حد جرب يركب شاشات lcd ؟؟؟

[amirboulos]

كل عام واعضاء المنتدي بخير بمناسبه الشهر الكريم
كنت عايز اسأل مالكي اللوجن حد جرب قبل كده يركب شاشات lcd اللي بتركب في ضهر مخدع الرأس بتاع الكراسي والشماسه الأماميه ؟؟؟ طبعا احنا مش عايزين نلعب في ضفيره الكهربا علشان الضمان ...حد جرب الموضوع ده من غير لعب في الضفيره ؟؟؟
يا ريت لو حد عملها يقولنا ...ويقولنا عمللها ازاي وايه احسن نوع شاشات
الموضوع ده مهم بالنسبه لي علشان بنتي اللي بتروش اهلي وانا سايق عايز اعملها حاجة تتفرج عليها وتسكت :)

[amirboulos]

ايه يا جدعان محدش ركبها علي ولاعه السجاير ...علي بطاريه منفصله ...اي حاجة؟؟؟

[mostafamndy]

فى إنتظار تجارب الوحوش ...

[abo_pasem]

أنا عمري ما شفتها بس ممكن تركب عادي لوجي مش أقل من العربيات إللي فيها شاشات من ورا دي
الله ينور يا أستاذamirboulos أيوه كده عايزين نمنجه اللوجي
نركبلها شاشه وإحتمال نجيب حمام سباحه ورا كمان
هههههههههه

[amirboulos]

أنا عمري ما شفتها بس ممكن تركب عادي لوجي مش أقل من العربيات إللي فيها شاشات من ورا دي
الله ينور يا أستاذamirboulos أيوه كده عايزين نمنجه اللوجي
نركبلها شاشه وإحتمال نجيب حمام سباحه ورا كمان
هههههههههه

لا حمام سباحة دي هتبقي طرطشه وبهدله :) :) كفايه بس الشاشات مع شويه ستاير غامقه ورا ،تبقي فله اوي كده ....انا طالب الطلب ده لأني بشوف عربيات ا اقل من اللوجان وحتي تاكسيات مركبين الشاشات دي...وشفتها في التوفيقيه بتتباع عند معظم الناس يعني الموضوع سهل ومتاح اهم حاجه بس نشوف نوع كويس وطريقه نضيفه للتركيب والتشغيل بعيد عن الست ضفيره اللي مخوفنا من الإقتراب منها دي:)

[Egyzizo]

أنا ركبت الشاشة اللى بتركب على المراية من 3 سنين ، وكان الهدف الاساسى ربطها بالكاميرا الخلفية للمساعدة فى الركن والحمد لله مازالت تعمل بكفاءة.

والتفاصيل هنا ..

http://www.nilemotors.net/Nile/103557-a-6.html

[abo_pasem]

أعتقد إن السروجي هوا إللي بيعمل الكلام ده
أو ممكن تشتري مخدع بشاشه
الله أعلم
بس فكره جباره مقولتليش عليها من زمان ليه وأنا كنت عملتها