شفرة كاسيت اللوجان

[mmgad]

حد يقدر يدلني إزاي أجيب شفرة الكاسيت

الكاسيت بيفضل شغال لمدة 5 دقائق بيعمل صفارة متقطعة و بعدين يفصل و يكتب 0000
أعتقد أنه محتاج الشفرة

جد يفيدني و له جزيل الشكر.

[Dr.Karim Emam]

من التوكيل

[amr.elsayed]

جرب تتصل بيهم الاول 16202 ممكن ياخدوا رقم الشاسية ويدولك الكود لكن الافضل تروح بالعربية
علشان لو المشكلة مش مشكلة كود يتم تغيير الكاسيت فى الضمان

[abdoalattar]

فى رقم بيبقى مكتوب على ظهر الكاسيت من تحت حتلاقى كلمه security وجمبها او تحتها حرف وثلاثه أرقام زى مثلا (B546). هاتهم وانشاء الله اجبلك كود الكاسيت.

[gebreel]

كاسيت اللوجان مينفعش تجيب الكود برقم الشاسيه بس لازم الرقم اللي ورا الكاسيت فعلاشن كدة روح التوكيل و هيديهولك في 5 دقائق

[mmgad]

شكرا جزيلاً
جزاكم الله خيراً

[ch_mahm2024]

لازم تروح التوكيل لان الخدمة متاحة فى النت بس بدفع رسوم عن طريق الفيزا كارد

[abdoalattar]

ياباشا انا بقولك هات الرقم وانا حجبلك الكود. عايز تروح التوكيل زى ما تحب, بس انا عملتها فعربيتى اول ما شتريتها, ولمعلوماتك لازم تاخد الكود من التوكيل عشان لو فصلت البطاريه ووصلتها تانى حتحتاج تروح التوكيل عشان يدخلولك الكود مره تانيه. فانا كنت عايز اخدمك بدون متروح التوكيل

[WALEED9001]

متصعبهاش على نفسك انا رحت التوكيل من غير حجز ولا دور اول ما هتخش هتقله شفرة الكاسيت هيجيب شوكتين وهيفتح بيهم الكاسيت وهيخد رقم من على الكاست وهيخش المكتب وهيرجع معاه الكود بتاعك وهيكتبه فى كتلوج الكاسيت ويسلمهولك
بس هو ده القصه كلها