Tweet
تقرير استلام متواضع .. رينو لوجان اوتو
السلام عليكم
الحمد لله استلمت اللوجان بفضل الله ثم مواضيعكم و مشاركاتكم القيمة
عايز اخص بالشكر الاستاذ جبريل و الاستاذ عمرو السيد .. انا معرفكمش بس مشاركاتكم ساعدتنى كتير اوى حتى المشاركات القديمة ليكو من 2010 لحد دلوقتى.
اولا استلمت العربية عاملة 3 كيلو بس و دى كانت حاجة غريبة بس كويسة :) تقريبا اول عربية يتم تسليمها فى الدفعة التانية :)
شيكت على كل حاجة و كلة تمام زى ما مشروح هنا و فى موضوع الاستلام اللى فى قسم نيسان.
الراجل قالى انت كنت مستعجل فملحقناش نطلع الورق و هاروحلة بعد بكرة علشان اخد الورق و ارخص ان شاء الله .. ادانى ورقة كدة من المعرض انى مستلم العربية و ختمها بختم المعرض و قالى لو وقفت فى مرور ولا حاجة دى هتعديك !
سميت الله و طلعت ادور على اول بنزينة .. مبدئيا كدة الباور تقيل فعلا .. انا متعود على السيراتو فيمكن دة السبب اللى محسسنى انة تقيل .. هو حلو اوى بعد 80 بس فى السرعات القليلة و المناورة فى الزحمة تقيل.
تانى ملاحظة العربية طلعتها بطيئة .. مش بطة بس مش سريعة .. يعنى لازم تزود بنزين سنتين تلاتة علشان تطلع على سرعة معقولة .. طبعا انا لسة مكملتش 100 كيلو فا يمكن دة بيتحسن بعدين
فولت حوالى 45 لتر لحد الزور .. يعنى كان فيها حوالى 5 لتر. و الكاوتش كان على 40 عملتة 32 قدام و 30 ورا زى ما قريت هنا .. الواد بتاع البنزينة قالى كدة غلط كلة لازم يبقى زى بعضة .. قولتلة اعمل اللى بقولك علية و خلاص.
التكييف كويس اوى اوى .. الجو كان حر جدا و انا على الدائرى و شغلتة على 1 و اشتغل بسرعة جدا و زى الفل .. بس اعتقد ان توزيع الهوا مش تمام اوى .. مش عارف انا مش خبير يمكن الوحوش يفيدونا اكتر فى النقطة دى.
ركزت علشان الاقى موضوع الحرارة دة اللى فى الدواسات و التابلوة و لحد دلوقتى مش لاقيلو اثر .. يمكن يبان بعدين.
طبعا اخوكو قصير :) اعلى وضع للكرسى مع اوطى وضع للطارة كان انسب حاجة ليا :)
العربية عاملة دلوقتى 70 كيلو ( من الهرم لمدينة نصر - من مدينة نصر للمعادى ) و عداد البنزين لسة مقلش خالص مع العلم انى مشغل التكييف طول ال70 كيلو
كمبيوتر العربية عندى معاة مشاكل بصراحة .. اولا انا مش فاهم الترتيب بتاعة .. يعنى انا اللى ثابت قدامى عداد الكيلومتر .. مع كل دوسة على الزرار بيجيبلى رقم تانى مش ببقى فاهم دة بتاع اية .. ماعدا واحد كانت الunit بتاعتة liter per kilometer فا فهمت ان دة معدل البنزين .. الغريب انة باستمرار مدينى 60 لتر لكل 100 كيلو !!!!! طبعا دة تهييس لان انا ماشى 70 كيلو و لسة منزلتش اول شرطة .
الراديو شغال تمام من غير كود ولا حاجة ف ماجل شوية مشوار التوكيل.
موضوع نتشة الفتيس دة .. قعدت زى الموسوس ادور علية .. فى مبالغة كبيرة فى وصفها بالنتشة على فكرة .. دة مجرد احساس بالغيار .. و على فكرة فى عربيات كتير اوى كدة و دة مش عيب فى العربية ولا حاجة و لو انت مش مركز مش هتحس بحاجة اصلا.
ملحوظة : انا بسوق عربية هوندا سيفيك بتاعت صاحبى كتير طبعا فتيسها لا يعلى علية و لما ركزت معاة اوى بردو حسيت بالنقلة بس طبعا على اخف كتير .. الموضوع كلة وسوسة مش اكتر.
عزل العربية معقول جدا .. يعنى لا يرقى لعزل العربيات اللى فى فئات اعلى و لكن معتقدش ان فى عربية فى نفس الفئة تتفوق عليها.
الجملة دى للى هيفهمها بس ,, العربية دى سواقة محترمة مش سواقة بلاستيك خالص !!
مؤشر الحرارة فى النص لا بيعلى ولا بيقل .. عموما انا شيكت على العربية فى المعرض لقيت المية الخضرا اللى محطوطة دى اعلى من الmax سنة صغيرة.
الصوت بتاع الكاسيت رايق و كويس بس كنت اتوقع حاجة اعلى بصراحة.
فى حاجة رخمة ان اماكن التخزين اللى فى التابلو قليلة اوى .. انا متعود ان لازم يبقى فى حتة كدة احط فيها الفكة و الموبايل .. للاسف مفيش غير مكان المشروب اللى تحت .. متبقاش عارف تحط فية الطفاية ولا الموبايل ولا الفكة و لا الحاجة اللى بتشربها .. كمان التابلوة نفسة مش مستوى علشان تعرف تحط علية حاجة من فوق .. ولا فى مساحة قدام العدادات .. مفيش غير باب السواق و دة مش عملى للحاجات اللى عايزها تبقى فى متناول ايدك على طول!! يمكن دى الحاجة الوحيدة اللى كان عندة حق فيها الراجل المتحيز اللى عمل الفيديو بتاع المقارنة بينها و بين الساجا .
صوت الموتور مش عالى خالص و لو قرصت على العربية شوية و سمعتة صوتة مش هيدايقك خالص. مش مزعج يعنى.
مرتاح راحة خرافية بسبب العفشة .. اسالوا واحد متعود على سيراتو و سيفيك .. العفشة حكاية مع طرقنا اللعينة .. انا بعدى على النقرة و مش فى بالى اصلا ههههه
عاجبنى اوى ارتفاع العربية طبعا مش محتاج اتكلم علية كتير. بس و انا بركن عندى مشكلة كبيرة انى مش شايف حاجة خالص ورا .. اعتقد الباركينج سينسور هيبقى ضرورة مش كماليات. اشترية منين و اركبة فى التوكيل ولا برة يا رجالة ؟؟ :]
طبعا انا اسف على التقرير التعبان دة و يارب يفيد اى حد و طبعا لو فى اى اسئلة انا فى الخدمة :)
الحمد لله استلمت اللوجان بفضل الله ثم مواضيعكم و مشاركاتكم القيمة
عايز اخص بالشكر الاستاذ جبريل و الاستاذ عمرو السيد .. انا معرفكمش بس مشاركاتكم ساعدتنى كتير اوى حتى المشاركات القديمة ليكو من 2010 لحد دلوقتى.
اولا استلمت العربية عاملة 3 كيلو بس و دى كانت حاجة غريبة بس كويسة :) تقريبا اول عربية يتم تسليمها فى الدفعة التانية :)
شيكت على كل حاجة و كلة تمام زى ما مشروح هنا و فى موضوع الاستلام اللى فى قسم نيسان.
الراجل قالى انت كنت مستعجل فملحقناش نطلع الورق و هاروحلة بعد بكرة علشان اخد الورق و ارخص ان شاء الله .. ادانى ورقة كدة من المعرض انى مستلم العربية و ختمها بختم المعرض و قالى لو وقفت فى مرور ولا حاجة دى هتعديك !
سميت الله و طلعت ادور على اول بنزينة .. مبدئيا كدة الباور تقيل فعلا .. انا متعود على السيراتو فيمكن دة السبب اللى محسسنى انة تقيل .. هو حلو اوى بعد 80 بس فى السرعات القليلة و المناورة فى الزحمة تقيل.
تانى ملاحظة العربية طلعتها بطيئة .. مش بطة بس مش سريعة .. يعنى لازم تزود بنزين سنتين تلاتة علشان تطلع على سرعة معقولة .. طبعا انا لسة مكملتش 100 كيلو فا يمكن دة بيتحسن بعدين
فولت حوالى 45 لتر لحد الزور .. يعنى كان فيها حوالى 5 لتر. و الكاوتش كان على 40 عملتة 32 قدام و 30 ورا زى ما قريت هنا .. الواد بتاع البنزينة قالى كدة غلط كلة لازم يبقى زى بعضة .. قولتلة اعمل اللى بقولك علية و خلاص.
التكييف كويس اوى اوى .. الجو كان حر جدا و انا على الدائرى و شغلتة على 1 و اشتغل بسرعة جدا و زى الفل .. بس اعتقد ان توزيع الهوا مش تمام اوى .. مش عارف انا مش خبير يمكن الوحوش يفيدونا اكتر فى النقطة دى.
ركزت علشان الاقى موضوع الحرارة دة اللى فى الدواسات و التابلوة و لحد دلوقتى مش لاقيلو اثر .. يمكن يبان بعدين.
طبعا اخوكو قصير :) اعلى وضع للكرسى مع اوطى وضع للطارة كان انسب حاجة ليا :)
العربية عاملة دلوقتى 70 كيلو ( من الهرم لمدينة نصر - من مدينة نصر للمعادى ) و عداد البنزين لسة مقلش خالص مع العلم انى مشغل التكييف طول ال70 كيلو
كمبيوتر العربية عندى معاة مشاكل بصراحة .. اولا انا مش فاهم الترتيب بتاعة .. يعنى انا اللى ثابت قدامى عداد الكيلومتر .. مع كل دوسة على الزرار بيجيبلى رقم تانى مش ببقى فاهم دة بتاع اية .. ماعدا واحد كانت الunit بتاعتة liter per kilometer فا فهمت ان دة معدل البنزين .. الغريب انة باستمرار مدينى 60 لتر لكل 100 كيلو !!!!! طبعا دة تهييس لان انا ماشى 70 كيلو و لسة منزلتش اول شرطة .
الراديو شغال تمام من غير كود ولا حاجة ف ماجل شوية مشوار التوكيل.
موضوع نتشة الفتيس دة .. قعدت زى الموسوس ادور علية .. فى مبالغة كبيرة فى وصفها بالنتشة على فكرة .. دة مجرد احساس بالغيار .. و على فكرة فى عربيات كتير اوى كدة و دة مش عيب فى العربية ولا حاجة و لو انت مش مركز مش هتحس بحاجة اصلا.
ملحوظة : انا بسوق عربية هوندا سيفيك بتاعت صاحبى كتير طبعا فتيسها لا يعلى علية و لما ركزت معاة اوى بردو حسيت بالنقلة بس طبعا على اخف كتير .. الموضوع كلة وسوسة مش اكتر.
عزل العربية معقول جدا .. يعنى لا يرقى لعزل العربيات اللى فى فئات اعلى و لكن معتقدش ان فى عربية فى نفس الفئة تتفوق عليها.
الجملة دى للى هيفهمها بس ,, العربية دى سواقة محترمة مش سواقة بلاستيك خالص !!
مؤشر الحرارة فى النص لا بيعلى ولا بيقل .. عموما انا شيكت على العربية فى المعرض لقيت المية الخضرا اللى محطوطة دى اعلى من الmax سنة صغيرة.
الصوت بتاع الكاسيت رايق و كويس بس كنت اتوقع حاجة اعلى بصراحة.
فى حاجة رخمة ان اماكن التخزين اللى فى التابلو قليلة اوى .. انا متعود ان لازم يبقى فى حتة كدة احط فيها الفكة و الموبايل .. للاسف مفيش غير مكان المشروب اللى تحت .. متبقاش عارف تحط فية الطفاية ولا الموبايل ولا الفكة و لا الحاجة اللى بتشربها .. كمان التابلوة نفسة مش مستوى علشان تعرف تحط علية حاجة من فوق .. ولا فى مساحة قدام العدادات .. مفيش غير باب السواق و دة مش عملى للحاجات اللى عايزها تبقى فى متناول ايدك على طول!! يمكن دى الحاجة الوحيدة اللى كان عندة حق فيها الراجل المتحيز اللى عمل الفيديو بتاع المقارنة بينها و بين الساجا .
صوت الموتور مش عالى خالص و لو قرصت على العربية شوية و سمعتة صوتة مش هيدايقك خالص. مش مزعج يعنى.
مرتاح راحة خرافية بسبب العفشة .. اسالوا واحد متعود على سيراتو و سيفيك .. العفشة حكاية مع طرقنا اللعينة .. انا بعدى على النقرة و مش فى بالى اصلا ههههه
عاجبنى اوى ارتفاع العربية طبعا مش محتاج اتكلم علية كتير. بس و انا بركن عندى مشكلة كبيرة انى مش شايف حاجة خالص ورا .. اعتقد الباركينج سينسور هيبقى ضرورة مش كماليات. اشترية منين و اركبة فى التوكيل ولا برة يا رجالة ؟؟ :]
طبعا انا اسف على التقرير التعبان دة و يارب يفيد اى حد و طبعا لو فى اى اسئلة انا فى الخدمة :)
Comment