إعـــــــلان

Collapse

.

,
See more
See less

اللوجان ليه بتتباع كسر زيروووووووو ؟!!!!!!!!

Collapse
X
 
  • Filter
  • الوقت
  • Show
Clear All
new posts

  • اللوجان ليه بتتباع كسر زيروووووووو ؟!!!!!!!!

    السلأم عليكم ورحمة الله وبركاته
    ياجماعة أنا كنت عاوز أعرف :
    ليه كمية المعروض من اللوجان كسر زيرووو كتير أوى على النت ؟
    يعنى أنا ملأحظ أن كل اللى بيبيعوا ما كملوش بالعربية 10 ألأف و20 ألف وكبيرهم 40 ألف كيلو . والكل بيبيع فى عربيته وهى لسة بشوكها .. طب ليه ؟!!
    لسة أمبارح شايف أعلأن على النت , لوجان مترخصة ثلأث سنوات ومعمول لها فرش جلد وماشية 700 كيلو بس يعنى حتى ماعملتش صيانة الألف وصاحبها بيبعها لأعلى سعر ؟!!
    بصراحة أنا عاوز أجيبها ومقلق منها لأنى بسافر كتير على الطريق ومسافات كبيرة وخايف تطلع مقلب وأحتاس بيها فى نص الطريق أو تتعبنى والتكيف بتعها يزهقنى والموتور يبقى عزمه ضعيف أو تكون فى الملفات وحشة وبتحدف لأن بصراحة طريقى معظمه جنوب سيناء وهناك ملفات كتير ومنحدارات جامدة وأخاف لحسن أتقلب بيها وخصوصا أن أولأدى على طول بيبقوا معايا فى العربية .
    أرجوكم ردوا عليا وقولوا لى أيه السبب فى ان كل الناس بتخلص من اللوجان وبتبعها وهى لسة بشوكها ؟!! وهل هى سيارة ذات أعتمادية أم لأ؟
    وجزاكم الله خيراً!!!

  • #2
    متابع باهتمام

    Comment


    • #3
      ما اعتقدش ان حضرتك هتلاقى اللى بيبيعوا متفقين فى اسباب البيع و هو ده الواقع . يعنى مثلا هناك اللى بيبيع لدواعى السفر او لعد اقتناعه بالسيارة بعد التجربه الفعليه او عدم وجود كماليات فيها او عيب معين من وجهه نظره او نتيجه مقارنه مع عربيه تانيه و بالتالى حكايه بيعها و هى كسر زيرو كتير مش شرط انه يكون مرتبط بجوده العربيه. هو بس فى نقطه عايز اوضحها لحضرتك و هى ان سفرك كتير و طويل حسب كلامك و اعتقد انك ممكن تكون محتاج لحاجه اقوى من اللوجان و ان كانت كويسه جوه البلد و امكانياتها مناسبه لسعرها بس داخل البلد او سفر مره و لا مرتين مش على طول و اعتقد ان السفر الكتير ممكن يتعب العربيه و يبهدلها

      Comment


      • #4
        السلام عليكم
        معايا العربية بقالها 9 شهور وعاملة 13000
        وطريقي نفس طريقك وبتعدي ملفات ابو زنيمة وشرم بسهولة وثبات والعربية واسعة وبتشيل ومريحه تقريبا بسافر بيها مره في الشهر
        التكييف معقول بالنسبة لدرجة جرارة الجو وكفائته بتزيد لو ركبت ستاير او فاميه حراري
        توكل على الله بس لو الفرق بين الزيرو وكسر الزيرو قليل خليك في الزيرو افضل
        بالتوفيق

        Comment


        • #5
          أشكركم ياجماعة على مشاركتكم وردودكم . وأنا أعتقد والله أعلم أن العربية معمولة لداخل المدينة وزى ما قال الأستاذ Land_Cruiserأنها ممكن مع كتر المشاوير والسفر يتعبها وتتبهدل وخصوصا أن أخر عربية كانت معايا كنت شاريها كسر زيرو ماشية 2000 كيلو وفى خلال سنة ونصف أو أقل مش فاكر كانت عاملة معايا 66 ألف كيلو فأنا فعلا من النوع اللى بيحتاج عربية عزمها قوى وتستحمل البهدلة .
          طب أنا عاوز أسال الأستاذ me_dooo عن الثبات وعن التجميع وياترى أيه أقصى سرعة مشيت بيها وجبتها بالعربية على طريق شرم فى الحتة اللى هى بعد مدينة الطور

          Comment


          • #6
            يا باشا ربنا يوفقك لاختيار الصح
            بس أن حابب أعلق بس على موضوع إن العربية معمولة للمدن
            يا باشا أن بسافر كتير جداً بالعربية يعني أكتر من نص العداد عندي سفر
            و العربية كويسة جداً في السفر و أن رحت بيها مرتين مطروح رايح راجع بدون إستراحة
            لأن الحمدلله مكنتش تعبان منها أن أو عيلتي كنا ٥ أفراد بالمناسبة غير طفلين .



            بالنسبة للسرعة أن مش بحب أجري أوي بس ده مايمنعش أني جربت أجري بيها كذا مرة كدة



            جبت بيها ١٨٠ على طريق السخنة و طريق العلمين
            و ١٩٠ على طريق الصعيد - الكريمات


            و دي تجربتي الشخصية مش سمع من حد.


            و باردو ربنا يكرمك و يوفقك لحاجة إلي تستريح ليها نفسياً




            وائل الشيشيني

            Comment


            • #7
              يا جماعة العربية انا شايف انها مناسبة للسفر و المدينة و كل حاجة بصراحة و في ناس معانا عملت 190000 كيلو بالعربية و ما شاء الله مسمعناش منهم مشاكل غير طرمبة البنزين اللي غير موتورها ب 200 جنيه و شكرا على كدة

              طالما بتهتم بالصيانة الدورية و تغيير الكاوتش في معاده و الصيانة في ميعادها هتعيش معاك بدون مشاكل ان شاء الله
              يجب تعديل حجم الصورة

              Comment


              • #8
                المشاركة الأصلية كتبت بواسطة jackson_75 مشاهدة المشاركة
                أشكركم ياجماعة على مشاركتكم وردودكم . وأنا أعتقد والله أعلم أن العربية معمولة لداخل المدينة وزى ما قال الأستاذ land_cruiserأنها ممكن مع كتر المشاوير والسفر يتعبها وتتبهدل وخصوصا أن أخر عربية كانت معايا كنت شاريها كسر زيرو ماشية 2000 كيلو وفى خلال سنة ونصف أو أقل مش فاكر كانت عاملة معايا 66 ألف كيلو فأنا فعلا من النوع اللى بيحتاج عربية عزمها قوى وتستحمل البهدلة .
                طب أنا عاوز أسال الأستاذ me_dooo عن الثبات وعن التجميع وياترى أيه أقصى سرعة مشيت بيها وجبتها بالعربية على طريق شرم فى الحتة اللى هى بعد مدينة الطور
                اقصى سرعة كانت 170 بعد ابو رديس وبصراحة خفت ازود
                وطريق الطور شرم جبت بيها 140 وكانت ثابته بس ان عموما مش من هواة الجري يعني اخري 120
                ربنا يوفقك

                Comment


                • #9
                  انا الحمد لله قفلت بيها العداد 200 اكتر من مره على طريق مصر الغردقه
                  ومعظم السفر من على سرعه من 140 حتى 180 والحمد لله عربيه جميله جدا
                  وربنا يستر علينا وعليكم

                  Comment


                  • #10
                    لا إله إلا الله , ربنا يستر عليكم من السرعات اللى أنتوا كاتبينها دي 170 و200 ليه !!!!!!!!!!!
                    ونصيحة من واحد مجرب وأتقلب قبل كده بعربية لأنسر بلأش بلأش سرعة لأن القدر بيجي فى أقل من الثانية .
                    وربنا يستر علينا وعليكم جميعاً

                    Comment


                    • #11
                      المشاركة الأصلية كتبت بواسطة jackson_75 مشاهدة المشاركة
                      لأ إله ألأ الله , ربنا يستر عليكم من السرعات اللى أنتوا كاتبينها دي 170 و200 ليه !!!!!!!!!!!
                      ونصيحة من واحد مجرب وأتقلب قبل كده بعربية لأنسر بلأش بلأش سرعة لأن القدر بيجي فى أقل من الثانية .
                      وربنا يستر علينا وعليكم جميعاً
                      +1111111111111111111111
                      يجب تعديل حجم الصورة

                      Comment


                      • #12
                        المشاركة الأصلية كتبت بواسطة jackson_75 مشاهدة المشاركة
                        لا إله إلا الله , ربنا يستر عليكم من السرعات اللى أنتوا كاتبينها دي 170 و200 ليه !!!!!!!!!!!
                        ونصيحة من واحد مجرب وأتقلب قبل كده بعربية لأنسر بلأش بلأش سرعة لأن القدر بيجي فى أقل من الثانية .
                        وربنا يستر علينا وعليكم جميعاً
                        ال 170 دي مرة وحيده يتيمة لمدة قل من دقيقة على سبيل التجربة فقط لا كان في واحد بيجري قدامي وكنت عاوز اشوفه ماشي كام
                        ربنا يستر

                        Comment


                        • #13
                          مدن مين يا جدعان اذا كان فى الكتلوج معمول قسمين استخدام الاول لى فى المدينة و التانى لو فى الجبال و احمال شاقة عايزين ايه تانى ؟

                          Comment

                          Working...
                          X