عطل زرار الزجاج الخلفي لرابع مرة .. ربنا يسامح التوكيل

[pharmacology]

انا معايا لوجان اوتوماتيك شاريها في اول شهر ابريل وعامل بيها 6000 كيلو

1-بعد ما استلمت العربية باسبوع واحد بفتح الازاز اللي ورا لقيته مبفتحش ! رحت فرع العدوي ( ده يعتبر اقرب فرع ليا لاني من دمياط اجمالي المسافة رايح جاي 200 كيلو ) .. قالي دي مشكله بسيطة واحنا نضفناه

2- بعدها باسبوع واحد الازاز عطل تاني .. رحتله التوكيل مرة تانية وقالولي برده معلش اصل كان فيه تراب ونضفناه !

3- رجعت دمياط مسافة السكة بس وركنت العربية وقلت اجربه .. الازاز نزل ومش عايز يطلع تاني ابدا ! فضلت كده لحد الساعة 2 باليل احاول اجرب فيه لحد ما ربنا هداه وطلع وقفل .. ( اتصلت بالرقم المختصر لرينو اشتكيت فرع العدوي والنتيجة النهائية اعتذارات واتفضل شرفنا في الوقت اللي انت تختاره واحنا نعملهولك تاني !! اصل انا شغال عند اللي خلفوكوا وفاضيلكوا كل شوية اعطل شغلي ووقتي عشان اصلح زرار ! )

4-قلت انا مستحيل ادخل فرع العدوي ده تاني وهستني صيانة ال5000 واروح فرع العبور ( بيني وبينه رايح جاي 500 كيلو ) وبالمرة وانت بتعمل الصيانة صلح الزار .. وفعلا رحت يوم 20/7 وعملت الصيانة وصلحولي الازاز واشتلمته كويس جدا ... النهارده 29/7 فتحته وجاي اقفله مش عايز يقفل ابدا !!! ولما دوست علي الزار طلع دخان ففتحت علبة الزاير لقيت السلوك سايحة !! انا بكتب البوست ده والازاز الخلفي عندي مفتوح وراكن العربية في الشارع .. اتصلت بالرقم المختصر مسحت بيهم الارض وبرده نفس الاسطوانية ( احنا اسفين يا فندم-هات رقم الشاسية - ورقم العربية - واتفصل شرفنا في فرع العبور بكره واحنا هنعملك اللازم !! ) .. مش هقول غير حسبي الله ونعم الوكيل في كل واحد جوه التوكيل مش عارف شغله كويس ومش بيراعي ابدا ظروف الناس ووقتها ومصالحها وكل واحد معندوش ضمير ..

صدعتكوا بس حبيت افضفض شوية في المنتدي يمكن الاقي حد يقولي اعمل اي حاجة او ينصحني باي حاجة ..

[a_nbm]

انا معايا لوجان اوتوماتيك شاريها في اول شهر ابريل وعامل بيها 6000 كيلو

1-بعد ما استلمت العربية باسبوع واحد بفتح الازاز اللي ورا لقيته مبفتحش ! رحت فرع العدوي ( ده يعتبر اقرب فرع ليا لاني من دمياط اجمالي المسافة رايح جاي 200 كيلو ) .. قالي دي مشكله بسيطة واحنا نضفناه

2- بعدها باسبوع واحد الازاز عطل تاني .. رحتله التوكيل مرة تانية وقالولي برده معلش اصل كان فيه تراب ونضفناه !

3- رجعت دمياط مسافة السكة بس وركنت العربية وقلت اجربه .. الازاز نزل ومش عايز يطلع تاني ابدا ! فضلت كده لحد الساعة 2 باليل احاول اجرب فيه لحد ما ربنا هداه وطلع وقفل .. ( اتصلت بالرقم المختصر لرينو اشتكيت فرع العدوي والنتيجة النهائية اعتذارات واتفضل uشرفنا في الوقت اللي انت تختاره واحنا نعملهولك تاني !! اصل انا شغال عند اللي خلفوكوا وفاضيلكوا كل شوية اعطل شغلي ووقتي عشان اصلح زرار ! )

4-قلت انا مستحيل ادخل فرع العدوي ده تاني وهستني صيانة ال5000 واروح فرع العبور ( بيني وبينه رايح جاي 500 كيلو ) وبالمرة وانت بتعمل الصيانة صلح الزار .. وفعلا رحت يوم 20/7 وعملت الصيانة وصلحولي الازاز واشتلمته كويس جدا ... النهارده 29/7 فتحته وجاي اقفله مش عايز يقفل ابدا !!! ولما دوست علي الزار طلع دخان ففتحت علبة الزاير لقيت السلوك سايحة !! انا بكتب البوست ده والازاز الخلفي عندي مفتوح وراكن العربية في الشارع .. اتصلت بالرقم المختصر مسحت بيهم الارض وبرده نفس الاسطوانية ( احنا اسفين يا فندم-هات رقم الشاسية - ورقم العربية - واتفصل شرفنا في فرع العبور بكره واحنا هنعملك اللازم !! ) .. مش هقول غير حسبي الله ونعم الوكيل في كل واحد جوه التوكيل مش عارف شغله كويس ومش بيراعي ابدا ظروف الناس ووقتها ومصالحها وكل واحد معندوش ضمير ..

صدعتكوا بس حبيت افضفض شوية في المنتدي يمكن الاقي حد يقولي اعمل اي حاجة او ينصحني باي حاجة ..

مش عارف اقولك ايه.....بس حاجه تخنق فعلا لازم تروح وتطلب يغيروا الزرار خالص بواحد جديد. ...مترضاش بالتصليح

[ahmed_m_ashraf]

أسواء شئ ممكن يحصلك من توكيل سواء توكيل عربية أو حتى موبايل، يقولك صلحناه وتلاقيه باظ تاني.
معلش ياباشا والله حاسين بيك وحصلت مع كتير مننا، وللأسف فعلا معنكش حل غير تروحلهم تاني وتعمل زي الأح الكريم مقالك في التعليق السابق.
معلش أنا والله حاسس بخنقتك!

[dr_mustafa_ali]

توكيل زبالة انا رحت علشان مشكلة في التكييف نص ساعة وسلمني العربية مشيت لقيتها زي ما هيه اتصلت بهدلتهم رحت تاني قعدت 4 ساعات تقريبا ... يعني اساسا اول مرة معملوش حاجة وبيشتغلوني ... توكيل بقى زبالة جدا للاسف

[hzem]

دي مشكلة و المشكلة التانية بتاعت الفيوزات بتضرب معني كده ضفيرة العربية ضعيفة ولا وحشة و ايه الحهد العالي اللي في الأتو علشان العربية المانيوال تخليها ما تعماش كده

[shawkylotfy]

ادام الزار سلكة ساح يبقى تقؤيبا العيب من المكنة بس المفروض الفيوز يضرب علشان ميسيحش حاجة وتقريبا المكنة هتحتاج تتغير فى الضمان طبعا

[yousse_mohamed]

حاول تضع قماشه على الزراير عشان اى تراب بيدخل فى الزراير بخليها متشتغلش.

[pharmacology]

للاسف رحت التوكيل يوم الاتينين اللي فات ودخلت للمدير وقلتله علي المشكله والعربية دخلت ونص ساعه وطلعت والمدير قالي احنا غيرنا الزرارين وركبنا اتنين جداد ... مشيت وامبارح بجرب الازاز لقيته برده معلش وبيشتغل شوية وشوية لا وزار اللوك مش شغال !!!! حسبي الله ونعم الوكيل

ياريت حد يدلني اعمل ايه ؟؟ هل ممكن ابعت ايميل لشركة رينو في فرنسا ااقدم لهم الشكوي دي ولا دي حاجة مش هتجيب نتيجة ؟؟؟ ياريت تفيدوني بعد اذنكوا

[georgedada82]

لا ولا الهوا حضرتك ليه ما تجربش الحاجة وانت في التوكيل ولو فضلت زي ما هي ما اتصلحتش ولا تتحرك من مكانك الا لما تنتهي المشكلة

ونصيحة ابعت علي الفيس بوك في صفحتهم هما بيقلقوا من دي جدا

[crayvor]

ابعت لرينو فرنسا واعمل cc لرينو مصر.. وحتلاقي كل الأبواب اتفتحتلك.

[mazenzyad]

متابع

[pharmacology]

لا ولا الهوا حضرتك ليه ما تجربش الحاجة وانت في التوكيل ولو فضلت زي ما هي ما اتصلحتش ولا تتحرك من مكانك الا لما تنتهي المشكلة

ونصيحة ابعت علي الفيس بوك في صفحتهم هما بيقلقوا من دي جدا

اكيد يا سيدي الفاضل .. انا فعلا جربت الازاز جوه التوكيل ولما خرجت من التوكيل وطول الطريق كنت بجربه .. للاسف مرجعش يعلق تاني غير لما رجعت دمياط ..

[pharmacology]

ابعت لرينو فرنسا واعمل cc لرينو مصر.. وحتلاقي كل الأبواب اتفتحتلك.

ياريت حضرتك تديني الايميل لرينو فرانس اكون شاكر لحضرتك جدا ... او تدلني اوصله ازاي ؟؟

[crayvor]

ياريت حضرتك تديني الايميل لرينو فرانس اكون شاكر لحضرتك جدا ... او تدلني اوصله ازاي ؟؟

http://www.renault.com/en/pages/home.aspx

تحت خالص اختار كونتاكتس (مش عارف ليه مش بيرضي يتكتب بالانجليزي في الرد)
اكتب معلوماتك عادي و في قايمة You are looking for info on اختار After-sales complaint واكتب تفاصيل الموضوع بالكامل.. ولو تقدر ترفقلهم صور من فواتير كل زيارة (لو معاك) وخد صورة من الصفحة قبل ما تبعتها وابعتها لرينو مصر واكتب لهم فيها "للأسف ده حلي الوحيد بعد عدم مقدرتكم علي حل مشكلتي". أو بلاش حتي تبعت لينو مصر وسيبهم هم يتعاملو.

[pharmacology]

Renault.com - Car manufacturer Renault's official international website - Renault

تحت خالص اختار كونتاكتس (مش عارف ليه مش بيرضي يتكتب بالانجليزي في الرد)
اكتب معلوماتك عادي و في قايمة you are looking for info on اختار after-sales complaint واكتب تفاصيل الموضوع بالكامل.. ولو تقدر ترفقلهم صور من فواتير كل زيارة (لو معاك) وخد صورة من الصفحة قبل ما تبعتها وابعتها لرينو مصر واكتب لهم فيها "للأسف ده حلي الوحيد بعد عدم مقدرتكم علي حل مشكلتي". أو بلاش حتي تبعت لينو مصر وسيبهم هم يتعاملو.

تم ارسال الشكوي .. الف الف شكر