دواسة البنزين من البلاستيك

[halem0000]

السلام عليكم ورحمة الله وبركاته

هل فعلا يا جماعه دواسة البنزين من البلاستيك وقاعدة الرداتير كمان من البلاستيك اصل قريت على صفحة رينو الموضوع ده وقولت اقولكم للأمانه يعنى عشان لو حد ناوى يشترى يعنى

ونص الموضوع كان كالتالى :

Wael Wafaa


أعظم شركات السيارات فى مصر التوكيل الجميل الرائع اللى جرينا عليه علشان اسمه ايه اللى حصل ادونى عربيه لوجان بلاك لاين صدقه ب 71000 وعملت بها 9000 كيلو وخير اللهم اجعله خير وانا فى الساحل يوم الخميس دواسة البنزين اتكسرت تحت رجلى وكنت حاموت انا وعيلتى والفرامل الحمدلله ضعيفه جدا ومافيش نور فى العربيه من 8000 كيلو كل ده فى عربيه عامله 9000 كيلو ده غير كل ما أشغل التكييف العربية تكاد تنط مش تمشى تتخنق وتجرى ليه ده كله والله ال128 برقبتها لو فى الحاله دى والبهوات لحد دلوقتى ماسألش فيه انا معايا الوير الصلب اللى اتقطع والكوميدى ان الدواسه طلعت بلاستيك كل ده وكل ما اتصل 72 وحنرد عليك والمشكله حتتحل

Like · · 23 hours ago

• 2 people like this.
• • Renault Egypt أ/ وائل, برجاء ارسال رقم الهاتف الخاص بسيادتكم و رقم شاسيه السيارة. و سيقوم احد ممثلى ادارة خدمة العملاء بمكالمة سيادتكم و حل المشكلة...
    VR22 hours ago · Like · 1
  • Wael Wafaa انا اتصلت اكتر من مره من يوم الخميس ولم يحدث شىء ويمكنك مراجعة الاتصالات لانكم تقومون بتسجيلها وعموما 0102005323021 hours ago · Like · 1
  • Fardous Samir وفى كمان حاجة تانية قاعدة الريادتير بلاستيك واغلبية مكونات السيارة من البلاستيك14 hours ago · Like
  • Mahmoud Zaki ممكن نفهم اما الواير الصلب بتاع البنزين بيتقطع وانت ماشى بالعربيه ايه الللى بيحصل بالضبط5 hours ago · Like
  • Mahmood Ramy Sheta متابع بإهتمام
    about an hour ago · Like
• منتظر تعليقاتكم
  

[ahmed_m_ashraf]

بس لو كان الموضوع كده، تفتكر ليه العربية بتنجح وتنتشر كل يوم أكتر،وليه عمرنا ما سمعنا عن المشكلة دي مع حد؟! مشكلة فردية طبعا أصلا لو كان فيه مشكلة، للأسف اليومين دول مش مضمون إن كل الكلام ع النت يكون حقيقي، فيه حقن وأسافين كتيييييييييير.


لو سلمت ودانك لكل الكلام هتتعب قوي على فكرة، فكر في الكلام وشوفه معقول ولا لأ، وبرضه ممكن يكون الموضوع حقيقي بس زي ما قولت مشكلة فردية، بس عموما مش مقنع أوي، يعني مثلا إن العربية ماسية من غير أنوار من 8000 كم، طب دي غلطة مين؟ التوكيل؟؟!! ولا إللي سايق، يعني التوكيل حيمشي ورا العربيات في الشارع يغيرلها لمض مثلا؟ ولو راح ومعمﻷهوش المطلوب، مشي من عندهم ليه طالما معاه حق؟

[abo_pasem]

مفيش تعليق غير إني أقول :هههههههههههههههههه

[amr.elsayed]

مافيش نور من 8000 كيلو !!!!!! خلاص يعمل شكوى فى شركة الكهرباء هههههه
استاذ حليم حضرتك عندك العربية اكشف علي الدواسة بنفسك وشوف اذا كانت ممكن تتكسر ولا لأ

[meedo_2010]

يا جماعة الموضوع مش هزار انا كمان حطيت بوست على صفحة رينو اسئل على الموضوع ده ولأنو مهم لسة مردوش لحد دلوقتي عشان يرجعو للقسم الفني ولكن في ناس ردت قالت هيا مش بلاستيك بس هيا شبه البلاستيك او من توابع البلاستيك وقالو كمان ممكن اي حد عندو لوجان يبص على الدواسة بنفسو ... ولما شوفت الفيديو اللي بتظهر فيه دواسة البنزين لقيتها بعد شبر بالظبط بيبقى لونها ابيض وشبه البلاستيك فعلا ... واديني مستني رد الصفحة..

[me_medoo]

لا اله الا الله
انا اول موضوع عملتوا كان هنا في قسم رينوا والناس انتقدتني عليه اسمو ( تجربتي مع اللوجن )الي اشتريتها الي هخنقتني وبعتها بعد ست شهور استخدام ورحت رجعت تاني مرة لليارس اشتريتها ب ٧١٠٠٠ وبعت اللوجن ب ٦٥٠٠٠ كسر زيرو وزودت خمسة ورحت جايب يارس مستعملة ٢٠٠٨ برقبت لوجن ٢٠١١ مع احترامي للوجن ومالكيها .... وتحياتي لصديقي عمر وعزيزي الغالي

[halem0000]

يا جماعه انا حبيت بس اقول الموضوع ده عشان لو حد عاوز يشترى العربية يكون عارف اصل مش معقول واحد هييجي يشترى ينزل يشوف الدواسات بلاستيك ولا حديد ولا أياً كان انا الموضوع ده اتفاجأت بيه فعلا ومكنتش اعرفه ونا شوفت الدواسات ومعرفش بصراحة دى تتكسر ازاى لأنها عبارة عن بلاستيك واقف يعنى الحرف بتاعه لفوق ومش عارف يعنى صاحب البوست اللى على الفيس كسرتها ازاى اظاهر انها كانت بتركب فوقها ولا أيه مش عارف بصراحة يعنى كمان دواسة البنزين ناعمة ومش محتاجة الضغط الجامد اللى ممكن يكسرها انا حبيت بس اقول الموضوع عشان طبعا نتناقش فيه هنا وثانيا للناس اللى عاوزه تشترى عشان ميقولوش احنا خبينا حاجة عليهم وشكرااا لكل من ساهم فى الموضوع

[ahmed_m_ashraf]

مش عرف المنتدي ماله، كان فيه صيانه إمبارح ومشاركات ومواضيع كتير إتمسحت!!!!
عشان محدش يقلق من الموضوع ده، أنا كنت عامل مشاركة قيها مواقع أجنبيه وفيديوهات يو تيوب بتوضح إم معضم كبار صانعي السيارات في العالم بيستخدمو البلاستيك في صناعة دواسة البنزين وكمان دواسة الدبرياج في بعض الأحيان، معرفش إيه السبب لأني مش مختص بس عشان محدش يفتكر إن اللوجان عربيو بلاستيك أو لعبه يعني وإنها هي بس إللي كده. بس طبعا المشاركة دي راحت مع إللي راح.

عينه من الماركات إللي فيها الموضوع ده ... مرسيدس، بي إم، دودج، شيفروليه، كرايسلر، ميتسوبيشي ....إلخ

هبقى أحاول أدور على اللينكات تاني وأحطها إن شاء الله.

[alaaosmanakl]

مش عرف المنتدي ماله، كان فيه صيانه إمبارح ومشاركات ومواضيع كتير إتمسحت!!!!
عشان محدش يقلق من الموضوع ده، أنا كنت عامل مشاركة قيها مواقع أجنبيه وفيديوهات يو تيوب بتوضح إم معضم كبار صانعي السيارات في العالم بيستخدمو البلاستيك في صناعة دواسة البنزين وكمان دواسة الدبرياج في بعض الأحيان، معرفش إيه السبب لأني مش مختص بس عشان محدش يفتكر إن اللوجان عربيو بلاستيك أو لعبه يعني وإنها هي بس إللي كده. بس طبعا المشاركة دي راحت مع إللي راح.

عينه من الماركات إللي فيها الموضوع ده ... مرسيدس، بي إم، دودج، شيفروليه، كرايسلر، ميتسوبيشي ....إلخ

هبقى أحاول أدور على اللينكات تاني وأحطها إن شاء الله.

معني كده إن فعلا دواسة البنزين من البلاستيك ؟؟؟؟؟؟؟
طيب هل الدواسة وبالوصلة بتاعتها ولا وش الدواسة بس ؟؟؟؟؟؟؟

[halem0000]

لأ الدواسه بالوصله بتاعتها بلاستيك والدبرياج كمان

[alaaosmanakl]

لأ الدواسه بالوصله بتاعتها بلاستيك والدبرياج كمان

الأخوة الأفاضل :
هل صنع دواسة الفرامل و والدبرياج بهذه الخامات
شيئ عادي وموجود في صناعة السيارات ولا يتخاف منه ؟؟؟؟؟؟؟؟
هل السبب هو مواكبة التطور في الصناعة ولا تخفيض التكلفة ؟؟؟؟؟

[jackson_75]

no comment !!!!!!!!!!!!!!!!!!!!!!!!!

[mohmmedzohier]

السلام عليكم

يا جماعه المشكله مش فى دواسه البنزين او الدبرياج المشكله الكبيره فى دواسه الفرامل يعنى لو دوست عليها جامد مره واحده ولا كنت طالع من غزه واتكسرت هيبقى ايه التصرف

[halem0000]

لا الفرامل مش زيهم مش بلاستيك لما مسكتها من تحت تقريبا حديد

[mazagngi2010]

بكرهها العربيه دى
واكتر حاجه بتغيظنى الحب المبالغ فيه من الرجاله هنا