طرمبة البنزين

[gamela]

السلام عليكم
وانا بركن العربية فى الجراج وبرجع للخلف وبطلع المطلع لقيت العربية فصلت قلت عادى يمكن رجلى اتهزت ولا حاجة المهم احاول ادور العربية تانى اربع مرات مش راضية تدور بعد شوية دارت
المهم اتصلت بخدمة 16202 عملوا قلق قالوا جيبى العربية ضرورى علشان شكلها طرمبة البنزين هى الطرمبة ممكن تبوظ والعربية ماعملتش لسة 6000 كم؟؟؟ وايه الحاجة اللى تبوظ طرمبة البنزين؟؟

[georgedada82]

حضرتك قولي لهم العربية عطلانة وانك مش عارف تتصرفي وييجي حد منهم زي ما بيحصل ويكشف علي العربية وبعدين يقول ما تنقليش العربية وخليكي عندك اصرار انهم ييجوا ده حق حضرتك ... لو عصلجوا حضرتك اطلبي تحويلك برئيس خدمة العملاء ... المهم ما تعديش الموضوع حضرتك دافعة تمن الضمان والخدمة دي في تمن العربية

[storm2020]

اولا ..عمر الطرمبه الافتراضى بيعتمد على:
- الاستخدام ... يعنى فى ناس بتستنى لما خلاص البنزين يشطب وتمون وده بيقلل من عمرها الافتراضى
ويفضل تموين العربيه عند الوصول الى الربع ..
- نضافه البنزين ..كلما يكون فىيه شوائب اكثر كلما قلل من العمر الافتراضى للطرمبه .. فيفضل التموين من محطات نظيفه وجديده بقدر الامكان..
- تموين البنزين والعربيه مطفيه .. لان البنزين الجديد بينزل يرتطم بالموجود فى التانك ويحرك الشوائب فتقوم بسحبها الطرمبه...فلابد من اطفاء العربيه قبل التموين..

ثانيه بالنسبه لمشكلتك
اعراض مشاكل الطرمبه معظمها كالاتى
-العربيه يبقى صوتها مكتوم فجأه وتطفى
-لما تضغطى على دواسه البنزين على الآخر بتطفى العربيه
- لما بتضغطى على دواسه البنزين العربيه بترج وتقطع..
- سحب العربيه ضعيف بشكل ملحوظ

احتمال كبير مشكلتك تكون فلتر بنزين ..
او تكون كتاوت طرمبه ..

لو العربيه شغاله معاكى وتقدرى تروحى التوكيل يكون افضل ليتم الفحص ومعرفه المشكله
اذا كانت العربيه مش شغاله او تشتغل شويه وتطفى فخليهم يبعتوا حد يشوفلك المشكله
..بالتوفيق..

[abo_pasem]

لوجي عمرها ما عملتها معايا قبل كده الحمد لله

[gamela]

حضرتك قولي لهم العربية عطلانة وانك مش عارف تتصرفي وييجي حد منهم زي ما بيحصل ويكشف علي العربية وبعدين يقول ما تنقليش العربية وخليكي عندك اصرار انهم ييجوا ده حق حضرتك ... لو عصلجوا حضرتك اطلبي تحويلك برئيس خدمة العملاء ... المهم ما تعديش الموضوع حضرتك دافعة تمن الضمان والخدمة دي في تمن العربية

متشكرة جداً لرد حضرتك انا اتصلت والصراحة عرضوا عليا وسالوا مكانى فين علشان يبعتوا عربية الاعطال انا قلتلهم انها دارت حددوا ليا ميعاد علشان اوديها بس حظى ان العربية عملت الحركة دى يوم جمعة وطبعاً السبت نص يوم وقالوا لو عملتها وانا رايحة فى الطريق حايبعتوا عربية الاعطال على طول ولتانى مرة بشكر حضرتك على ردك

[gamela]

اولا ..عمر الطرمبه الافتراضى بيعتمد على:
- الاستخدام ... يعنى فى ناس بتستنى لما خلاص البنزين يشطب وتمون وده بيقلل من عمرها الافتراضى
ويفضل تموين العربيه عند الوصول الى الربع ..
- نضافه البنزين ..كلما يكون فىيه شوائب اكثر كلما قلل من العمر الافتراضى للطرمبه .. فيفضل التموين من محطات نظيفه وجديده بقدر الامكان..
- تموين البنزين والعربيه مطفيه .. لان البنزين الجديد بينزل يرتطم بالموجود فى التانك ويحرك الشوائب فتقوم بسحبها الطرمبه...فلابد من اطفاء العربيه قبل التموين..

ثانيه بالنسبه لمشكلتك
اعراض مشاكل الطرمبه معظمها كالاتى
-العربيه يبقى صوتها مكتوم فجأه وتطفى
-لما تضغطى على دواسه البنزين على الآخر بتطفى العربيه
- لما بتضغطى على دواسه البنزين العربيه بترج وتقطع..
- سحب العربيه ضعيف بشكل ملحوظ

احتمال كبير مشكلتك تكون فلتر بنزين ..
او تكون كتاوت طرمبه ..

لو العربيه شغاله معاكى وتقدرى تروحى التوكيل يكون افضل ليتم الفحص ومعرفه المشكله
اذا كانت العربيه مش شغاله او تشتغل شويه وتطفى فخليهم يبعتوا حد يشوفلك المشكله
..بالتوفيق..

انا بشكر حضرتك جداً على رد
بس انا عمرى ماخليت العربية مفيش فيها بنزين قبل مابتوصل للتلاتة شرط بكون مفولة
ودايماً بحط بنزين اما 92 من ساعة ماجت ودلوقتى باستعمل بنزين 95 لانى بحس ان الاداء احسن
ودايماً بيكون المفتاح برة اثناء التفويل لان تانك البنزين بيفتح بالمفتاح
وبالنسبة للاعراض
اول مرة تعمل العربية الحركة دى دون اى سابق انذار
وان شاء الله انا عندى ميعاد فى التوكيل ويارب اطمن لانى قلقانة جداً

[gamela]

لوجي عمرها ما عملتها معايا قبل كده الحمد لله

بسم الله ما شاء الله ربنا يبارك لحضرتك فيها

[ahmed_m_ashraf]

ت تكمنينا لما تتحل وتعرفيلنا كان إيه السبب، إن شاء الله بسيطهياري

[storm2020]

انا بشكر حضرتك جداً على رد
بس انا عمرى ماخليت العربية مفيش فيها بنزين قبل مابتوصل للتلاتة شرط بكون مفولة
ودايماً بحط بنزين اما 92 من ساعة ماجت ودلوقتى باستعمل بنزين 95 لانى بحس ان الاداء احسن
ودايماً بيكون المفتاح برة اثناء التفويل لان تانك البنزين بيفتح بالمفتاح
وبالنسبة للاعراض
اول مرة تعمل العربية الحركة دى دون اى سابق انذار
وان شاء الله انا عندى ميعاد فى التوكيل ويارب اطمن لانى قلقانة جداً

فى ملحوظه هنا .. انصحك تعملى نسخه لمفتاح العربيه علشان قفل التانك عند اى بتاع مفاتيح .. لان كده المفتاح الاصلى هيستهلك بسرعه منك وسعر تغييره مش قليل..
وبالتوفيق مع التوكيل و ان شاء الله تطلع بسيطه ..

[gebreel]

وارد جدا ان يحصل عيب صناعة بدري و ده مفيهوش مشكلة لأن هو ده السبب من وجود الضمان

من حق حضرتك تتبعتلك عربية اعطال بمهندس و يصلحلك العربية و هي واقفة

حضرتك اما بتفتحي اول تكة كونتاكت بتسمعي زنة الطرمبة عالية ولا صوت خفيف جدا؟