بس مش عارف شكلها هايبقي إييه بعد الجنوط بس ده هايخليني أعمل فيها شغل تاني وإستايل تاني خالص