المارشدير بيعشق على الفاضى

[mrmohamedragab]

يا جماعه لو تعرفوا تفيدونى فى المشكله دى علشان انا خلاص بشد فى شعرى كل مره اروح للتوكيل اقولله المارشدير بيعشق على الهوا يقوللى هبصلك على زيت الفيتيس و بس على كده الكلام ده من فتره كبيره و روحت للصيانه اكتر من مره و قولتلهم على العيب ده و كل مره نفس الاجابه فياريت لو حد يعرف العيب ده ممكن يكون من ايه ؟
و هل العيب ده فيه حاجه خطيره او ممكن يبوظ حاجه تانيه ؟ علشان خلاص انا كمان كام شهر و اخرج من الضمان فلو الموضوع كبير ياريت تفيدونى
ملحوظه : العيب ده مش علطول بس بيظهر برخامه و انا بركن لازم اجرب كذا مره لحد اما يعشق مظبوط

[a_nbm]

قولتلهم عليها في التوكيل وقالي لأ انت رقم شاسيه العربيه بتاعتك ............* كذا كذا كذا
يعني نازله من غير المشكله دي ومرضيش يركب مجموعه البريك
بس انا هروح بعد العيد وهخليه يركبها .... عافيه يعني ....

[ahmedeg1]

رزل عليهم و ركب مجموعة البريك

[mrmohamedragab]

بس انا سمعت ان مجموعه البريك دى لعضه المارشدير يا ترى العيب اللى عندى ده من مجموعه البريك برضو

[Medo.Malek]

اية مجموعة البريك دى يا جماعة ؟!
انا عندى نفس المشكلة بالظبط بالظبط فى اللينيا حتى برضة رحت التوكيل اكتر من 5 مرات و معملوش اى حاجة
و برده فاضلى شهرين و اخرج من الضمان !

[ahmedeg1]

دى عباره عن مجموعة بتركب فى الفتيس بتخلى زمن وقوف دوران مجموعة الفتيس أسرع من الأول و بالتالى لما تجيب مارشيدير يعشق بسرعه
جرب الأول انك تقف خالص و تدوس دبرياج على الأخر و عشق المارشدير و شوف هيجى و لا لأ

[Medo.Malek]

دى عباره عن مجموعة بتركب فى الفتيس بتخلى زمن وقوف دوران مجموعة الفتيس أسرع من الأول و بالتالى لما تجيب مارشيدير يعشق بسرعه
جرب الأول انك تقف خالص و تدوس دبرياج على الأخر و عشق المارشدير و شوف هيجى و لا لأ

جزاك الله خيرا يا فندم
هوللاسف المشكلة بتحصل و العربية واقفة تماما و دايس دبرياج على الاخر لازم استنى كام دقيقة و اجرب و لو منفعتش استنى تانى و اجرب و هكذا !
الحكاية دى مش بتحصل على طول

[ahmedeg1]

جزاك الله خيرا يا فندم
هوللاسف المشكلة بتحصل و العربية واقفة تماما و دايس دبرياج على الاخر لازم استنى كام دقيقة و اجرب و لو منفعتش استنى تانى و اجرب و هكذا !
الحكاية دى مش بتحصل على طول

يبقى تعملهم فضيحة التنين و تخليهم يركبوا المجموعة بتاعة البريك انتا خلاص هتطلع من الضمان زى ما قولت

[batmancib]

فعلا نفس المشكله عندى كتير بقعد اجرب كذا مره لغايه ما يجى معايا المارشدير ولما روحت مركز خدمه معتمد قالى مفيش مشكله انت بس ركز فى السواقه مش اكتر حاجه تهبل وعايز اعرف هل تركيب مجموعه البريك ده بيشيل العضه اللى فى الفتيس يعنى بيبقى سلس من غير اى عضه والا لتفضل موجوده برضه

[Medo.Malek]

يبقى تعملهم فضيحة التنين و تخليهم يركبوا المجموعة بتاعة البريك انتا خلاص هتطلع من الضمان زى ما قولت

يا فندم توكيل فيات مفضوح خلقة و مش فارق معاه فضيحة زيادة يعنى !
عموما ربنا ييسر و احاول اشوف الموضوع ده

[hobby10]

انا ركبت البريك من زمان وعادى لحد دلوقتى بتحصل ... ومتعايشة مع الموضوع

[amr.elsayed]

جرب لما تيجى تجيب مارشدير.. العربية تقف تماما .. وتضغط ضغطتين على الدبرياج و هات النقلة
وانسى الحركة اللى بتحصل معاك

[elgindy]

حل المشكلة يا جماعة ببساطة ادى غيار الاول وبعدين ادر مرشيدير هتعشق معاك بسرعة لو ما عملتش كدة يا اما الفتيس يعض ياما هيعشق على الفاضى