قصه شراء لوجي

[abo_pasem]

السلام عليكم ورحمة الله وبركاته
من فتره كده وأنا مسافر قعدت أفتكر يوم ماشتريت لوجي
القصه بدات من حوالي 3سنين كده كنت في مطروح بحكم شغلي في
توزيع الادويه لقيت لوجي واقفه قدام صيدليه كبيره هناك
كنت أول مره أشوفها وأعرف إن فين عربيه إسمها لوجان أصلا
كانت واقفه زي العروسه قعدت أبصبصلها
المهم دخلت للدكتور أتكلم معاه بعد كده سألته عن العربيه دي بتاعت مين وكده
قاللي دي عربيتي لسه جايبها من إسبوعين بالظبط
ساعتها كان معايا السكودا الله لا يوريكم فقلتله ممكن آخد لفه كده طبعا كانت معرفتي بالدكتور ده كانت ممتازه فسمحلي بلفه واحده بس
المهم جيت اطلع بالعربيه لقيت مره واحد طرااااااااااخ في الباب الشمال إللي ورا ببص ورايا لقيت تاكسي
راشق في العربيه والدكتور طلع يشوف وكان مزبهل جداااااااا ومتنح وانا كنت متنح اكتر منه والبامبرز باظ آخر بوظان
و

و

و

و اكمل بعد الفطار بقا

[alaaosmanakl]

السلام عليكم ورحمة الله وبركاته
من فتره كده وأنا مسافر قعدت أفتكر يوم ماشتريت لوجي
القصه بدات من حوالي 3سنين كده كنت في مطروح بحكم شغلي في
توزيع الادويه لقيت لوجي واقفه قدام صيدليه كبيره هناك
كنت أول مره أشوفها وأعرف إن فين عربيه إسمها لوجان أصلا
كانت واقفه زي العروسه قعدت أبصبصلها
المهم دخلت للدكتور أتكلم معاه بعد كده سألته عن العربيه دي بتاعت مين وكده
قاللي دي عربيتي لسه جايبها من إسبوعين بالظبط
ساعتها كان معايا السكودا الله لا يوريكم فقلتله ممكن آخد لفه كده طبعا كانت معرفتي بالدكتور ده كانت ممتازه فسمحلي بلفه واحده بس
المهم جيت اطلع بالعربيه لقيت مره واحد طرااااااااااخ في الباب الشمال إللي ورا ببص ورايا لقيت تاكسي
راشق في العربيه والدكتور طلع يشوف وكان مزبهل جداااااااا ومتنح وانا كنت متنح اكتر منه والبامبرز باظ آخر بوظان
و

و

و

و اكمل بعد الفطار بقا

المدفع ضرب والناس فطرت مستنييين تكمل القصة

[ibn_seena]

هههههههههههههههه.
دي اخرة البصبصه لبنات الناس يا ريس

[abo_pasem]

إحم إحم
نكمل...

بعدين بقا إيه نزلنا سواق التاكسي وأنا آسف يا جماعه
الدكتور قالنا انا مليش دعوه العربيه ترجع زي ما كانت
المهم قعدنا في قعده عرب ههههههههه
لقيت نفسي غرمان 4 تلاف جنيه والتاكسي الف بس

لما لقيت العمليه كده قعدت اتكلم مع ام باسم قالتلي إنتا إيييه إلي ركبك العربيه من الاول؟
ودبينا خناااقه جامده اسفرت عن إني هاشتري العربيه من الدكتور بعد ما بيع السكودا
وبالفعل ....
إشتريت لوجي المخبوطه في بابها الشمال ورجعت بيها الاسكندريه وانا في قمه العكننه
ورحت التوكيل إللي ف سموحه صدمني حته صدمه قالولي الباب ب3000 جنيه
ببساطه هايغيروا الباب بس من غير الحاجه بتاعته إللي جوه( إزاز وماكنه الازاز)
رجعت متضايق جدا وروحت علي سمكري عشان يصلح قالي هاتكلفك 800 جنيه

خلاص إتصلحت لوجي بس ماليش نفس أركبها خالص وقعدت مركونه تحت البيت شهرين كده
جيت في مره بصتلها بصه عطف كده كفايه خصام ههههههه
رحت البنزينه غسلتها من فوق ومن تحت ومن جوه وبخرتها
وبعد كده بدأت قصه الحب بيني وبين لوجي


صحيح الحب بهدله ههههههههههه

وأشوفكم علي خير

[alaaosmanakl]

يعني توته توته خلاص
ولا لسة شوية ؟؟؟؟؟؟؟؟؟ظ

[ahmedeg1]

فعلا ما محبه الا بعد عداوه

[amr.elsayed]

هههههههههههههههههههههههههههههه والله انت مشكلة
وسبحان الله العربيات دى رزق ونصيب .. وانا الاول كنت بكره اللوجان جدا
بسبب واحد جارى كان عنده لوجان بس شاريها من قبل منى بفترة يمكن اكتر من سنة وكانت نادرة
العربية دى كانت على طول متبهدلة ومخبوطة ودايما بيركنها تحت شجر والظاهر انه حالف ما يغسلها فكان شكلها فظيع
وكل ما اشوفها اقول لا لا لا لا مش ممكن هى الكيا ريو مافيش غيرها لان انا بحب الريو .. لحد ما شوفت اللوجان بعد كدة
وعرفت عنها شوية معلومات واتفرجت عليها فى المعرض حبيتها وعلى طول روحت خاطبها من عم رينو
بالذات ان
عم رينو بيضمنها انها تبقى مؤدبة واخلاقها عالية هههههه وربنا يباركلك فيها يا ابو باسم ويزيد المحبة بينك وبينها

[abo_pasem]

هههههههههههههههههههههههههههههه والله انت مشكلة
وسبحان الله العربيات دى رزق ونصيب .. وانا الاول كنت بكره اللوجان جدا
بسبب واحد جارى كان عنده لوجان بس شاريها من قبل منى بفترة يمكن اكتر من سنة وكانت نادرة
العربية دى كانت على طول متبهدلة ومخبوطة ودايما بيركنها تحت شجر والظاهر انه حالف ما يغسلها فكان شكلها فظيع
وكل ما اشوفها اقول لا لا لا لا مش ممكن هى الكيا ريو مافيش غيرها لان انا بحب الريو .. لحد ما شوفت اللوجان بعد كدة
وعرفت عنها شوية معلومات واتفرجت عليها فى المعرض حبيتها وعلى طول روحت خاطبها من عم رينو
بالذات ان
عم رينو بيضمنها انها تبقى مؤدبة واخلاقها عالية هههههه وربنا يباركلك فيها يا ابو باسم ويزيد المحبة بينك وبينها

الله يباركلك
أكيد كل واحد عنده حدوته
بس إللي حازز في نفسويتي إني ماشتريتهاش زيرو
كان نفسي اجيبها زيرو بنت بنوت يعني

[amr.elsayed]

الله يباركلك
أكيد كل واحد عنده حدوته
بس إللي حازز في نفسويتي إني ماشتريتهاش زيرو
كان نفسي اجيبها زيرو بنت بنوت يعني

مالحوقة يا ابو باسم وربنا يرزقك وتجيب اربع عربيات هههههه
ولعلمك بقى قسم اللوجان دة يامة اتعمل فيه افراح حتى شوف فرح
د احمد عبد الرحمن من الليالى الجميلة فى القسم

http://www.nilemotors.net/Nile/100109-5.html

[mostafamndy]

ربنا يبارك لك فى لوجى يا ابوباسم ..
وتعيشوا فى هنا وسعادة ويبعد عنكم الميكانيكية والسمكرية ...

[abo_pasem]

ربنا يبارك لك فى لوجى يا ابوباسم ..
وتعيشوا فى هنا وسعادة ويبعد عنكم الميكانيكية والسمكرية ...

آآآآآآآآآآآآمين يااارب

[hi5]

اية المفيد من الحكاية دية

[abo_pasem]

اية المفيد من الحكاية دية

فضفضه مش اكتر
ههههههههههههههه

شويه كده وهانزل موضوع قنبله عن اللوجان