افضل معرض لشراء لوجان 2012 كاملة

[meedo_2010]

السلام عليكم اهل خبرة اللوجان
محتاج من خبرتكم لكل اللي يمتلك سيارة لوجان وشايف ان المعرض كويس جدا ....
تفتكرو ايه افضل معرض اشتري منو ... ؟
كنت دورت كتير ولقيت على النت بيشكرو في اوتو سمير ريان ومحمد زكي ...
ف انا اللي جمبي محمد زكي اللي فى القطامية ... واوتو سمير ريان اللي جمب نادي المقاولين..
تفتكرو انهي احسن ؟؟
وعندي استفسار كمان .. دلوقتي لما روحت محمد زكي قالي السعر نهائي(لوجان كاملة) 72000 وقالي ان مصاريف التأمين هتبقى 3.5 % ( حوالي 2500 ) .. ومشيت وانا في وسواس في دماغي...
ف انتو شايفين ايه ؟
اتا ضفت استطلاع ما بين المعرضين وارجو يكون الموضوع مرجع للي هيشتري لوجان بعد كده
وشكرا ليكم جزيلا..

[meedo_2010]

يا خبراء السوق .. ياريت ما تبخلو عليا بخبرتكو..

[amr.elsayed]

بالنسبة للمعرضين سمعتهم محترمة جدا بالذات محمد زكى معظم اعضاء القسم مستلمين من عنده وهو موزع معتمد من رينو

[meedo_2010]

بالنسبة للمعرضين سمعتهم محترمة جدا بالذات محمد زكى معظم اعضاء القسم مستلمين من عنده وهو موزع معتمد من رينو

الف شكر لردك ... اخيرا اول حد يبل ريقي :) .. شكرا مرة تانية

[said268]

انا استلمتها من سمير ريان في نفس اليوم وقالي الورق لو انت مرور القاهرة تأخذه دلوقتي لو خارج القاهرة تاني يوم

[meedo_2010]

انا استلمتها من سمير ريان في نفس اليوم وقالي الورق لو انت مرور القاهرة تأخذه دلوقتي لو خارج القاهرة تاني يوم

جميل جدا انا بردو لما روحت زورت سمير ريان بهرني المكان وكمية العربيات هناك بس قلقي كللو هو ليه مش موزع معتمد لرينو مع ان حسب كلام المعرض معايا انو اكبر موزعين اللوجان ...

وياشباب ايه رأيكو فمبلغ التأمين ده 2500 مش غالي شوية ؟؟؟

[meedo_2010]

جميل جدا 63 مشاهدة وردين بس ... ربنا يخليكو لينا يا رجالة اللوجان ...

[gebreel]

خليك مع محمد زكي

[ibn_seena]

جميل جدا 63 مشاهدة وردين بس ... ربنا يخليكو لينا يا رجالة اللوجان ...

بالراحه شوية يا عم. . ما بتتحسبش كدا خالص.
انا واحد شفت الموضوع وما اقدرش افيدك. اعمل ايه ؟؟ اقول اي كلام في اي كلام ولا اخلع ولا من شاف ولا من دري.
: )

[meedo_2010]

خليك مع محمد زكي

الف شكر لردك

[meedo_2010]

بالراحه شوية يا عم. . ما بتتحسبش كدا خالص.
انا واحد شفت الموضوع وما اقدرش افيدك. اعمل ايه ؟؟ اقول اي كلام في اي كلام ولا اخلع ولا من شاف ولا من دري.
: )

اه من الناس اللي بتجري :d ... على العموم شرفتني بمشاركتك .. وبجد عايز اعرف ايه رأي الناس في مبلغ التأمين ؟؟؟

[karembue]

انا عايز اشتري لوجان مانيوال كاملة مين فيهم ممكن يكون أحسن في السعر؟

[meedo_2010]

انا عايز اشتري لوجان مانيوال كاملة مين فيهم ممكن يكون أحسن في السعر؟

هههههههه انت بتسأل زي ... خلينا نستنى انا وانتى بقى على العموم هقولك المعلومات اللي وصلتلها لحد دلوقتي
محمد زكي بيبيع بسعر التوكيل يعني 71900 ولما روحت بنفسي قالي 72000 وال 100 بتاعت نقل العربية .
المصرية للسيارات كان اخر عرض عندها تخدش كوبون تلاقي خصم...

اوتو سمير ريان مش تبع التوكيل وممكن يبيع بسعر اقل ومتقوليش ازاى لان لما روحت هناك كان هيديني عرض + الهدايا...
انا عملت استطلاع على الفيس بوك وكان معظم الاغلبية بيرشحو محمد زكي

انا بقى نفسي اعرف مبلغ التأمين المفروض يكون كام وهل اختياري وللا اجباري للتقسيط ؟؟ وهل ممن يبقى التامين في البنك بدل المعرض ؟؟؟