المشي على الغيار الرابع لمسافة طويلة ؟

[tondar90]

الف مسه على الناس الكويسه

نظراً لقلة خبرتي في الفتيس المانيول

حابب اسأل هل فيه مشكلة لو مشيت بالعربية لمسافة 100 كيلو متر على سرعة 80 كيلو/الساعة بعزم دوران 3000 دورة للمحرك ؟؟؟

في ناس قالوا اني كان لازم انقل للخامس حتى لو كنت ماشي 80 مع ان الغيار الرابع بيجيب ال 80 بسهولة !!

[Egyzizo]

مافيش مشكلة لو على أد سرعة 80
الخامس هيوفر بنزين أكتر.

فكرتنى لما كنت جايب 127 بعد ما كان معايا 128
الـ 128 ماكانش فيها خامس
فبناءاً عليه ، قعدت سنتين ماعرفش ان الـ 127 فيها خامس وهى كان فيها جوه.
وكان آخرى الرابع لمدة سنتين.

[Egyzizo]

والظريف انى كنت شارى العربية من دكتور قريبى ، وقعدت معاه 22 سنة ، ولما حكيت له الموقف ده ، قال لى ياخبر ، هو طلع فيها خامس؟

[MohammedAladel]

دايما ريح المحرك والفتيس أنت حاجة هتحسها لو نقلت ع الخامس وحسيت ان العربية مرتاحة قوى يبقى انقل على الخامس

دايما متخليش الموتور يبقى منحور وصوته طالع طالما إنت أساسا مش بتجرى

[tondar90]

هههههههههههههههههههههههههههههههههه

والله ضحكتني بجد الف شكر على سرعة الرد
يعني انت و الدكتور كنتم مشئلبين كيان العربية و حرمينها من الخامس طول المدة ديه :)


ربنا يطمنك

[tondar90]

هو فعلاً يا اخ محمد زي ما حضرتك اتفضلت كان لازم اجيب الخامس

بس على فكرة على الرابع الموتور يجيب اكتر من 80 براحه و من غير تعب

[Magoda]

الف مسه على الناس الكويسه

نظراً لقلة خبرتي في الفتيس المانيول

حابب اسأل هل فيه مشكلة لو مشيت بالعربية لمسافة 100 كيلو متر على سرعة 80 كيلو/الساعة بعزم دوران 3000 دورة للمحرك ؟؟؟

في ناس قالوا اني كان لازم انقل للخامس حتى لو كنت ماشي 80 مع ان الغيار الرابع بيجيب ال 80 بسهولة !!

مفيش مشكله عادى بس الفكرة انك بتحمل على الغيار وبصراحه أنا مش ببص على العدد أنا بغير لما بسمع صوت الماتور عالى بقوم مغير الغيار اللى بعده يعنى انا بجيب الخامس لما بكون على سرعه 100 كيلو/الساعة

[ahmad--ezzat]

والظريف انى كنت شارى العربية من دكتور قريبى ، وقعدت معاه 22 سنة ، ولما حكيت له الموقف ده ، قال لى ياخبر ، هو طلع فيها خامس؟

ههههههههههههههههههههههههههههههههههههههههههه

[ahmedeg1]

انا بغير على ار بى ام من 4 الى 4.5 و الكلام ده مش دايما فى السفر بس و ممكن اسوق على الرابع لحد سرعة 120 كم لفتره طويله و مافيش مشكله ان شاء الله

[tondar90]

الف شكر لكل من السادة Magoda و ahmedeg1 على الردود

و منكم نستفيد

اليوم كنت ماشي في طريق تلاقيني شوية بجيب الخامس و لما بهدي بجيب الرابع و هكذا

بس بصراحة الفتيس المنيول عفش و مطلع عيني الله يرحم ايام الاوتوماتيك