قربت من 80 الف كيلو ..كده اتأخرت في التغيير؟؟؟؟؟؟؟

[ali_333]

السلام عليكم
كيف الحال يالوجانية ........بخير ان شاء الله

كده قربت من 80 ألف كيلو موديل 2010

اتأخرت في تغيير الكاوتشات؟؟؟؟؟؟؟؟؟؟؟؟؟؟؟

اخر صيانة ال 70 الف كتبو ملاحظة لكن ملاحظة بسيطة يعني نصيحة بعد خمس الاف غير الاربع فرد

وبصراحة حاسس انهم كويسين خاصة اني مش بجري سريع اخري على 100 بالكتير

بس العربية بتحدف يمين من الكاوتشات ولا الزوايا؟

[Ahmed A Rahman]

حضرتك مشيت على الكاوتشات 80 الف كيلو ؟؟؟؟

انا ماصدقت غيرت الكورموران اللي فيها على 40 وعربيتي دلوقتي عاملة 82 الف والكاوتش الجديد بيتاكل

الكاوتش هي الحاجه الوحيدة اللي بتربطك بالارض وانت على الطريق

انت مش دايس الا على 4 فرد هوا

نصيحتي لحضرتك غيرهم فورا حياتك مش لعبة

[ali_333]

حضرتك مشيت على الكاوتشات 80 الف كيلو ؟؟؟؟

انا ماصدقت غيرت الكورموران اللي فيها على 40 وعربيتي دلوقتي عاملة 82 الف والكاوتش الجديد بيتاكل

الكاوتش هي الحاجه الوحيدة اللي بتربطك بالارض وانت على الطريق

انت مش دايس الا على 4 فرد هوا

نصيحتي لحضرتك غيرهم فورا حياتك مش لعبة

ألف شكر ياباشا
بس انا مشفتش اي تشققات او حاجة تدل على ان الكوتشات بدأت تتاكل ولا مش شرط

يعني اي كاوتش مهما كان نوعه على اربعين الف كيلو ويتغير؟

كده الموضوع يبقى مكلف

[Ahmed A Rahman]

لا طبعا مش اي كاوتش على 40 يتغير انا بتكلم على اللي جاي فيها (ولا اللي عند حضرتك ميشلان؟؟)

الكاوتش على حسب الاستخدام يعني فيه واحد بيمشي على زلط وواحد ثاني على رمل وواحد ثاني طرق سريعة وواحد طول النهار في الزحمة ووسط البلد

الكاوتش مش بس تشققات ممكن يبقى
* الكاوتش اتمسح من كتر الاستخدام
* ناحية اعلى من ناحية خصوصا الاطراف وده بيبان على جهاز الترصيص

خلي بالك ان من وظائف الكاوتش مش بس يشيل العربية انما كمان امتصاص الصدمات يعني تاخيره اكيد حيأثر على العفشة ويضعفها

تاني وظيفة للكاوتش هو الاتزان يعني ممكن يعوم العربية على المنحنيات

ثالث وظيفة هي الفرامل , التيل بيمسك الطنابير, لكن في الاخر الطنابير ماسكة في الكاوتش

رابع وظيفة هي التماسك في الميا او الامطار, تآكل الكاوتش بيقلل من قوة الفرامل دا غير ان تأكل المداس بيخليه يتزحلق في الميا

انا اللي ركبته عندي بريدجستون بفكر اغيره على 90-95 الف يعني بعد حوالي 55 الف كيلو وممكن يقعد لستين لو الحالة كانت كويسة

[dr.hazem]

ياراجل حرام عليك والله
الكاوتش عمره الافتراضي على اقصى حد 60 ألف لما يعني يكون نوعه ايه

80 ألف كتير جدا ولابد تغييره لمصلحتك ياعزيزي وربنا يكفيك شر الطريق


آمين

تحياتي

[tamer61]

إللي كان جاي في العربيه الكورموران ما صدقت خاصت منه بعد 40 ألف بالظبط وكنت حاسس إنه كان لازم يتغير قبل كده .... ربنا يباركلك في الكاوتش إللي عندك ولكن نصيحه غيره دلوقتي.

[ali_333]

جزاكم الله خيرا حغيره قريب ان شاء الله

[zkralla]

40 الف رقم مناسب وكده كتير قوى حتى لو مفيش اى اعراض ظاهرة لتلف الكوتش .... لازم تغيره

[ali_333]

ألف شكر ياباشا يتغيرو ان شاء الله قريب ربنا يسهل

[gebreel]

الكاوتش ممكن يبقى من برة شكلوا كويس لكن طبقاته الداخليه ممكن تبقى حالتها وحشة جدا و ده خطر جدا