رينو سانديرو هاتشباك..استفسار

[Omar Hammad]

السلام عليكم..لو سمحت لو حد معاه رينو سانديرو هاتشباك يقولي ايه اخبار العربية معاه, و لو فيها عيوب, و مريحاه ولا لا و شوية معلومات عن العربية , و الواحد يشتريها و يدفع 83 الف في الاتو 1600سيسي 110 حصان و هو مطمن ولا هيندم بعد كده :).

الف شكر مقدما

[Sameh]

احنا لسة جايبين المانيوال تانى فئة ام ٧٦ ، مالاوتوماتيك اعتقد ب ٨٥ مش ب ٨٣ ، عموماً هى العربية باختصار مزايا انها عالية وعفشتها بتشيل وتستحمل ، وتكييفها كويس وصالونها مستريح مش ضيق ومش واسع برضه طبعاً
بالنسبة للمانيوال الموتور بناعها مضايقنى ومش بيجمع بسرعة ، يعنى النوبيرا بتجمع احسن ، بس هو عزمه كويس على كل الغيارات ، موتور الاوتوماتيك انت عارف انه مختلف واتصور انه هيبقا احسن ان شاء الله
عيوب العربية هى انها مش ثابتة او فى مطبات الهوا بتلاقى العربية بتتنطط عشان ناشفة وعالية ، اما فى الملفات ثباتها كويس يفكرك ان اصلها اوربى برضه ، العيب التانى ان عزل الصوت فى الضياع لو الموضوع ده بيفرق معاك يعنى مثلاً بتحس ان الكلاكس جوا العربية مش برة :) ، عموماً هى عيوبها كلها سطحية وشكلية يعنى ترتيب الازرار بتاع الازاز والكلاكس والمرايا ، مراية الجنب كبيرة بالطول وقصيرة بالعرض فحلو لما تكون بتركن بتبقا شايف الرصيف والارض كويس بس فى الشارع بقا بيبقا فيها منطقة عامية كبيرة فى جنب العربية ، اعتقد مافيش عيوب تانى ، بالمناسبة استهلاك البنزين فيها كويس ، على الاقل مثلاً احسن من النوبيرا ، وتكييفها تلاجة بجد برغم ان السربنتينة شكها صغير كدة بس بيبرد حلو وبسرعة

انا لو هروح اشترى ممكن اجيبها تانى بس كنت هجيب الاوتوماتيك مش المانيوال

[Omar Hammad]

الف شكر على اهتمامك يا باشا, الاتو من التوكيل ب83 و نص بس الاستلام في خلال 3 شهور

كلامك فدني في شوية حاجات, بس هو اكتر حاجه مقلقاني هو ثبات العربية..فهي ثابته معاك يعني او مقبوله ولا في الضياع خالص !!

و الف شكر على ردك :)

[ahmedmohamed7]

السلام عليكم ......
انا معايا سانديرو 2011-مانيول مكنش فيه غيره اصلا :)
عامتا ده ان تقرير عملته و العربية ماشية 12 الف كيلو .......دلوقتى تقريبا 28 الف والوضع كما هو الحمدلله اتمنى حضرتك تقرأ التقرير و انا تحت امرك فى اى سؤال ....

http://www.nilemotors.net/Nile/245998-_12000-km_.html

[Omar Hammad]

و عليكم السلام و رحمه الله و بركاته

الف شكر على ردك يا باشا, و التوبيك بتاعك فتح نفسي من ناحية العربية بصراحه تقرير جميل جدا و ربنا يخليهالك و يباركلك فيها ان شاء الله..يعني حضرتك مقابلتش معاها اي مشكله و الثبات بتاع العربية زي ما حضرتك كاتب كويس و مفيهوش مشاكل!!

الواحد يشتري يعني على بركه الله :d!

[ahmedmohamed7]

و عليكم السلام و رحمه الله و بركاته

الف شكر على ردك يا باشا, و التوبيك بتاعك فتح نفسي من ناحية العربية بصراحه تقرير جميل جدا و ربنا يخليهالك و يباركلك فيها ان شاء الله..يعني حضرتك مقابلتش معاها اي مشكله و الثبات بتاع العربية زي ما حضرتك كاتب كويس و مفيهوش مشاكل!!

الواحد يشتري يعني على بركه الله :d!

بحس دايما ان الثبات ده مسالة نسبيه مختلفة من شخص لشخص او على حسب هو كان سايق ايه قبل مايشترى العربية.............بس من الاخر اللوجان او السانديرو مقارنتا بفئتهم السعرية ثباتهم كويس جدا الحمدلله ....مش لازقة فى الارض و مش بتطير .... :) اتوكل على الله طبعا ....و الف مبروك مقدما :)

[ahmedmohamed7]

ربنا يخليك ده من ذوقك .....متشكر جدا
بالمناسبه صحيح مافيش سانديرو سيدان , يكفى تقول سانديرو الناس هتفهم علاطول :)

[Omar Hammad]

الله يبارك فيك و كلامك ده شجع الواحد ربنا يخليك

اه بس عشان الستيبواي..و الف شكر مره تانيه :)

[Sameh]

الف شكر على اهتمامك يا باشا, الاتو من التوكيل ب83 و نص بس الاستلام في خلال 3 شهور

كلامك فدني في شوية حاجات, بس هو اكتر حاجه مقلقاني هو ثبات العربية..فهي ثابته معاك يعني او مقبوله ولا في الضياع خالص !!

و الف شكر على ردك :)

الثبات فى الملفات كويس مش وحش طالما الطريق نضيف بتلاقى الملف مقفول مظبوط مش بيفتح معاك وبتلم العربية بسلاسة ، بس لما بيبقا فيه حفر كتير ومطبات هوا عالى وواطى بتلاقى العربية بتتنطط زيادة عن اللزوم شوية فبتضطر تهدى شويتين حتى لو ماشى طوالى

الله يبارك فيك و كلامك ده شجع الواحد ربنا يخليك

اه بس عشان الستيبواي..و الف شكر مره تانيه :)

الستيب واى هى هى هاتشباك برضه بس مختلفة فى العتب والنواكل وفوانيش مظللة وروف راك وحاجات شكلية خلت شكلها من برا أحلى
السيدان بتاعت السانديرو هى اللوجان :)

[ahmedmohamed7]

الثبات فى الملفات كويس مش وحش طالما الطريق نضيف بتلاقى الملف مقفول مظبوط مش بيفتح معاك وبتلم العربية بسلاسة ، بس لما بيبقا فيه حفر كتير ومطبات هوا عالى وواطى بتلاقى العربية بتتنطط زيادة عن اللزوم شوية فبتضطر تهدى شويتين حتى لو ماشى طوالى

كلام حضرتك مظبوط لا انا الاسوء بالنسبالى بقى عيون القطط ..ده اكتر حاجة بتزعلنى من السانديرو :) بس ارجع و اقول بالنسبة لفئتها فثباتها كويس الحمدلله بشكل عام....

[Lord_Fouad]

انا معايا سانديرو الكاملة من ديسمبر 2010 .. العربية تستاهل تمنها و اكتر شوية .. توكل على الله و صل استخارة
بالمناسبة موضوع الثبات دة حلو جدا فيها و على السرعات لأن اغلب مشاويري سفر و رأيي انها ممتازة في الثبات على السرعة و في الملفات .. لكن فعلا صوت الموتور عالي شوية جوة الصالون مع السرعة

[iman_meg]

بص انا عندى سانديرو 2011 مانيوال عملا 25000 ف 9 شهور لان هى مع والدى ( عشان عربيتة ااتسرقت) المهم العربية ما شاء الله تجنن صالون ثبات و شكل و كلة بس صوت الموتور عالى شوية , و انا ان شاء الله لما اجيب عربية ليا بقى برضه هجيبها تانى بس اتوماتيك بقى :)

[Omar Hammad]

انا معايا سانديرو الكاملة من ديسمبر 2010 .. العربية تستاهل تمنها و اكتر شوية .. توكل على الله و صل استخارة
بالمناسبة موضوع الثبات دة حلو جدا فيها و على السرعات لأن اغلب مشاويري سفر و رأيي انها ممتازة في الثبات على السرعة و في الملفات .. لكن فعلا صوت الموتور عالي شوية جوة الصالون مع السرعة

تمام يا باشا, الف شكر و ربنا يباركلك فيها ان شاء الله..و انا هستلم العربية خلاص قريب ان شاء الله

بص انا عندى سانديرو 2011 مانيوال عملا 25000 ف 9 شهور لان هى مع والدى ( عشان عربيتة ااتسرقت) المهم العربية ما شاء الله تجنن صالون ثبات و شكل و كلة بس صوت الموتور عالى شوية , و انا ان شاء الله لما اجيب عربية ليا بقى برضه هجيبها تانى بس اتوماتيك بقى :)

ربنا يعوض عليكوا و يرجعلكوا حقكوا ان شاء الله, و يخليلكوا العربية الجديدة و يباركلكوا فيها ان شاء الله و الف شكر لردك

[DAHB115]

ممكن اخي الفاضل تقول لنا عن اسعارقطع الغيار ولو في صور داخليه توضح شكل السيارة من الامام والخلف وشكل الشنطه انا عارفه انها هاتش بس حجم شنطتها اد ايه ياريت مش تتاخر عليا لاني فعلا فكرت اجيبها من كلامك عليها وكلام بعض الاعضاء عن جمال العربية والف شكر لاهتمامك