رجة في الدركسيون بعد 120

[szain]

السلام عليكم
يا جماعة أنا معايا لوجان أوتوماتيك 2012 عملة 2000 كيلو
امبارح كنت ماشي على المحور حسيت حاجة غريبة أوي...أول ما عدت السرعة 120 كم / الساعة لقيت فيه رجة جامدة فالدريكسيون
هي العربية كانت ثابتة الحمد لله بس المشكلة كانت في رجة الدركسيون في إيدي
تفتكرو ده يبقى إيه يا جماعة وتنصحوني بإيه
وشكراً لاجابتكم

[abo_pasem]

السلام عليكم ورحمة الله وبركاته
هوا مبدئيا كده الرجرجه دي بعد ال 120 كيلو تبقي محتاج ترصيص للعجل

[georgedada82]

عندي سؤال هو فعلا اجهزة الترصيص بترصص العجل علي سرعة 100 ؟

[storm2020]

غالبا ترصيص.. وان شاء الله بسيطه

عندي سؤال هو فعلا اجهزة الترصيص بترصص العجل علي سرعة 100 ؟

مفيش حاجه اسمه ترصيص سرعه 100 ولا غيره..
فى ناس كتير بتخلط بين السرعه بالكيلو متر / ساعه وبين سرعه الدوران والتى تقاس بـ لفه فى الدقيقه (ٌrpm) فى موضوع الترصيص ..
معظم الاجهزه فى مصر سرعه دورانها 100 لفه فى الدقيقه
وده مش مهم بالنسبه لك .. طول ما الفنى اللى هيرصص متعلم الصنعه صح..
وفى اجهزه بتستخدم الليزر فى تحديد مكان الترصيص ودى الاحدث وفى اجهزه لا ..

[gebreel]

بعد ال120 يبقى محتاج ترصص ورا لو بعد ال80او ال90 يبقى قدام و تجرب لسة موجودة يبقى ورا كمان

[RenaultLover]

ترصيص يا معلم وحتروح الرجه خالص وعن تجربة
بس رصص عند واحد مكنه نضيف ما تسترخصش

[szain]

ألف شكر يا جماعة لإجاباتكم
حاروح فعلاً أعمل ترصيص النهاردة انشالله

[Land_Cruiser]

ترصيص يا معلم وحتروح الرجه خالص وعن تجربة
بس رصص عند واحد مكنه نضيف ما تسترخصش

[szain]

طيب السؤال بقى يا جماعة...ازاي عربية زيرو لسة مش عملة غير 2000 كم تحتاج ترصيص ؟
وشكراً

[akerima]

طيب السؤال بقى يا جماعة...ازاي عربية زيرو لسة مش عملة غير 2000 كم تحتاج ترصيص ؟
وشكراً

عادي ممكن تكون حضرتك اخدت مطب جامد فوقعت حتة رصاص من الكاوتش وهي دي اللي عملت القلق - وممكن تكون والعربية بتتنقل قبل ما تجيلك ورارد اي شيء المهم ان باذن الله الحل بسيط

[medo_fam]

مابتتعملشى فى التوكيل

[absalam]

معلش ياشباب بس الراجل بيقول ان في رعشة في الدركسيون برغم ثبات العربية على الطريق بعد 120
وفعلا صعب جدا عربية تطلع من المصنع وبعد 2000 كم تحتاج ترصيص "ده الصيني مبيحتجش الكلام ده"
.
.
انا شايف ان الرعشة دي طبيعية بالنسبة لعربية لسة جديدة الرعشة دي يا باشا غالبا هتحس بيها كمان في دواسة البنزين والدبرياج وعصاية الفتيس وبتزيد وانت مشغل التكييف . . انا عارف انها رخمة شوية والحقيقة ده عيب غريب في الرينو لوجان وسانديرو . . بس احب اطمنك الرعشة دي هتروح بعد 3000 او 4000 كم وغالبا مش هتروح صيانة الـ 5000 وهي موجودة

[gebreel]

معلش ياشباب بس الراجل بيقول ان في رعشة في الدركسيون برغم ثبات العربية على الطريق بعد 120
وفعلا صعب جدا عربية تطلع من المصنع وبعد 2000 كم تحتاج ترصيص "ده الصيني مبيحتجش الكلام ده"
.
.
انا شايف ان الرعشة دي طبيعية بالنسبة لعربية لسة جديدة الرعشة دي يا باشا غالبا هتحس بيها كمان في دواسة البنزين والدبرياج وعصاية الفتيس وبتزيد وانت مشغل التكييف . . انا عارف انها رخمة شوية والحقيقة ده عيب غريب في الرينو لوجان وسانديرو . . بس احب اطمنك الرعشة دي هتروح بعد 3000 او 4000 كم وغالبا مش هتروح صيانة الـ 5000 وهي موجودة

معلش يا فندم اسمحلي اصحح لحضرتك معلوماتك

الرعشة في الدريكسيون على السرعات العالية ملهاش غير سبب من 2 اما ان الجنط معوج او محتاجة ترصيص
و العربية اكيد مش طالعة من المصنع كدة و مش صعب ان عربية تحتاج ترصيص بعد 500 كيلو حتى لأن بكل بساطة الرصاص بتاع الكاوتش بيبقى متثبت على طرف الجنط باوزان معينة و في اماكن معينة علشان يوزن العربية فبالتالي لو صاح الموضوع لبس بلاعة او مطب بسرعة ممكن حتة الرصاص دي تقع و ده نتيجة انها في كل العربيات بتبقى راكبة كبس على الجنط

رعشة الدريكسون مختلفة عن رعشة الدواسة و رعشة الفتيس و دول فعلا عيوب في الوجان و السانديرو المانيوال و رعشة الدواسة بتقل مع كل كيلو زيادة بتمشيه بالعربية

[akerima]

معلش ياشباب بس الراجل بيقول ان في رعشة في الدركسيون برغم ثبات العربية على الطريق بعد 120
وفعلا صعب جدا عربية تطلع من المصنع وبعد 2000 كم تحتاج ترصيص "ده الصيني مبيحتجش الكلام ده"
.
.
انا شايف ان الرعشة دي طبيعية بالنسبة لعربية لسة جديدة الرعشة دي يا باشا غالبا هتحس بيها كمان في دواسة البنزين والدبرياج وعصاية الفتيس وبتزيد وانت مشغل التكييف . . انا عارف انها رخمة شوية والحقيقة ده عيب غريب في الرينو لوجان وسانديرو . . بس احب اطمنك الرعشة دي هتروح بعد 3000 او 4000 كم وغالبا مش هتروح صيانة الـ 5000 وهي موجودة

مفيش علاقة ما بين ثبات العربية ورعشة الدريكسيون - عادي ممكن تبقي العربية ثابتة بس انت حاسس برفة الدريكسيون في ايدك نتيجة لرفة الجنط

وفي فرق كبير ما بين زنة دواسة الاكسيراتير وزنة الفيتيس اللي في الاول وما بين رعشة الدريكسيون اللي تحسها بعد ما توصل ل 120 ك لانك بعد ما توصل للسرعة دي لا بتحس بزنة في الدواسة ولا انت ماسك عصاية الفيتيس عشان تحس برجت العصاية

فالمشكلة هنا مشكلة ترصيص واكيد مكانتش موجوده اول ما صاحب العربية اشتراها بس وارد في شوارع المحروسة الحرير ان قطعة رصاص وقعت بهدلت اتزان الجنط وهو دا اللي عمل المشكلة