تركيب عازل الحرارة

[Ibrahim88]

السلام عليكم شباب اللوجان
عندى استفسار عن تركيب العازل عشان مشكلة الحرارة عند الدواسات
هى هتفرق ولا ملهاش لازمة و هل هيفكوا حاجة فى العربية و يبهدلوا الدنيا ولا الموضوع سهل؟؟

[Ibrahim88]

و هل 2012 نازلة بالعازل فعلا

شكرا

[sherifboo]

متابع

[amirboulos]

انا عربيتي ٢٠١٢ وفي فرع العبور قالوا لي انها نازله بعزل ...مع ان انا مش شايف اي عزل علي المواسير اللي جنب الدواسه ولا حاسس بعزل اصلا ...كميه حراره طالعه من الدواسه والتابلوه جامده جدا وبصراحه لو الموضوع متحلش انا هشتكيهم في جهاز حمايه المستهلك

[Ibrahim88]

انا 2012 و الموضوع بتاع الحرارة مش بحس بيه الا بالليل لو لابس شبشب و لمل بشغل التكييف بيختفى
معلش سؤال تانى هو تكلفة صيانة ال 10000 كام؟ و شكرا

[ahmedeg1]

ممكن تركب ارما فليكس على المواسير او تلغى السخن من اساسه

[Ibrahim88]

ممكن تركب ارما فليكس على المواسير او تلغى السخن من اساسه

اشكرك جدااا

[amrelzawawy]

الموضوع مكرر هنا كثير وعن خلاصة التجربه والنصيحه.......
حاجه من الاثنين هما افضل شىء ......
1-تلغى السخن وبيعملوه دلوقتى فى التوكيل والمراكز المعتمده فى 10 دقائق وانا مفضلوش لانه اوبشن ممكن احتاجه ولو مره فى العمر .....
2-الحل الثانى اللى انا عملته تروح لسروجى محترم تعمل عنده ارضيه جلد وتشترى لباد حرارى يكون ثقيل يغطيلك بيه الارضيه فى الكرسيين الامامى وترفعه لصدر العربيه على قد ماتقدر وهيتغطى معاه المواسير فى الدواسه وده يعتمد بس على مهارة الصنايعى فى التقفيل وموضوع مش صعب....
وكانت نتيجته 3 فى واحد :)
اولا عزل حرارى فى الدواسات نهائى
ثانيا المحافظه على ارضية الموكيت الاصلى وسرعة تنظيفه
ثالثا زياده عزل الصوت فى الكابينه بسبب اللباد سواء من اللى جاى من الموتور او من الطريق اسفل العربيه
رابعا تكلفه لا تزيد باللباد والجلد والمصنعيه عن 300 جنيه .....

اتمنى ان اكون قد افدتك

[the lawyer]

انا لسة حاجز النهاردة من التوكيل وكلمت مدير الفرع عن مشكلة السخونة قالي ان المشكلة دي اتحلت نهائي في موديل 2013 ، بس هو قالي ان صوت الموتور بيبقى عالي بعد تعدي 100 كم حتد يقدر يفيدنا ؟
على فكرة انا اعرف اتنين عندهم العربية دي واحد اتو والتانية مانويل والإتنين عمرهم ما اتكلموا عن مشكل الحرارة او اشتكوا منها

[amrelzawawy]

الموضوع مش ضخم زى الناس متصوراه ........لدرجة ان ممكن حد ياخد باله والثانى لا انا عن نفس مركزتش فيها غير لما قريت عنها هنا ....وده معناه مش موضوع كبير نهائى والتوكيل مش هيعمل اكثر من انه يزود عزل فى الموديلات الجديده عند المواسير او تعملها انت زى موضحت فوق موضوع بسيط بس طبعا يضايق لبعض الناس .....نقطه مهمه ....الموضوع ده لا يؤثر على التكييف نهائيا لانه فيه سنسور مع تشغيل التكييف يمنع دخول السخونيه للمواسير مع التبريد وحط ايدك على المواسير والكونسول هتلاقيهم باردين مع بداية تشغيل التكييف

[pharmacology]

الموضوع مكرر هنا كثير وعن خلاصة التجربه والنصيحه.......
حاجه من الاثنين هما افضل شىء ......
1-تلغى السخن وبيعملوه دلوقتى فى التوكيل والمراكز المعتمده فى 10 دقائق وانا مفضلوش لانه اوبشن ممكن احتاجه ولو مره فى العمر .....
2-الحل الثانى اللى انا عملته تروح لسروجى محترم تعمل عنده ارضيه جلد وتشترى لباد حرارى يكون ثقيل يغطيلك بيه الارضيه فى الكرسيين الامامى وترفعه لصدر العربيه على قد ماتقدر وهيتغطى معاه المواسير فى الدواسه وده يعتمد بس على مهارة الصنايعى فى التقفيل وموضوع مش صعب....
وكانت نتيجته 3 فى واحد :)
اولا عزل حرارى فى الدواسات نهائى
ثانيا المحافظه على ارضية الموكيت الاصلى وسرعة تنظيفه
ثالثا زياده عزل الصوت فى الكابينه بسبب اللباد سواء من اللى جاى من الموتور او من الطريق اسفل العربيه
رابعا تكلفه لا تزيد باللباد والجلد والمصنعيه عن 300 جنيه .....

اتمنى ان اكون قد افدتك

اللباد الحراري ده ممكن اشتريه منين ؟؟؟