العربية اتخبطت

[Dr-Click]

الحمد لله . . قدر الله وما شاء فعل

العربية بتاعتى عاملة 20 الف كيلو . . واحد زنق عليا وكنت حخبط فى سور الكوبري فرملت بس ملحقتش الم نفسي واخدت الخطبة كلها فى الرصيف على طرف الرفف (خبطة بسيطة فى الصاج) والخبطة كلها راحت فى العجلة الي ورا . . العجلة تلوحت خالص والعجلة من الناحية الثانية ورا برده اتعوجت بسيط . . والعربية اخدت لها لفتين حلوين على الارض بس الحمد الله مقلبتش

ودتها لراجل بتاع عفشة علشان معنديش استعداد اروح التوكيل

مبدأيا . . جنط راح والمساعدين راحوا ولسه مستنى حيقولي ايه على الباقي

ربنا يستر . . دعواتكم ونصايحكم

[Dr-Click]

محتاج مساعد واحد
قنطرة

افيدونا !!

[shooter1234567]

قدر الله وماشاء فعل لا تحزن فقد يكون فداء لك او لاحد من اسرتك هذا الحادث
والله لو كنت في نفس مدينتي ما كنت حتأخر عنك ابداً لكني انا في طنطا واكيد انت من القاهرة

[Dr-Click]

قدر الله وماشاء فعل لا تحزن فقد يكون فداء لك او لاحد من اسرتك هذا الحادث
والله لو كنت في نفس مدينتي ما كنت حتأخر عنك ابداً لكني انا في طنطا واكيد انت من القاهرة

جزاك الله كل خير . . والحمد لله على كل شئ . . قدر الله وما شاء فعل
انا من اسكندرية ولو تقدر تساعدني بالاسعار فى التوكيل وبره ولو بره اي الانواع الي مفروض اجبها للمساعد وللقنطرة
انا سايب الراجل يفك فى العربية ولسه حيبص على المقصات الي قدام وربنا يستر ان شاء الله

[mostafamndy]

قدر الله وما شاء فعل ... والف حمد لله على سلامتك ..
أنا كمان عربيتى اتخبطت النهاردة ...

[port_smoker]

خفيفة ان شاء الله
والله عادى جدا انت بس عشان زعلان هتحس انها جامدة بس دة ولا اى حاجة واهو يا كبير بالمرة اديك هتغير عفشة
وممكن بعدين تجيب جنوط كويسة
والقنطرة امرها سهل

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

[ayman_kamal]

عليك و على الوشاحي في قطع الغيار من برة التوكيل

[ahmed_m_ashraf]

عليك و على الوشاحي في قطع الغيار من برة التوكيل

آه بس القنطرة دي تتجاب جديده ولا إستيراد، ياريت صاحب المشكلة لو لقى حد بتاع إستيراد عنده حاجت اللوجان يقولنا.

ربنا يعوض عليك والمهم سلامتك.

[Dr-Click]

انا بدور لسه الصراحة اخر حاجة وصلتلها
سعر القنطرة فى التوكيل : 3025 شامل الضريبة وبتبقى الاكس بس من غير طنابير
المساعد الخلفي الواحد : 450 شامل الضريبة

[ayman808]

ولا قدر الله وماشاء فعل
انا حصلت معايا نفس المشكله وكانت الخسائر فى القنطره والجنط والمساعد والرفرف والشنطه واتصلت بواحد اسمه خالد فى صقر قريش جبت رقمه من موضوع مثبت بالمنتدى وسالته على القنطره الاستيراد كانت ب 2500 كامله بالطنابير بس بصراحه العفشجى استعدل القنطره وركبت مساعد استيراد لكن للاسف هاغير المساعد بواحد جديد لانه سئ ونصيحه اوعى تركب مساعد استيراد انما القنطره حاول تروح عند سمكرى يستعدلها اوحداد لانها فى النهايه قطعه حديد المهم المقاسات

[Dr-Click]

ولا قدر الله وماشاء فعل
انا حصلت معايا نفس المشكله وكانت الخسائر فى القنطره والجنط والمساعد والرفرف والشنطه واتصلت بواحد اسمه خالد فى صقر قريش جبت رقمه من موضوع مثبت بالمنتدى وسالته على القنطره الاستيراد كانت ب 2500 كامله بالطنابير بس بصراحه العفشجى استعدل القنطره وركبت مساعد استيراد لكن للاسف هاغير المساعد بواحد جديد لانه سئ ونصيحه اوعى تركب مساعد استيراد انما القنطره حاول تروح عند سمكرى يستعدلها اوحداد لانها فى النهايه قطعه حديد المهم المقاسات

للأسف انا من اسكندرية . . والعفشجي قالي كلام قريب من ده بس المشكلة ان القنطرة ملوحة جامد من النحيتين وقالي انه خايف تتعدل ومتبقاش بنفس المقاسات . . فاقلي الاحسن تغيرها
بالنسبة للجديد استيراد مش لاقي خالص . . ولا حتى متقطع قطع غيار . . لحد دلوقتي مفيش قدامي غير التوكيل

[ayman808]

بص حاول تروح لورشه حداده هيدروليك بعد ماتخلى العفشجى يحدد المقاسات والورشه هتاخد مبلغ قليل ارخص من العفشجى لان الكلام ده عرفته من واحد صاحبى بعد ماالعفشجى اشتغلنى وخد مبلغ وقدره علشان الاستعدال واهى محاوله اعتقد انها ستنجح باذن الله لانها فى الاول مجرد قطعه حديد مفيهاش اختراع بدل ماتدخل فى مبلغ كبير لان انا شايف ان التوكيل مستغل جدا خاصه ان القنطره الخلفيه مش موجوده جديد فى اى مكان خارج التوكيل

[Dr-Click]

بص حاول تروح لورشه حداده هيدروليك بعد ماتخلى العفشجى يحدد المقاسات والورشه هتاخد مبلغ قليل ارخص من العفشجى لان الكلام ده عرفته من واحد صاحبى بعد ماالعفشجى اشتغلنى وخد مبلغ وقدره علشان الاستعدال واهى محاوله اعتقد انها ستنجح باذن الله لانها فى الاول مجرد قطعه حديد مفيهاش اختراع بدل ماتدخل فى مبلغ كبير لان انا شايف ان التوكيل مستغل جدا خاصه ان القنطره الخلفيه مش موجوده جديد فى اى مكان خارج التوكيل

للأسف كل محاولات الاستعدال فشلت والعربية كانت بتعوم منى وفيها لوحة فى العجل الي ورا
ودتها العربية التوكيل وغيرولي الاتي

قنطرة
مساعد
بلي العجل
ركب القنطرة

الدنيا اضظبط معايا الحمد لله ودفعت مبلغ وقدره الحمد لله برده